الموضوع: فضيحة مباراة الأهلي وإنبي

المشاركة الأصلية كتبت بواسطة terrible_darsh

انا زى ما قلت مش ناوى اتوقف بسبب الكرة , بس لا توجد مقارنة نهائي بين جمهور الاهلى و بقية الفرق .

انا اعرف ناس كتيرة جدا فى الالتراس اهلاوى , عايز اقولكم ان اغلبهم طلبة فى جامعات و كلهم شغالين علشان يبقوا احسن مشجعين فى افريقيا , و لو تاخدوا بالكم ان جماهير الاهلى اول جماهير فى مصر و افريقيا عملوا اعلام كبيرة و صور و ارقام و تنظيم كبير جدا فى المدرجات .

و هما اول ناس فى مصر كتبوا " شجع او ارحل " و خلوا التالتة كلها تشجيع فقط و الوان و كلام و دخلات جميلة جدا .

بعد كده جمهور الزمالك قلدهم و مفيش حد فى مصر عرف يقلد تانى ..

حمهور الاهلى مبيشتمش غير الحكام فى الفترة الاخيرة , و ماشتمتش غير فاروق جعفر لما كان عايز يضيع الدورى من الاهلى و كانه بيلعب قصاد فريق اسرائيلي .

انا نفسي شتمته فى الكافيه و كل الناس , حقد غير عادى على الاهلى و كله عايز يضيع الدورى من الاهلى اياكش يروح للكفار حتى ..

دى مش رياضة ابدا .

جمهور الاهلى كمان سنتين هيبقي مثال للتشجيع فى المدرجات , و سيبوكوا من الناس اللى بتبقي قاعدة على القهاوى اللى ملهاش فى الكرة دى , دول اهلاوية اى كلام .

فاروق وناصر الجون بتاعه والفرقة كلها بتحارب كانها بتلعب على بطولة الدوريلانه كان قال في الزمالك قبلها بكام يوم في الدعاية للانتخابات انه هيضيع الدوري على الاهلي

المشاركة الأصلية كتبت بواسطة dr.almaghraby

علي فكرة انتا بنفسك قلت اكبر دليل ان جمهور الاهلي زيه زي اي جمهور كورة تاني و ميفرقش عنه حاجة اصلا
هوا ليه اصلا يشتم فاروق جعفر؟؟؟؟؟؟؟؟؟ ما حقه يقول الي عايزه و يلعب زي ما هوا عايز و حقه يكسب!!!!!!!!!!!!!!!!!!
الله يمسيك بالخير يا ريشة

حقه يكسب طبعا
بس كل الماتشات مش ماتش الاهلى بس اللى يعمل فيه اللى عمله
وبعدين جمهور الزمالك السنة اللى فاتت بس واول السنة دي ياما شتم شيكابالا والله لولا الولد بيحب الزمالك كان مشي من كم الشتيمة اللى اخدها من جمهور الزمالك
يا راجل ده لو جمعوا كل شتيمة جماهير الاهلى للزمالك ولعيبته ال10 سنين اللى فاتت مش هاتيجي اد الشتيمة اللى اخدها شيكا لوحده من جمهور الزمالك
اقسم بالله انا اهلاوي بس كان بيبقي صعبان عليا لما يبقي مموت نفسه في اللعب والزمالك يتعادل او يتهزم الجمهور يسيب كل اللعيبة والجهاز ويدور شتيمة في شيكا كانه بيلعب لوحده او دخل جون في نفسه
على فكرة الله يمسي نص حكام الدوري اللى حكموا للزمالك السنة دي الخير

المشاركة الأصلية كتبت بواسطة terrible_darsh

و حياتك سياسة و رياضة البروفايل بقي كله " سبقات " ..
مرة اتوقف علشان " صاحب المزرعة " و مرة علشان ابراهيم حسن باشا , و مرة علشان مش عارف مين !
الواحد مبقاش لاقى حد محترم يتوقف من اجله ولا ايه :))

بسيطة يا درش
اغلط في كريم منير وانت هتتوقف على طول علشان غلطت في حد محترم
سهلة العملية يعني متصعبهاش على نفسك