عرض للطباعة
السلام عليكم ورحمة الله وبركاته
من اسبوعين كنت بتفرج علي شقه في عماره تبعد حوالي 100 متر عن مدخل العوايد في الأسكندريه
الشقه 100 متر وتصميمها جميل جدا وتشوف الزراعي منها وبصراحه هتتطلع من عيني
واكتشفت ان بنسبة 90% الراجل صاحبها معهوش ترخيص بناء من اساسه وبيقول انه كان بيت قديم واتهد وحاجات كده وعايزنا نروح وخلاص وبيقول انه هيظبطنا بس احنا نروحله ونتفق
هل لو انت مكاني هتشتري ولا لآ؟ خصوصا اني هدفع فيها دم قلبي يعني معنديش استعداد اسكن من هنا ويجيلها ازاله من هنا
لا طبعا نصيحه ليك بلاش الا اذا كان معاه ترخيص رسمى هو صحيح صعب اوى ان يجيلها قرار ازاله و يتنفذ لو انت قاعد فيها بس ليه المشاكل اصلا
انا واحد صاحبى شقته جايلها قرار ازاله و فى مشاكل فى المحاكم من سنه 1990 فانت ليه تحط نفسك فى مشاكل و ووجع دماغ و انت لسه على البر حتى لو فى احتمال بسيط ان الازاله تتنفذ
بلاش المحافط دة مش بيرحم ومعندوش اى حاجة اسمها رحمة انجى بروحك احسن
لا طبعا انت كنت بترمى فلوسك على الارض
انت اصلا تضمن منين ان الارض دى بتاعتة؟؟؟؟؟؟؟؟؟؟
ببساطة لا
متشكر جدا علي ردودكم
ان شاء الله هروح الأسبوع الجاي واتاكد بنفسي وبمعرفة محامي برده
الواحد مش بيجيب الفلوس بالساهل
خصوصا ان جنب العماره فاضي يعني ممكن يوقعوها بسهوله
نصيحه بلاش خصوصا في وجود المحافظ العظيم بتاعنا:36_7_4[1]:
اديك شفت الهجانة حصل فيها ايه
هدوا البيوت عاللي فيها
ليه ارمى نفسى فى التهلكه
اياااااااااك اياك اياك ان تشتري في عمارة غير مرخصة.
اخبار المرافق ايه اصلا
صعب دخولها من غير التراخيص
انتا تقعد فى الشقة من غير ولا مليم
مفيش مشاكل تقوم تدفعلة فلوسة
فى مشاكل يبقى شقتة وعمارتة عندة :vctry::vctry::vctry:
شوفت ازاى عبقريتى :ma(30):
ده بافتراض ان المقاول عبيط و بريالة؟ :shyy: :,:اقتباس:
المشاركة الأصلية كتبت بواسطة rockana9112007
الناس دي على فكرة تلفنا كلنا في سيجارة و تحطنا في جيبها ..... دول بيبقوا اصيع خلق الله :)
(انا طبعا عارف انك بتهزر :) )
الايام دى الدنيا قايمه قوى على حكايه التراخيص دى حتى اللى معاه رخص دلوقتى بيعانى مع المرافق
زى ما الاخوه قالولك مخاطره كبيره قوى وبلاش منها
إياك شراء عمارة بدون ترخيص ...
مبدئيا مش هيدخلها مرافق ...
ثانيا نشاكل لأنها ممكن تكون أرض وضع يد ...
الأحسن تشتري شقة فى أرض مبنية بترخيص بناء ..
ثانيا تكون الشقة مسجلة بالشهر العقارى بإسمك و تشترط كده ..
مش بالسهل ان المحافظ يهد عمارة فيها ناس ساكنة حتى ولو كانت من غير ترخيص لو اعمارة فيها جميع المرافق وفيها ناس ساكنة وفيها كهرباء يبقى صعب ان العمارة ديه يجلها ازالة وممكن تستغنى عن التسجيل فى الشهر العقار بعمل صحة توقيع فى المحكمة
لكن لو مفيش كهرباء يبقى اوعى تحط فيها جنيه
هى فى الدور الكام يا باشا
موضوع الهد ده مش سهل كده
هما بيشيلو الادوار المخالفه فقط
قالوها زمان في الامثال امشي صح يحتار عدوك فيك
انا لو مكانك مش هشتري خصوصا اني مش لاقي الفلوس في الشارع
لو مش فارقة معاك الفلوس بتاعتك ماشي
اما لو هتطلع من عنيك بلاش المخاطرة
نص البلد عمارات مش مرخصه اصلا
طيب .... السؤال انت ناوي تشتري استثمار .... ولا سكن
لو سكن ابعد .... ابعد .....
لو استثمار
فيه ناس بتشتري في العمارات دي عشان بتكون ارخص من اللي حواليها
و لما المشاكل بتتحل السعر بيرجع تاني و خلال الفترة دي بتاجرها بسعر رخيص ...لحد ما ربنا يفرجها
يعني لو في منطقة المتر ب 3 الاف العمارة اللي مش مترخصة المتر بالف
بس قول بعد 3 سنين لو المشاكل اتحلت هتبيع بالسعر الطبيعي اللي الناس بتبيع بيه قول 5 الاف
طيب ....انا ليه اوجع دماغي طيب ما اشتري في العادي اللي مفيهوش مشاكل .... اقولك كل ما ال risk زاد المكسب زاد
طبعا ده كله لو هتستثمر
اقتباس:
المشاركة الأصلية كتبت بواسطة hhassan
حضراتكم ما شفتوش اللي حصل في العمارات في الهجانة؟اقتباس:
المشاركة الأصلية كتبت بواسطة misoalex
بص ياباشا
الشقه اللى هتشتريها لو فيها عداد كهرباء
اتوكل على الله وماتقلقش
لان العمارات اللى عليها مشاكل والادوار المخالف
مش بيدخل ليها كهرباء
لكن لو مافيش عداد اخلع بفلوسك
اقتباس:
المشاركة الأصلية كتبت بواسطة zalabany
بالظبط كده وكل فوله وليها كيال
الناس الى بتتكلم عن العماره المرخصه شوف تمن الشقه فيها كام
والحكومه لو عاوزه تهد عماره مرخصه حتهدها الموضوع مش مرخص ولالا بس دى حوارات كبيره
اقتباس:
المشاركة الأصلية كتبت بواسطة أحمد كمال
شفت طبعا
بس لو الى شالو عمارات الهجانه
حبو يشيلو البيت الى جنبكم بكره الصبح بالرغم من انه مرخص وبقاله كام سنه مش حيشيلوه
الموضوع بمزاجهم
البلد دى مفيهاش حاجه ثابته
على فكره انا الشقه الى جنبى اتشالت وهدو السقف بتاعها وكانو حيهدو شقتى كمان
لولا انى كنت قاعد فيها والحوارات الى بيعملوها دى عشان يسيبو الشقه وميهدوهاش
تخيل انا كنت قاعد جوه شقتى وفيه حوالى 5 مرزبات بتهد فى السقف الى جنبك
تخيل انت الموقف كده والحيطان والسقف بيترج وانت جوه الشقه وفيه احتمال ان السقف بتاع الشقه يقع عليك كمان
والرتبه الى كانت نازله مع القوه قال لو طلعت من الشقه حنهدها هى كمان
يعنى بالامر
كل الكلام ده مش شويه
بس مش بمزاجى لما العماره الى جنبى تمن الشقه فيها اضعاف تمن شقتى لمجرد انها مرخصه يبقى حجيب منين تمن الشقه المرخصه
ده عقبال محوش تمنها اكون وصلت ال سن50 سنه كده وساعتها حتكون بأضعاف اضعاف تمنها
احنا اغلبنا شباب وعاوز اى حاجه على اد الى معاه ويكون سالف ومتداين كمان عشان يشتريها
على فكره انا مش بقول لحد يعمل زيى
فى ناس ممكن يكون معاها تمن الشقه فى عماره مرخصه ده يبقى طبعا يشتريها بدون تفكير ويشترى راحه باله والامان
بس الى معهوش يعمل ايه يقف يتفرج
لازم مغامره برضه
هي في التالت وممكن اخد في الأول علوي كماناقتباس:
المشاركة الأصلية كتبت بواسطة misoalex
انا هشتريها عشان اسكن فيها طبعا لاني بصراحه مقدرش علي تمن الشقق اللي الأسعار فيها غاليه بلا اي مبرر
المقاول قال انه هيسلمني الشقه فيها المرافق كلها (مياه + كهرباء) والغاز ممكن يدخل قريب
العماره فيها اسانسير ودخله محترمه وغفير يعني بصراحه طالعه من عيني
بس انا لسه مدفعتش مليم ومش هدفع الا لما اشوف كل حاجه قدامي
هي الأرض بتاعته وبيقول انها كانت بيت واتهد وبنا مكانه العماره
عموما هي طلع فيها دورين بس ولسه شغالين وبيقولي اني مستني المقايسات بتاعه المياه والكرباء يعني الراجل شغال كويس
ان شاء الله ههحاول اروح النهارده واشوف كل الورق
ومتشكر جدا لكل الناس اللي ردت
معلش مع كامل احترامي لصاحب الموضوع وكل اللي ردوا عليه
في نقطة مهمة جدا واهم من اي حاجة وهي كيف تأمن على نفسك من ان يكون صاحب العمارة غش في المونه ؟؟؟
بمعنى اصح تراخيص البناء بتعطى من الحي من خلال عدة نواحي أهمها اساسات العقار يعني اللي بياخد ترخيص ب4 ادوار بيرمي اساسات غير اللي بياخد ب10
لكن في حاله عدم وجود ترخيص من اساسه يبقى ايه اللي هيضمنلك ان اساسات العقار دي سليمة ؟؟؟؟
بصراحه انا شايف ان دي اهم نقطة في الموضوع لأنها تتعلق بحياتك وحياة اسرتك
لا من الناحيه دى الواحد بيعتمد على الله , الحى لما بيطلعلك ترخيص بيراجع وراك بس عملت المدخل فين , الشباك ده موجود فى الرسمه ولا لا , فتحت كام محل , لكن ولا حد بيراجع مقاسات عواميد او قواعد ولا نسب خلط ولا اى حاجه ليها علاقه بالمعمار نفسهاقتباس:
المشاركة الأصلية كتبت بواسطة kh_talaat
الحاله الوحيده اللى ممكن تحصل فيها مراجعه ان مالك البيت يطلب زياده ادوار وهنا بيتم الكشف على القواعد وكمان شغل على السريع يعنى ويخلص بقعده حاجه ساقعه وغدوه محترمه
يا احمد بك احنا اعتمادنا كله على الله أولا وأخيرااقتباس:
المشاركة الأصلية كتبت بواسطة ahmed0nouh
وانا بصراحه مش متبحر في مسأله كيفية متابعه الحي لبناء العقار حسب المواصفات المطلوبة ... دة طبعا بالأضافة لكلنا عارفين كم الفساد اللي في الأحياء ولكن دايما الواحد بيتعلق بأي قشايه تطمنه
اية يا جدعان مفيش حد عاش ايام الزلزال في مصر ولا ايه (الله لا يرجعها ايام ويلطف بينا) ... ايام ما كانت العمارات بتتمرجح يمين وشمال وعمارات مصر الجديدة ومدينة نصر اللي تم بنائها بدون تراخيص ووقعت !!!
ايامها كانت كل الناس لازم تتأكد قبل ما تشتري شقه ان العقار مرخص .... بس للأسف الناس دلوقتي نسيت
ونعم بالله , فعلا الواحد ياما سمع عن فضايح عمارات كبيره ايام الزلزالاقتباس:
المشاركة الأصلية كتبت بواسطة kh_talaat
وللاسف من كتر الفساد أأكد لك يا استاذ خالد ان حتى العمارات المرخصه فى ايامنا دى الغش فيها يرجع بس لضمير صاحب العماره ولولا رحمه ربنا كانت كوارث العقارات لا تعد ولا تحصى
دعونا أولا نفرق ما بين العقارات الغير مرخصة من الأساس ومابين العقارات المرخصة والمخالفة للترخيص (على سبيل المثال أن تكون الرخصه صادره ببناء دورين ويقوم المقاول ببناء ثمانية عشر دور ).
وفى رأينا الشخصي أن في مجال المقارنة فالعقارات المرخصة والمخالفة أفضل من العقارات الغير مرخصة من الأساس.
وفى حاله الشراء خارج الرخصه فإننا دائما ما ننصح بالاستلام الفوري للوحدة المباعة حيث أن الحيازة الفعلية للشقة تؤمنك من كثير من المشاكل القانونية التي قد تواجهها .
وفى حاله الاستلام الفعلي مع وجود عقد ابتدائي صحيح صادر ممن له حق إصداره طبقا للكشف الذي اشرنا إليه عند الحديث عن الاجراءات المتبعة لشراء شقه ، أصبحت نسبه المشاكل التي يمكن أن يواجهها المشترى هي قليله جدا.
وجدير بالذكر هنا انه بخصوص ازاله الأدوار المخالفة في تلك العقارات ، وبعيدا هنا عن الجانب القانوني فالتجربة أثبتت للجميع أن هذه الأدوار معرضه للازاله إلى أن يستلمها أصحابها ويقيموا فيها، وعند الاقامه الفعلية يصعب تصور ازاله هذه الأدوار .
أما بالنسبة الى ذلك التساؤل الذى اعتدنا على ان يكون فى ذهن المشترى "فى حالة رغبتى فى البيع ما هو الوضع القانونى وهل سأستطيع البيع بدون مشاكل أم لا " والاجابة هنا فى باطن التساؤل ، ستبيع مثلما اشتريت وستجد من يشترى نظرا للتكاليف الباهظة للعقارات المرخصة والغير مخالفة مثلما وجدك البائع .
تابعونا ......
زيارتنا الأولى بلا تكاليف ...
لزيارة موقعنا...............................
ولمشاهدتنا عبر قناة اليوتيوب..............................................
ولتحديد موعد نرجو الأتصال على :
............................
العنوان : .........................................