ممكن اعرف مكان عزبه شلبي فين
عرض للطباعة
ممكن اعرف مكان عزبه شلبي فين
يوسف باشا
اولا انا اللي قابلتك فى شارع احمد حلمي واشتريت منك الاكصدام ووعدتني بالشبكة فين الشبكة
ثانيا عزبة شلبي دي منطقة مابين المطرية و الاميرية لو جاي من عند عبود و ترعة اسماعيلية علي شمالك كمل و اسال علي عزبة شلبى بعد بونون سيما بشوية
انا عارف ان البوابة و حساس العمة تفرق من 2000 ل 2004و 2005 علشان كدا كتبت فى اول الرسالة اللي فاتت ان عربيتي 2000
مبروك عليك الحاجه ياباشا والشبكه مو جوده واول ماانزل هودهالك عند ريموكار
ان شاء الله هبدأ اعمل العربية عشان بقالها 3 سنين معملتش فيها حاجة و جاء معاد الترخيص
* اشتريت اكصدام امامي من التوكيل عشان اللي في السوق بيبقى بلاستك فمع الخبطة بيتكسر و كان سعره 503 بدون اي شيء
* اشتريت الشبكة الامامية بس دي معايا من فترة و سعرها كان 110
* كان عندي باب دخل فيه نص نقل، نزلت اشتريت باب فاضي ويرا ب 350 و ده ليه قصة لطيفة كده هحكيلكو عليها
* بفكر اشتري اكصدام خلفي بس اللي عندي حالته معقولة جدا، لقيته استيراد ب 500 نضيف جدا بس مسألتش عليه في التوكيل، و احتمال كبير مجيبوش
و دي شوية اسعار لقيتها انهاردة
كلمة بروتون على الشنطة 60 جنيه
مفتاح زجاج رباعي ماليزي جديد شمال 750
طقم فوانيس ليدات خلفي كامل 4 قطع 750
طقم فوانيس امامي عدسات 850
مرايتين كهربا بالمفتاح استيراد 500 جنيه
وانا شغال هتابعكم اول باول و بعدين هعمل موضوع كامل ان شاء الله
انا حاليا بدور على صنايعي سمكرة و دوكو نضيف و اسعاره معقولة و اللي عنده اقتراحات لاي حد في القاهرة يبقى عمل فيه خير :)))
مبروك عليك التجديدات مقدما طقم المفتاح الرباعي سعره كويس وممكن لو هو غالي هات بتاع البطه يركب وشغال تمام
وسعر المرايتين غالي تمنهم 300 بالمفتاح انا شاريهم
موضوع طقم الدبرياج لأستاذ مصطفى
http://www.nilemotors.net/Nile/289976-a.html
موضوع رائع بصراحه بتاع طقم الدبرياج وشكلي هعمله قريب
أهم حاجه تمس وش الفلام على مخرطه مخصوصه للفلام علشان لو مخرطه عاديه هتبوظه
روحت لاتنين سمكرية واحد قاللي 2000 سمكرة وواحد قالي 1200
اللي ب 1200 جربته قبل كده في الشغل عالبارد و تيده حلوة جدا و جنب البيت يعني ممكن انطله كل شوية :)
بس برضه حاسس انهم كتير
يعني العربية مفيهاش حاجة مدشملة غير الباب و الاكصدام الامامي و انا غيرتهم
عموما هفكر و اسال تاني و اشوف
بالنسة للدوكو بقيت واحد ب 1600 لكل حاجة شامل السقف لاني هغير لونها و اعمل الفيراني بتاع الانسر و نوع البوسا اوميجا
هتابعكو و اللي عندو سؤال او اقترح انا في الخدمة
اقتباس:
المشاركة الأصلية كتبت بواسطة yousefsemsem
الله يبارك فيك
هشتري المفتاخ الرباعي ان شاء الله بس اخلص من التجديد
يا ريت تقولي جبت المرايات منين لاني محتاجهم هم و الاسبويلر الصغير ده قبل الدوكو ان شاء الله