عاوز اشترى عربيه مستعمله فى حدود 30000 ونفسى اعرف ينفع اجيب لانوس ولا لأ
عرض للطباعة
عاوز اشترى عربيه مستعمله فى حدود 30000 ونفسى اعرف ينفع اجيب لانوس ولا لأ
اروكم عاوز اجيب عربيه بطه فى حدود 30000 ينفع المبلغ ده ولا لا
انا معايا مبلغ30000 هاوز اعرف ممكن اركب ايه بالمبلغ ده بس تكون عربيه حلوه وعاوز اعرف انا ملاحظ ان العربيات سعرها بينزل بشكل غريب فلو سمحت عاوز اعرف اشترى دلوقتى ولا العربيات هتنزل اكتر
هاوز اجيب عربيه فى حدود30000 زايه احسن العربيات بالنسبه لهذا الرقم
ممكن بس هتبقى تعبانه اوى اوى وعايزه مصاريف كتير يعنى هيه هياها
هيه سعرها من 38 ل 40 الحاله الجيده منها
انصحك اما تنتظر لحد متجمع الباقى او تجيب حاجه كويسه غير اللانسر بالسعر اللى معاك
صعب اوى لانوس بالسعر دى :-
ممكن تشوف car 100100.com وحتعرف سعر الانوس فى حدود كام .
فى عربيات كتير كويسه ممكن تجبها بــ 30 الف, بس انا مش عارف هو حضرتك عايز هيونداى علشان كاتب الموضوع هنا و لا اى عربيه فى حدود الـ 30 ؟؟
المهم لو هيونداى يبقى اكسيل 93 او 94
لو مش هيونداى يبقى
جولف 85-87
لانسر 91
سيات ابيزا 94
سوزوكى سويفت 95
اسكودا فيليشيا 96
شاهين 98
فيات اونو 98
اوبل كورسا 99
كيا برايد 99
دايو ماتيز 99
فورد اسكورت 99
فورد فييستا 2000
ستروين اكسارا 2001
فيات برافا 2001
طبعا غير الــ 128 , 131 , 132
و لو عايز عربيه فيها كماليات كتير و سعر قليل يبقى صينى
و كدا كدا العربيه سعرها مش هيقل عن اللى انت هتدفعه (الا حاجات بسيطه) و لو هتستنى الأسعار تقل يبقى هتستنى كتير و كمان لما السعر بيقل مش بيكون فرق كبير و يستاهل و لسه الصيف جاى و الناس بتشترى و بتغير فالصيف يبقى السعر هيزيد ( دى و جهه نظرى)
لو عربية سليمة يبقي مستحيل
هى تجيب عيون صفيه بالمرتاح وممكن يتبقى كمان معاك قرشين
صعب جدا تجيب لانوس بالسعر ده الا لو منطقه حره
سوزوكي سويفت اكسيل ممكن تمبرا شاهين لادا موديل عالي ممكن 2006
شاهين او سكودا فليشيا
عشان تجيب لانوس هتزود فى حدود 7 الف عشان تجيب لانوس 1 اللى هيه موديل 99 مثلا فى حدود 37 الف او ممكن تزود من الفين ل 3 الاف وتجيب اكسنت 99 فول اوبشن بحوالى 32 الف - 33 الف
السلام عليكم
اخي العزيز لاتقول والنبي قول لا الة الا الله لاتحلف بغير الله
وممكن تقول بالله عليك والله اعلم وربنا يوفقك يارب وتعرف تشتري اللي نفسك فية
على فكره سعر العربيات نزل بسوره فظيعه
بس العربيات سعرها نزل اوى
ممكن لو زودت خمسة تجيب لانوس 97 او 98 او حتى اكسنت موديل 2000 شوف كونتاكت كار هاتلاقى
اعتقد ب 30000ج احسن حاجة اكسل او فيليشيا او ابيزا و طبعا اهم حاجة الحالة
ماعتقدش ان في لانوس 97 خالص ياجماعه
انا معايا 30000 ومش عارف اجيب ايه ناس تقولى هات لانوس من السوق وناس تقولى هات اكسنت فول اوبشن وناس تقولى وفر من المبلغ وهات تمبرا فيات وناس تقولى ممكن بظه لانسر وفى معلومه اخيره جاتلى عن عربيه اسمها دايو رايسر واسبيرو طيب انا تعبت مش عارف اعمل ايه وكل صحابى بيقولولى ان العربيات سعرها نزل جدا يعنى ممكن انزل السوق وهشترى وقالولى هالاقى اسعار غير متوقعه ارجوكم انصحونى اعمل ايه :vctry:
العربيات المستعملة اسعارها ما نزلتش اوي كدة
يعني 30000 صعب تجيبلك لانوس (واحد صاحبي نزل السوق امبارح)
انا كان معايا قبل الانوس ميتسوبيشي بطة كانت فوق الممتازة ممكن لو زودت حاجات بسيطة علي اللي معاك تلاقي عربية تمام
من رأيي (بس لو تزق ال30000 جنيه دول شويه) :-
لو تقدر تجيب لانوس او لانسر 94 (بطه) بحاله نضيفه يبقه احسن من كل ده
الدايو رايسر واسبيرو كشغل ميكانيكه معقده جدا بالنسبه للانوس , معرفش بالنسبه للانسر ايه وضعها
التمبرا بردو عربيه تسعينات واكيد مش هتريحك زي الموديلات الاعلى
ابعد عن الاكسنت (مع كامل احترامي ليها) بس تحس انها عربيه مش بتحافظ على نفسها ولا شكلها وبتهلك بسرعه , مع ان عزم موتورها حلو بس بعد فتره بتحس انها قدمت منك اوي , شكلاً ومضموناً
ملحوظه :-
اللانسر قطع غيارها اعلى واغلى من اللانوس
الرايسر والاسبيرو قطع غيارهم مش منتشره زي اللانوس
التمبرا هتلاقي قطع غيارها وكل حاجه , بس بردو مش ناعمه زي الكوري والياباني
مع كامل احترامي قطع غيارها رخيصة مش غالية خالص
انا معايا 30000 ومش عارف اجيب ايه ناس تقولى هات لانوس من السوق وناس تقولى هات اكسنت فول اوبشن وناس تقولى وفر من المبلغ وهات تمبرا فيات وناس تقولى ممكن بظه لانسر وفى معلومه اخيره جاتلى عن عربيه اسمها دايو رايسر واسبيرو طيب انا تعبت مش عارف اعمل ايه وكل صحابى بيقولولى ان العربيات سعرها نزل جدا يعنى ممكن انزل السوق وهشترى وقالولى هالاقى اسعار غير متوقعه ارجوكم انصحونى اعمل ايه:vctry:
انا معايا 30000 ومش عارف اجيب ايه ناس تقولى هات لانوس من السوق وناس تقولى هات اكسنت فول اوبشن وناس تقولى وفر من المبلغ وهات تمبرا فيات وناس تقولى ممكن بظه لانسر وفى معلومه اخيره جاتلى عن عربيه اسمها دايو رايسر واسبيرو طيب انا تعبت مش عارف اعمل ايه وكل صحابى بيقولولى ان العربيات سعرها نزل جدا يعنى ممكن انزل السوق وهشترى وقالولى هالاقى اسعار غير متوقعه ارجوكم انصحونى اعمل ايه:vctry:
رتيسير واسبيرا هيطلعوا عنيك في قطع الغيار والتمبرا مش مرغوبة ولما تبيع مش هتلاقي سعر وبيتهيئلي قطعه غيارها مشكله وال30 الف دول ميجبوش اكسنت حلوة مكن تزود الفيبن ولا حاجه وهتقى برضه تعبانه ممكن بل 30 دول والفيين عليهم بلكتير وتجيب اكسيل فول اوبشن اعاده بيه ممونه قطع غيارها مرميه وواسعه عن الاكسنت
ربنا يكرم كل واحد قدرنى وبعتلى رده
نصيحة انزل السوق تاخد فكرة على الاسعار وياريت تحدد ايه احتياجاتك من العربية مثل هل عائلية ام لشاب وهل انت بتعرف تسوق كويس ولا لسه بتتعلم وعموما انا فى رايى فى حدود السعر بتاعك ده اعتقد ماروتى او شاهين او لادا او مازدا 323 بس اهم حاجة تكون فابريقة دواخل وبحالة جيدة ميكانيكيا وربنا يوفقك
اول حاجة الدايو رايسر و اسبيرو مانصحكش بيهم .. تانى حاجة اللانوس تعدى ال 38000 .. و نصيحتى ابعد عن السوق لان كله تجار جايين يقللبوا الناس بعربيات مشدودة تجارى .. ممكن تشوف الموقع ده و تعرف الرانج بتاعك ممكن يجيب ايه و ابعت خد راينا و حانقولوا لك بكل امانة ContactCars
انسب حاجه بالمبلغ ده لادا 2107 موديل من 2005 الي 2007
نصيحة أخوية بالمبلغ دة ما فيش غير أحسن عربيتين هما :
البرايد العصفورة أو شاهين أو دوجان وأنا أرشحلك الدوجان وهى دية الخلاصة
والله الموفق والمستعان
لو ممكن تزود 8 تلاف جنيه و تشتري ماروتي زيرو
او تزود الفين تلاته و تجيب اكسنت حاله نضيفه
بص يا باشا
انا رأيى انك تجيب لانوس
مستعملة انشالة تجبها من اى معرض قسط
او تاخد قرشين من اى حد من زميلك وتردهملة بعد فترة
وفعلا لو جبت الانوس مش حتندم بجد
العربية دى تحفة
العفو يا باشا بس نصيحة (ما تسترخصش علشان في limit لحالة العربية لو مش تمام هاتلف بيها عند الميكانيكية كتير ,,,ةعلي العموم احنا معاك لو عايز تستفسر علي حاجة
ربنا يكرمكم يارب
الافضل شااااااهين بصراحه
فى حدود الفئة السعرية اللى حضرتك كاتبها لو ممكن تزود 5000 جنية كمان وتجيب لانوس موديل 2002 يبقى حلو اوى وسيارة كويسة وتكاليف صيانتها قليلة جدا يمكن زى 128 او اغلى 10 او 20 جنية فى كل حاجة
وعندك بردة الهيونداى اكسنت بس هاتها 1500 سى سى وهتلاقيها من موديل 2000
وعندك هيونداى النترا موديل 98 بردة كويسة وماتورها 1600 كويس
نصيحة المبلغ دة يدخلك في كل الموديلات المذكورة بس هتحتاج تشد كتيييرررر