المشاركة الأصلية كتبت بواسطة yehia
أعتقد ان مضمون الاعلان هو التأكيد والتذكير على حاجة كلنا عارفينها ..... ان العربيات المستوردة عن غير طريق الوكيل يبقى ما عليهاش ضمان .... إنما الصيانة أعتقد حتفضل مستمرة بمقابل قد يكون أعلى من سيارات الوكيل ...
أصله ببساطة ما يقدرش يمتنع عن صيانة السيارات الأخرى مش بس عشان فرض السيارات الخليجي .... إنما فروض تانية كتيرة .... زي واحد كان قاعد بره واشترى عربية ورجع بيها .. يعني استيراد شخصي ... طب ما هي دي مش مستوردة عن طريق الوكيل فهل يملك الأخير الامتناع عن اجراء الصيانة لها ؟
ده يبقى بيخرب بيته بايده خاصة وانه نسب الكلام اللي في الاعلان برده إلى كيا كوربوريشن والتي لن توافق على مثل هذا الكلام أبدا .... لانه في النهاية أي سيارة تحمل علامة كيا في أنحاء العالم ملزمة من الشركة الأم .... ولا ايه؟
أنا رأيي انه يتم أولا استيضاح النقطة دي من الوكيل ... فلو ثبت انه حيمتنع عن الصيانة يبقى يتم اللجوء إلى جهاز حماية المستهلك واعلام الشركة الأم في كوريا وهما كفيلين بالتصرف معاه .....