هاي اس و هاي لوكس صيانه واصلاح موضوع جامد جدااااا!!!

**hborsa** · 11-01-2008 08:51 PM

الاخوه الافاضل عازين نعمل موضوع عن الميكروباص التويوتا الجديد 2005 .2006.2007
عن الصيانه والاصلاح 2kd-ftv
وبما ان انا عندي ورشه وشغال فيهم فا انشاء الله احاول افيد الجميع وها نحاول كمان نستعين ب الصور والشرح في اعمال الصيانه والاصلاح
وكلنا نرحيب باي معلومه جديده علشان انا سمعت ان المحرك دا عامل مشاكل لناس كتير في الصيانه مع انه محرك كويس جدا وسياراه جامده جدا

اخوكم H-BORSA

**Xpert** · 11-01-2008 10:16 PM

سعرها ماشيكام .. و ايه الفرق في الخليجي و المصري .. و كمان ايه الموديل اللي بيبقي اكصدامه طالع لبره ده ؟
ايه ظروه الهاي دك فيه ؟
و شكراً مقدماً ;)
اخوك مستر اكس ..

**hborsa** · 11-01-2008 10:37 PM

المشاركة الأصلية كتبت بواسطة Xpert

سعرها ماشيكام .. و ايه الفرق في الخليجي و المصري .. و كمان ايه الموديل اللي بيبقي اكصدامه طالع لبره ده ؟
ايه ظروه الهاي دك فيه ؟
و شكراً مقدماً ;)
اخوك مستر اكس ..

بص يا استاذ اكس هنا في مصر في 3 انواع من الميكروباص الهاي اس الجديد
1- القبه الكامله ودا شكله ضخم شويه تمنه تقريبا 175000
2- نصف قبه ودا تقريبا 150 الف جنيه
3- موديل اسمه 5L-E ودا تمنه تقريبا برضه 150 الف

المواصفات اللي اكصدامها طالع لبره دي من الخليج
اللي انت بتشوفه العادي دا مصري وعموما عايز اقولك ان الميكروباص دا تايلندي مش ياباني صافي يعني الفرق بقي في الخليجي هوه الاتي

في المصري مافيش فتيس اتوماتك الخليجي فيه
المصري مافيهوش اي بي اس الخليجي فيه
المصري مافيهوش اير باج الخليجي فيه
التصميم يبفرق شويه من جوه في الخليجي اوسع

عايز اقلوك العربيه دي فاجره ملاكي تقريبا والناس بدات تفضل تركبها

واي خدمه

**Xpert** · 11-01-2008 10:45 PM

طب و ايه فرق الموديلات ( الفايف ال ده .. ادينا فكره كده عن البتاع الجديد ده :d ) ..بالنسبه للمواتير و كده .. و بالنسبه للكماليات ( لو تعرف اكواد المواتير ياريييت) .. و كمان الخليجي ده ياباني ولا تايلاندي برضه ..
الفكره ان فيه دراسه قائمه لشراء وحش من دول .. تيربوديزل بقي و عربيه جديده لسه ..
بس لسه بندرس المشروع .. الفكره ان انا بندرس اللي موجود هنا و بندرس ايه مدي امكانيه ان لواحد يستورد واحد خليجي لحسابه الشخصي .. و لسه هانشوف ايه بنود الاعفاءات و الخصومات و الشروط الاستيراديه و الكلام ده ..
يعني ناخد فكره و نشتري بعد بكره :d
و شكراً

**hborsa** · 11-01-2008 11:08 PM

بص يا سيدي الفاضل فيف ال اي دا هي نفس الموتور بتاع الميكروباص 2004 العادي بس معدل
وفيه طلمبة جاز كهرباء ودواسه اكسرتير الكتروني
اما الميكروباص الضخم القبه والنصف قبه ددول فيهم تربو تشارش وكله الكتروني تقريبا بس صيانته احسن من فيف ال ايه اوكي
انت لو عايز تشتري اشتري التاني اللي هوه التربو لأنه احسن وقطع غياره موجوده اما التاني مش موجود له حاجات كتير اللي هوه فيف ال ايه بس الشكل واحد تقريبا
الكود بتاع المحرك الكبير دا اسمه 2kd-ftv اما الصغير اسمه 5L-E
انت اشتري 2kd-ftv
اما من ناحيه الصيانه فلا تقلق لو محتاج اي شي فيه اخوك موجود

شكرا لمتابعتك الموضوع

**cpt_shawky** · 12-01-2008 07:29 AM

يا جماعة ممكن وانتوا بتكلموا كده تحطوا صور للموديلات اللى بتكلموا عنها انا كده مش عارف شكل اى حاجة

**hborsa** · 12-01-2008 02:47 PM

المشاركة الأصلية كتبت بواسطة cpt_shawky

يا جماعة ممكن وانتوا بتكلموا كده تحطوا صور للموديلات اللى بتكلموا عنها انا كده مش عارف شكل اى حاجة

الاستاذ شوقي طيب ممكن تقولي احط صوره للعرض اذاي ؟ علشان بجد مش عارف

شكرا

**cpt_shawky** · 12-01-2008 02:53 PM

حسب هى الصور موجودة فموقع تانى ولا موجودة عندك عالهارد ؟

**Xpert** · 12-01-2008 02:55 PM

الكلام عالتيربودييزل يا استااااذ :D حد مايعرفش التيربودييزل يا ستااااذ .. لاء و 2007 يا استااااذ ... يعني اعرض و اريح ... و هاتركب عربيه لسه زيرو و الاجره هيا هيا يا استاااذ :D
الصوره اهه يا حج ..
TOYOTA HIACE

TOYOTA HILUX