فضيحة مباراة الأهلي وإنبي

**Hhassan** · 26-03-2010 02:06 AM

اقل شيء ممكن يحصل دلوقتي ان الحكم ده ميلعبش اي ماتش الى نهاية الدوري ده اذا كان لسه فى امل فى التحكيم المصري

**human** · 26-03-2010 02:10 AM

شىء مسلى جدا ان الواحد يقرا تعليقات مشجعى الاهلى و هما بيتكلموا على التحكيم و النزاهه و بيتهموا فى حسام و ابراهيم و بيتكلموا على الحكام ازاى يا عينى ظلموهم قبل كده

**Terrible_DaRsH** · 26-03-2010 02:30 AM

المشاركة الأصلية كتبت بواسطة human12

شىء مسلى جدا ان الواحد يقرا تعليقات مشجعى الاهلى و هما بيتكلموا على التحكيم و النزاهه و بيتهموا فى حسام و ابراهيم و بيتكلموا على الحكام ازاى يا عينى ظلموهم قبل كده

خطا تحكيمى حصل فى ماتش , خلاص المشنأة اتعلقت !!

خلاص الاهلى ده بقي نادى درجة عاشرة و كل انتصاراته المحلية و الافريقية بقي كوسة !

انتوا اصلا كنتم بترموا بلاء الخسارة على الحكام , يبقي الزمالك بينافس على الهبوط و يقولوا الحكام السبب , اصل اتحاد الكرة هو السبب , اصل حسن حمدى مظبط سمير زاهر و معرفش ايه .

اول ما الزمالك شم نفسه و الاهلى كسب فى ظل خطا تحكيمى , خلاااااااااااااااااص كله اتنسه و ابراهيم هيقل ادبه كالعادة ..

شغل احتراف بجد .

**dr-mohamed** · 26-03-2010 02:37 AM

المشاركة الأصلية كتبت بواسطة hhassan

اقل شيء ممكن يحصل دلوقتي ان الحكم ده ميلعبش اي ماتش الى نهاية الدوري ده اذا كان لسه فى امل فى التحكيم المصري

لو كل حكم عمل اللى عمله سمير عثمان النهاردة اتوقف لنهاية الموسم يبقي بعد اسبوعين كل الحكام هيتوقفوا لنهاية الموسم

المشاركة الأصلية كتبت بواسطة human12

شىء مسلى جدا ان الواحد يقرا تعليقات مشجعى الاهلى و هما بيتكلموا على التحكيم و النزاهه و بيتهموا فى حسام و ابراهيم و بيتكلموا على الحكام ازاى يا عينى ظلموهم قبل كده

يا راجل
طب بلاش مشجعين الزمالك
وبعدين ابراهيم حسن ايه بس يا راجل
والله ما هيخرب الزمالك تانى غير ابراهيم
واحمدوا ربنا انه موقوف ده لو اتلغي ايقافه وقعد على الدكة والله هتبقي مهازل بعمني الكلمة
وافتكروا لما كانوا بيدربوا في المصري نص المباريات كانوا الاتنين بينطردوا لكن الحكام بيخافوا من الزمالك
وحسام اشتكي وقال محمد نصر بيصورني ومش عايز الكاميرا تصورني علشان عارف انه هيغلط
اما التحكيم فانا جبت 8 مباريات بس الموسم ده كلها اتلغي فيها اهداف صحيحة للاهلي وضربات جزاء صحيحة واتحسب عليه اهداف وضربات جزاء غير صحيحة
هات لي انت ماتش الزمالك اتظلم فيه
بس لو قدرت تجيب هاجيب لك انا في المقابل اكتر من 5 مباريات كسب فيهم بظلم تحكيمي
بقولك ايه
خللى الموضوع ده عن الاهلى وبلاش ندخل الزمالك علشان محدش يزعل
وكل سنة وانت طيب

المشاركة الأصلية كتبت بواسطة terrible_darsh

خطا تحكيمى حصل فى ماتش , خلاص المشنأة اتعلقت !!
خلاص الاهلى ده بقي نادى درجة عاشرة و كل انتصاراته المحلية و الافريقية بقي كوسة !
انتوا اصلا كنتم بترموا بلاء الخسارة على الحكام , يبقي الزمالك بينافس على الهبوط و يقولوا الحكام السبب , اصل اتحاد الكرة هو السبب , اصل حسن حمدى مظبط سمير زاهر و معرفش ايه .
اول ما الزمالك شم نفسه و الاهلى كسب فى ظل خطا تحكيمى , خلاااااااااااااااااص كله اتنسه و ابراهيم هيقل ادبه كالعادة ..
شغل احتراف بجد .

يا راجل ريح دماغك هما مش كانوا قالوا هيشتكوا للاتحاد الدولي وينسحبوا والهبل بتاع ممدوح عباس اياه طب رجعوا في كلامهم ليه
الله يرحم هينزل وشتيمة جمهور الزمالك لشيكاباللا وعياطه في الملعب اكتر من مرة

**dr.amr** · 26-03-2010 02:57 AM

يا استاذ كايرو البدري ماعملش اي حاجه غير انه طلعهم من تحت
يعني اي مدرب مصري كان هيطلع اللاعيبه ده من الناشئين
اقصد انه ماعملش شيء مبتكر مثلا
انا معاك جوزيه كان سيء في اخر موسم او موسمين
بس انا لما شوفت منتخب الشباب استغربت ازاي شكري وشهاب وعفروتو دول في الاهلي ومابيلعبوش ولسه هشام محمد مالعبش
بس انا شايف الاهلي سيء جدا واللاعيبه الجديده اللي طلعهم دول مش لسه ناشئين دول لاعبين مباريات وديه دوليه بعدد شعر راسهم بس سكوب ده هو اللي بتاع كشري لو هاني رمزي كان وصل دور الاربعه مستريح
وبعدين في حاجه مهمه الاهلي اتعادل الموسم ده تقريبا 8 مباريات وده كتير قوي قوي
لو الزمالك فايق من الاول كان زمانهمخلص الدوري
وبعدين ربنا يستر من ماتش بيتروجيت الجاي وبعده الزمالك
لأن انا حاسس اننا بالكتير هناخد في واحد 3 نقط بس من السته ده بالكتير قوي
البدري وحش ومش مسيطر علي الفرقه خالص ومش مركز في الماتش بيركز مع الحكم
سؤال واحد اخير هل احمد حسن كان بيشوط كل التسديدات اللي مالهاش لازمه ده مع جوزيه ؟؟
ده كان ممكن يعلقه فيها

**طائر الليل** · 26-03-2010 03:00 AM

المشاركة الأصلية كتبت بواسطة human12

شىء مسلى جدا ان الواحد يقرا تعليقات مشجعى الاهلى و هما بيتكلموا على التحكيم و النزاهه و بيتهموا فى حسام و ابراهيم و بيتكلموا على الحكام ازاى يا عينى ظلموهم قبل كده

إبراهيم حسن ده أسوأ شخصية رياضية فى مصر على الأطلاق وعلى مدار العصور
إبراهيم حسن يطلع فى جول إف إم ويعمل مداخلة مع المذيع المحترم كريم حسن شحاته ويتكلم على ماتش الأهلى والكوسة والظلم لأنبى وإنعدام العدالة!(وإنت مالك )
البعيد مخدش باله من التحكيم فى الزمالك والقرارات الظالمة التى أنصفت الزمالك فى كثير من المباريات وهذا عادى بالنسبة لى كأهلاوى لأن التحكيم بصفة عامة هذا الموسم سىء ولا أفترض إطلاقا بأن هناك مجاملة أو شبهة تواطأ
ومخدش باله مثلا من مباراة الأهلى وبترول أسيوط التى ظلم فيها الأهلى ظلما فادحا وغيرها وبنقول أخطاء تحكيم وعدت مش مؤامرة وكلام فارغ
والآن تردد أنا على إستعداد أن يظلمنى حكم أجنبى وليس مصرى!!!!!!!!!!!!!!
إنت بتعزف على وتر التعصب وهذه ليست رياضة
كفاية إرحمنا من قرفك وإن كنت نسيت أفكرك بإيقافك لمدة عامين بسبب حركة شائنة فى ماتش الجزائر وبداية أزمة خطيرة ما بين شعبين شقيقين ونهاية بما فعلته فى الجزائر فى بطولة ودية عندما قمت بأفعال تسىء لكل المصريين والرياضة وتم إيقافك وأشعلت الدنيا سبا ولعنا لروراة والجزائريين
وخربتها
خليك فى نفسك وكفاية قرف

**Abo_Lina** · 26-03-2010 03:10 AM

احنا نسيب اللي حصل و نمسك في إبراهيم حسن ..
الأخطاء التحكيمية وارد حدوثها و تحدث في العالم كله ..بس اللي لا يحدث إن كل الأخطاء التحكيمية تكون في مصلحة فرقة واحدة زي النهاردة

**AshTurbo** · 26-03-2010 03:20 AM

هي فين الفضيحة اللي بتقولوا عليها ؟

معلش بس هي نتيجة الماتش دة هتفرق معاكوا جامد يعني ؟

**طائر الليل** · 26-03-2010 03:25 AM

المشاركة الأصلية كتبت بواسطة tyler_durden

احنا نسيب اللي حصل و نمسك في إبراهيم حسن ..
الأخطاء التحكيمية وارد حدوثها و تحدث في العالم كله ..بس اللي لا يحدث إن كل الأخطاء التحكيمية تكون في مصلحة فرقة واحدة زي النهاردة

معترفين بحدوث أخطاء وتنازل من الحكم لمصلحة الأهلى فى إنذارات مستحقة وإنذار وطرد للاعبين من أنبى وهدف مؤكد لأنبى ملغى والثانى لم أتأكد منه فى مقابل 2 أوفسايت للأهلى حرمته من هدفيين محققين
الحكم المتهم بمجاملة الأهلى حكم مباراة الزمالك والإتحاد وكسبها الزمالك 2/0 وكثير من الملاحظات بمبدأ المؤامرة تصب لصالح الزمالك
الماتش سىء تحكيميا هذا مؤكد
الأخطاء واردة
هدف بيد مارادونا وخروج أيرلندا من كأس العالم والعرجون مع الأهلى وظلم مصر الفادح فى تصفيات كأس العالم الماضية وغيرها وغيرها هوه فيه أيه؟
لكن رد الفعل المبالغ فيه من أنصار الزمالك هو الأغرب
بلاها الرياضة التى تسبب التعصب
أنا من النهاردة معنتش مشجع كورة لأنى إكتشفت أنها حرام لأنها تسبب كل هذه الكراهية والعنف والتشفى وتجعل أشخاص بلا قيمة تتصدر الإعلام وتبث السموم بين الناس
والله شىء مقرف أن تكون بهذه الصورة وان يكون المنبر مفتوح لمثل هذه الشخصيات التى تبث سمومها
أشخاص تصيب الإنسان بالغثيان رياضة أيه دى التى من المفروض ان تسمو بالإنسان!