فضيحة مباراة الأهلي وإنبي

**dr-mohamed** · 27-03-2010 10:49 AM

تصدق يا مروان انا اول مرةاخد بالي ان لعيبة الزمالك كانت بتلعب ماتش الجون وهي فاكرة انه في كرة اليد مع الفيديو بتاعك

**mohaismail** · 27-03-2010 04:24 PM

البدرى بيسلك نفس طريق امير عبد الحميد ورمى ودنه للجماهير والنقاد واعصابه شدت وكده مصيره بره الاهلى
بالنسبة للتحكيم انبى فعلا له جونين صح بس الاهلى برضه اكتر فرقة اتضرت من التحكيم كفاية بلن بركات فى متش الجيش 2-2 والنتيجة كانت هتبقى 3-0 والمتش يخلص وهدف الحدود التسلل فى الاهلى وجون فضل فى بتروجيت ومتعب فى بترول اسيوط والزمالك استفاد كتير اوى من التحكيم ضربة جزاء الجونة فى اخر دقيقة وجون فاول لاحمد جعفر فى متش الاتحاد فى اسكندرية وجون معتصم سالم وضربتين جزاء للمقاولون فى الدور الاول والنتيجة كانت هتبقى 4-0 والزمالك اتعادل فى نهاية الماتش بجون فاول لسيد مسعد !!

**M_Marwan** · 27-03-2010 07:33 PM

المشاركة الأصلية كتبت بواسطة cairo2005

تصدق يا مروان انا اول مرةاخد بالي ان لعيبة الزمالك كانت بتلعب ماتش الجون وهي فاكرة انه في كرة اليد مع الفيديو بتاعك

عندك حق !!

hh · 27-03-2010 09:21 PM

يا جماعة يا ريت الزملكاوية ميزعلوش و ما يحاولوش يتكلموا بالمنطق مع الأهلوية. كلام مسئولي و مشجعي الأهلي و الله العظيم بيفكرني بالحزب الوطني و كلام الأخ أحمد عز عن رفاهية الشعب المصري. نفس طريقة المغالطات و قلب الحقايق. يكفينا فخرا اننا بنشجع كيان نضييييييييييييييييييييييي ف, و اذا كان الزمالك عنده 69 بطولة فهي بطولات بيضاء نظيفة غير مشبوهة. لكن اللي عمال يسرق في بطولات و يعد فيها و فرحان قوي هو حر, دي مش أخلاقنا.

**Sharky** · 27-03-2010 11:13 PM

المشاركة الأصلية كتبت بواسطة hh

يا جماعة يا ريت الزملكاوية ميزعلوش و ما يحاولوش يتكلموا بالمنطق مع الأهلوية. كلام مسئولي و مشجعي الأهلي و الله العظيم بيفكرني بالحزب الوطني و كلام الأخ أحمد عز عن رفاهية الشعب المصري. نفس طريقة المغالطات و قلب الحقايق. يكفينا فخرا اننا بنشجع كيان نضييييييييييييييييييييييي ف, و اذا كان الزمالك عنده 69 بطولة فهي بطولات بيضاء نظيفة غير مشبوهة. لكن اللي عمال يسرق في بطولات و يعد فيها و فرحان قوي هو حر, دي مش أخلاقنا.

واضح ان حضرتك مش متابعة تاريخ الاهلى كويس
و فى نفس الوقت مش متابعة ماتشات الزمالك السنة دى اللى كسبوا بها نقاط عن طريق الحكام :)

**elgabry1977** · 27-03-2010 11:26 PM

المشاركة الأصلية كتبت بواسطة hh

يا جماعة يا ريت الزملكاوية ميزعلوش و ما يحاولوش يتكلموا بالمنطق مع الأهلوية. كلام مسئولي و مشجعي الأهلي و الله العظيم بيفكرني بالحزب الوطني و كلام الأخ أحمد عز عن رفاهية الشعب المصري. نفس طريقة المغالطات و قلب الحقايق. يكفينا فخرا اننا بنشجع كيان نضييييييييييييييييييييييي ف, و اذا كان الزمالك عنده 69 بطولة فهي بطولات بيضاء نظيفة غير مشبوهة. لكن اللي عمال يسرق في بطولات و يعد فيها و فرحان قوي هو حر, دي مش أخلاقنا.

+11111111111111111

hh · 27-03-2010 11:57 PM

المشاركة الأصلية كتبت بواسطة sharky

واضح ان حضرتك مش متابعة تاريخ الاهلى كويس
و فى نفس الوقت مش متابعة ماتشات الزمالك السنة دى اللى كسبوا بها نقاط عن طريق الحكام :)

تقصد تاريخ العار و البطولات المشبوهة؟؟؟؟؟؟؟؟؟؟؟ عارفاه و حافظاه صم من أول دوري محمد حسام بتاع 83 لغاية دوري ريشة بتاع السنة اللي فاتت......

أما كوميديا ماتشات الزمالك اللي كسبها بالتحكيم و الأهلي اللي يا حرام بيتظلم, زي ما قلت قبل كدة هي هي أسطوانة انجازات االحزب الوطني و رفاهية الشعب المصري بس الفرق أن الحزب الوطني بيكدب و أتباعه عارفين انه بيكدب, انما مسئولين الأهلي بيكدبوا و الأهلوية بيستعمونا و يصدقوا الكدبة

**Sharky** · 28-03-2010 12:01 AM

المشاركة الأصلية كتبت بواسطة hh

تقصد تاريخ العار و البطولات المشبوهة؟؟؟؟؟؟؟؟؟؟؟ عارفاه و حافظاه صم من أول دوري محمد حسام بتاع 83 لغاية دوري ريشة بتاع السنة اللي فاتت......

أما كوميديا ماتشات الزمالك اللي كسبها بالتحكيم و الأهلي اللي يا حرام بيتظلم, زي ما قلت قبل كدة هي هي أسطوانة انجازات االحزب الوطني و رفاهية الشعب المصري بس الفرق أن الحزب الوطني بيكدب و أتباعه عارفين انه بيكدب, انما مسئولين الأهلي بيكدبوا و الأهلوية بيستعمونا و يصدقوا الكدبة

ما أنا قلتلك
واضح انك لا تعرفى تاريخ الأهلى كويس و لا النقط اللى كسبها الزمالك بالحكام السنة دى و انتى اكدتى كده بمشاركتك الأخيرة

**AshTurbo** · 28-03-2010 12:02 AM

انبي ينال النصيب الأكبر من عقوبات لجنة المسابقات

بتاريخ- 27/03/2010 06:13:00 م

أصدرت لجنة المسابقات التابعة للاتحاد المصري لكرة القدم القرارات الخاصة بالمرحلة الثالثة والعشرين لمسابقة الدوري الممتاز المصري في اجتماعها الذي عقد عصر السبت.

ونشر الموقع الرسمي لاتحاد الكرة المصري نص قرارات اللجنة، حيث نال فريق انبي النصيب الأكبر من العقوبات سواء المالية أو الإيقاف، حيث جاءت القرارات اغلبها علي خلفية أحداث مباراة انبي والأهلي الأخيرة والأحداث التي صاحبتها.

وجاءت القرارات علي النحو التالي :

- إيقاف لاعب انبي عمرو فهيم مباراتين وتغريمه 3000 جنيه للعب العنيف بغرض إيذاء الخصم.

- تغريم نادي انبي 4000 جنيه نظرا لتأخير نزول اللاعبين لأرض الملعب "4 دقائق" قبل بداية الشوط الثاني.

- تغريم نادي انبي 10000 جنيه نظرا لمخالفة شروط المسابقة وحضور مساعد المدرب المؤتمر الصحفي بدلا من المدير الفني أو المدرب العام.

- إيقاف الدكتور ايمن إبراهيم طبيب فريق انبي مباراة واحدة للطرد عقب اعتراضه بطريقة غير لائقة على الحكم.

- تغريم نادي انبي 2000 جنيه نظرا لدخول الجهاز الفني إلى ارض الملعب.

أما النادي الأهلي، فتم تغريمه 4000 جنيه لتكرار سباب جمهوره الجماعي.

وعن القرارات الخاصة بمباراة الزمالك والإنتاج الحربي، فقد تقرر تغريم الزمالك 4000 جنيه لتأخر نزول لاعبيه إلي ارض الملعب قبل بداية المباراة، بجانب 4000 جنيه أخري لسباب جمهوره الجماعي في ذات المباراة.