بعض تجاربي بعد الانقطاع
محدش يجيب تيل الفرامل الامامي الاصلي، مكملش 15000 و بدأ يحك في الطنابير
انا كنت جبت تيل اسمه ياماموتو ب 60 جنيه شلته بعد 25000 من باب التغيير و كان لسه فيه
حاليا بحط زيت ليكوي مولي ال 10/40 كويس حجا و هايل بس بيأخر الدوارة ثانيتين عشان البارد بتاعه 10
كنت جبت قبله التوب تيك ال 5/40 العربية في عز البرد بدور بعد ثانيتين بس انا موتوري عامل 128 الف فاعتقد ان ال 10/40 الازرق افضل
ترمبة البنزين بتاعتي باظت و لما روحت للميكانيكي قالي ممكن تغير الموتور و خلعه و ادهوني عشان اجيب نفسه طلع هو هو بتاع الفيرنا كان في من اول 65 لحد 150 و طبعا جبت ال 150 و كانت كوري فسعرها عقلاني و شكلها و تقفيلها نضيف و شغال كويس لحد دلوقتي
وانا بغير التيل قولت للراجل بتاع الانسر البطة اداني واحد غريب اللي هو بتاع الكسنت و قالي بيركب، لما فكيت اللي راكب طلع مختلف و طلع بتاع اللانسر الكريستالة و مكتوب عليه Mistubishi 84
جبته مع انه كوري و ماركة اسمها جولد اول مرة اسمع عنها بس كلها 10000 كيلو و اغيره ان شاء الله
بس كده :-)