كفاية جدة يا جماعة على البومة, الشارك مظلومة, هذة هو شعارنا, على كل راكبى الشارك ايضاح مميزاتها, خليك أيجابى وأنسى السوق
كفاية جدة يا جماعة على البومة, الشارك مظلومة, هذة هو شعارنا, على كل راكبى الشارك ايضاح مميزاتها, خليك أيجابى وأنسى السوق
خالص انا كدة نسيتة
بس لو وقفت فى البلكونة اكيد هافتكر
والله انا اتمنى فعلا ان الشارك تاخد مكانها الطبيعى كخليفه للبوما والبوما يتوقف انتاجها ويتحول كل الاهتمام الى الشارك فقط ... يكفى انها شكل جديد وموتور جديد وامكانيات جديده بعكس البوما اللى زى ماهيه من 2003 .. المشكلتين اللى بيواجهوا الشارك هى سعرها المبالغ فيه وايضا استمرار انتاج البوما حتى الان لو متسوبيشى توقفت عن انتاج البوما والتوكيل هنا عدل سياسته التسعيريه الخاطئه ليها هتلاقى الشارك انتشرت جدااا
وهو عشان الشارك تنتشر لازم البومه تقف؟؟؟ ازاي اصلاً مفيش علاقه لان الفئه السعريه مختلفه واللي عايز ميتسوبيشي ومعاه تمن الشارك اكيد هيجيبها واللي معاهوش هيجيب بومه
وأكيد كل راكبي البومه بيحلمو بالشارك
المفروض الحمله تبقى لتنزيل الاسعار مش وقف حال البومه يعني المفروض يبقى تمن الشارك من التوكيل زي تمنها خليجي والبومه تبقى اعلى فئه ب110 مثلاً
انما التخلف في انه غلى البومه وخلاها قربت على الشارك ،هو بصراحه توكيل متخلف في المبيعات يعني تجار الخليجي راحو الخليج ودفعو تمن العربيه بمكسبها للتوكيل الخليجي وبعدين شحنوها لمصر ودفعو مصاريف نقل وجمارك (اكيد دافعين جمرك اكتر من التوكيل) وبعد كل ده بيبيعوها ارخص منه ب10 الاف جنيه !!!
Totally agree with youuuuuu
I'm in love with the neo lancer :8_8_13: shosho
والله دى وجهه نظرى ..ودى وجهه نظر التجار المسيطرين على السوق انزل اسأل اى واحد فيهم وشوف كده هايقولك ايه .. احنا مش بنتكلم فى موضوع انهم فى فئه سعريه مختلف احنا بنتكلم فى مزاج وميول المستهلكين والتجار يعنى المستهلك مقتنع ان البوما دى ماحصلتش ولاهاتحصل ومش مقتنع بالشارك علشان شايف انها (على حسب الاشاعات والافتاءات اللى بتطلع من المصريين ...انها مش كويسه ) فهوا يجيب عربيه غاليه ومش كويسه ليه وقدامه عربيه بياعه وسوقها ماشى وكله بيشكر فيها ... لو انت وقفت انتاج البوما ..والتجار مش هايلاقوا قدامهم غير الشارك شوف بقى احلى كلام هايتقال على الشارك من التجار وشوف المبيعات اللى هاتحققها
ما هو ده المفروض يبقى من اهداف الحمله دي انهم يوعو الناس ويعرفوهم ان الشارك احسن من البومه ووجهة نظر الناس مش هتتغير لو البومه وقفت لانهم مقتنعين ان ال1500 ضعيف ودا بسبب الفتايين العالميين اللي مصر بتنفرد بيهم
انا مرره حاولت اقنع واحد ان موتور الشارك مش ضعيف كان بيبصلي كاني من كوكب تاني واستنى لما خلصت الكلام وقالي يابني دي 1500 يعني لو طالع مطلع ومشغل التكيف مش هتطلع !!!! :b4_444: (من ساعتها مكلمتوش تاني)
يا جماعه انا اعتقتد ان التوكيل غلى سعر البومه علشان الشارك الناس تشتريها و تتباع
و لكن المشكله الاساسيه من وجهه نظرى هى ان التوكيل معندوش اى نوع من سياسه التسويق،
بعتى ولا اعلانات فى الجرايد ولا اعلانات فى الشوارع .. يعنى مثلا الكيا و الهيونداى و اليابانى برده و كل انواع العربيات ؛؛؛ تلاقى اعلانات على المحور و فى الشوارع حتى العربيات الصينى عامله اعلانات فى الشوارع و الجرايد
التوكيل لا يتعامل باحترافيه فى الدعايه و التسويق و معتمد على اسم ميتشوبيشى فى السوق ؛؛
و علشان كده الناش مش فاهمه العربيه و مش عارفه مميزتها و مش بتشتريها..
يعنى مشكله تويوتا و هوندا و سحب عربيتها كان من الممكن التوكيل يستفاد متها اوى؛ كل الى حصل اعلانين فى اخبار اليوم فقط لاغير .
ازاى تعرف الناس العربيه و مفيش تسويق و دى الى خاله الناس تنسى الشارك و يجرو ورا السوق و كلام الناس عن العربيه..
يا جماعه دى وجهه تظرى فقط لاغير ولا اقصد الاساءه لى اى حد
مشــــــكورين
فعلا الشارك مظلومة وينقصها الدعاية خصوصا التلفزيونية كمنتج جديد
شوفو احمد عز بيعمل ايه بالكروز رغم ان الشارك اجمل منها مية مرة
انا عامل بالعربيه 6500 كيلو لما بشد مع صاحبي بالبومه بتاعته عربيته بتختفي من على الخريطه......البومه مينفعش تتقارن بالكورولا او السيفيك الجدييده....العربيه زي الفل وميه ميه وجبت بيها 200 والاستابلتي بتاعها عاااالي ....غير كما الفرامل بتاعتها ميه ميه و الي بي اس فعااااااااااااااال:vctry:
بس انا كنت عايز اسأل ....ينفع اركب على عربيتي الفوانيس اللي فيها عدسه ,,,لان عربيتي فوانسها عاديه........ولو حد يعرف اشتري الجنوط الاصليه اللي بتيجي مع الهاف والفول تتجاب منين ....لان عربيتي كانت طاسات والطاسات اتسرقو قلت اجيب جنط واريح نفسي
:)
تعيش البومه حره مستقله
البوما ده انا كنت بهرب منها
ولما عرفت انها اتوقفت في 2008 قلت الحمد لله
لفت لفت الايام ووقعت في قرعتي
والله انا كنت هجيب الشارك اصل كان الفرق 10 الاف
بس حاجتين خلوني غيرت رأيي
التابلوه بتاعها كله فبر وده اكرهه تماما وحجم العربيه المبالغ فيه
والاهم بقي كلام الناس مانا قلت لازم اشوف لو حبيت ابيع حسيت اني بتكلم علي كلب ميت
ده لو كلب هيبقاله سعر عن العربيه
العربيه بتتباع باسعار غريبه جدا من 90 الي 80 شيء محزن ومخزي
والله انا كان نفسي اركبها علشان المايفك اللي فيها بس قدر الله وماشاء فعل والحمد لله انا راضي وربنا يديمها عليا نعمه
يا اخوانا البومة اصلا هيتوقف انتاجها في 2010
ده اخر انتاج ليها
بعد كدة مفيش غير شارك وبس
وانا ركبتها اكتر من مرة مع واحد صاحبي بصراحة احلي واشد من البومة
ذى الفل يا جماعة, عايزين همت بشمهندس طارق معنا ويخلى التوكيل يتفق مع أحمد السقا على حملة أعلانية قوية وخصوصا دى أخر سنة للبومة وأخر 3 سنوات للشاركز
اعاده البيع للشارك دمار يا جماعه يعنى لو بتشتريها زيرو دلوقتى برقم تانى يوم هتبيعها برقم تانى دا اذا عرفت اصلا تبيعها عندنا مثل اسمه حسن السوق ولا حسن البضاعه بالظبط كدا هنا فى البلد الجميله دى يعنى البس يا كبير علشان مسافرين ههههههههههههههههههههه
ما هو اعادة البيع واقعه عشان الناس مش فاهمه يعني ايه مايفيك ففاكرينها ضعيفه وبيستخسرو يجربو ويروحو يشترو اي حاجه منتشره والتوكيل نايم وفاكر انه هيفضل يبيع من غير ولا اعلان زي البومه وطبعاً الناس زي القطيع يعني ابو الفتوح يقول اسبيرانزا من اجل الجمال يروحو يشتروها ويعتبروها جميله وييجي احمد عز يركب كروز يقولو الكروز حلوه !!
طبعا انا معاكم قلبا وقالبا في ان الشارك مظلومة وانها افضل من البومة بكتير
انما حبيت اصلح معلومة واحدة وهي ان البومة مستمرة الى 2011 ده اكيد وكمان شركة ميتسوبيشي لم تعلن بشكل واضح ان 2011 آخر سنة لها
والله انا عايز اسيب البلد دي من كتر الفتي اللي فيها
لأ وزمان لما كان واحد بيفتي بيبقى مكسوف انما دلوقتي بيقول المعلومه وهو واثق 100% انها صحيحه ويتخانق معاك كمان :B4_556:
طيب يا ريتها جت على الميتسوبيشي دانا بسمع الكلام اللي بيتقال على فيات ورينو والعربيات الاوروبي الغير منتشره ،دموعي بتنزل:stink[1]:
واللي يقول الفيات بتسخن وممكن تنفجر واللي يقول الميجان كارتها بيملح :stink[1]:
التوكيل نايم علشان فيه مشاكل وقضايا كتيير بين الرواس وشريكه وللاسف المشاكل والقضايا دى هيا اللى مخليه التوكيل مش مهتم بالدعايه والاعلان وتجديد مراكز الخدمه الخاصه بيه ... بمعنى اخر
اصحاب التوكيل مش مقدرين الفرخه اللى بتبيض ليهم بيضه دهب كل يوم وشكلهم كده ناويين يدبحوا الفرخه دى
[IMG]file:///C:/DOCUME%7E1/AMR/LOCALS%7E1/Temp/moz-screenshot-1.png[/IMG]:36_1_1[1]::36_1_1[1]::36_1_1[1]::36_1_1[1]::beatdeadhorse5::beatdeadhorse5::beatdeadhorse5:
بيملح ؟؟ والفيات بتسخن
اه فعلا قله انا معايا لينيا 2009 وحاطط فيها جركن مياه بنزل ازودها كل 10 كيلو
واحد من حبايبنا دول بسأله علي الالنترا
بيقولي دي عربيه زباله
قولتله يا راجل امال ترشحلي ايه
والله بكل ثقه بيقولي لانوس :shyy:
انا فضلت واقف شويه كده باصصله :ma(30)::ma(30)::ma(30):
يمكن اكون سمعت غلط او انا سمعي تقيل
قلتله انت بتتكلم جد
قاللي طبعا اصل الالنترا ده ( ركز معايا بقي في القنبله اللي جايه ده)
قواعد الفتيس بتاعها بلاستيك :vctry:
حسيت ان مافيش فايده قولتله طي شوفلي حته لانوس عندك واخدت نمرته واتكلت علي الله
المهم انه صاحب معرض :stink[1]:
علي كده بقي انا ممكن امسك توكيل
ربنا يرحمنا
أتفرجو على قوة العربية
2009 Mitsubishi Lancer
أية يا جماعة الحملة لسة مستمرة
فينكو يا شاركاوية سلمتوا بسرعه كده لية هو الموضوع لحق يتنسي بالسرعه دي :11:
يا جماعة العربية حكاية, وصوت الماتور مخلي العربية وحش, والركوبة زي الفل, العربية مستوي راقى ورائع
arabya 100 100 mabrouk 3alek
أي ياجماعة الناس بتقرء فقط, فين المشاركة
كولو كوم ولما اقبل ناس و يتكلموا ان العربيه ثبتها وحش و بتقلب على 120
ولا واحد بيقولى تعرف العربه دى منجحتش ليه
قولتلوا ليه .. قلى علشلن الاكصدمات بتعهتا كبيره بالذات الى وارا :36_1_1[1]:
الفتى مفيش اكتر منه
بالذات موضع الثبات,, معنى لما جبتها العربيه مش كده خالص...
طيب ما اكصدامات الالنترا والسيراتوا مافيش اكبر منهم ادام وورا
للاسف تجربتى الاولى ليها كانت فى 1500 مانيوال بصراحه اتصدمت منها
هى تكسب فى شكلها الشيك والقوى فى نفس الوقت
تكسب فى الفخامه بالنسبه للصالون
لكن 1500 صعب اوى اوى عليها
فعلا لو كان فى مصر 1800 كان الوضع اختلف
زى ما حصل فى البومه اتهاجمت فى 1300 و1600 سكتت المنفسنين
وزى ما احنا متعودين من ميتسوبيشى انها قبل ما تنزل لانسر جديده هاتعدل فى الشكل الخارجى للشارك وكالعاده هاتعمل اكصدام بارز والله اعلم (دى توقعاتى)
هى اى حاجه دلوقتى فى فئه البومه السعريه تكسبها , مش عارف هى قاعده فى السوق بتعمل ايه وبتتباع اساسا ليه !!!
التوكيل هو الوحيد اللى فى ايده يشغل الشارك بس هو اللى مخوف الناس منها , ده فى واحد من فتره معرفته بسوق العربيات ضعيفه بيقولى هو اللانسر الشكل الجديد مش نازله رسمى ؟
بقوله ليه ؟ , بيقولى اصل بحسها نازله خليجى بس علشان مش ظاهره يعنى زى اى لانسر فاتت
انا معايا شارك واخويا بومه وطبعا ركبت الاتنين الفارق كبييييير لصالح الشارك طبعا ....
علي فكره يا جماعه العربيه دي عربيه محترمه جدا بس لو منيول هتحس يعني ايه موتور ميفك
و علي ايدي معديه الالنترا و لانسر 1.6 اوتوماتك و الجولف5 و فضلت مع بي ام 320 لغايت 180!!!!!!!!!
بس ده كله لو منيول اما لو اوتو لا عزاء للشركاويون بومه تكتسح
المشكله ان الناس مش مقتنعين ان الشارك محترمه جدا و تقارن و بشده مع السيفيك و الكورولا وبقيه السيارات اليابانى انما للاسف الناس بتقول ده اللانسر البوما 1600 اقل من الكورولا و السيفيك يبقى الشارك 1500 هتقرنوها بالسيفيك او الكورولا ولا حطيين فى نظرهم ان التكنولوجيا مختلفه تماما بين الشارك و البوما و ان محرك الشارك مصنوع من الالمونيوم يعنى اخف من محرك البوما ده بس كافى جدا لتعويض فرق 100 سى سى غير فرق تكنولوجيا المايفك
ده انتم تلاقوا الناس مقتنعين تماما ان الكورولا الجنوب افريقى او التيلاندى احسن من الشارك اليابانى لمجرد ان اسمها كورولا و هو ده الشعب المصرى اللى عمره ما هيتغير لو واخد على حاجه هيفضل طول عمره مقتنع بيها
تاني يا جماعة العربية الشارك 1500 cc تملك ماتور أعلي من ماتور البومة 1600CC,وأيضا عزم الماتور أقوي, بالنسبة للمانول الكل عارف أنة أفضل للأخرج قوة العربية ودي قاعدة عامة لكل السيارت,وفى ظل شوارع مصر الأوتوماتيك بكسبز