فى ملحق سيارات الاهرام النهاردة شركة eit تحذر عملاء كيا انها لن تضمن ولن تقبل صيانة السيارات الخليجى لديها
وده من وجه نظرى الشخصية نظرا لسياسة المبيعات الفاشلة اللى خلت كل محبى السيارة السيراتو يشتروها خليجى مع العلم ان اسعر السيارات السيراتو الخليجى انخفضت جدا انا كنت امبارح فى اوتو سمير ريان واتفرجت على كل الفئات من السيراتو الخليجى والنتيجة ان سعر السيراتو السعودى الكاملة بدون بصمة وصل 118000 والكاملة اللى فيها كل حاجة فى الدنيا ب 121000 وده معناه زيادة المعروض من السيارة على حساب الطلب بالاضافة الى قيام الوكيل بمثل هذا التحذير ده معناه انه وفقا لاحصائيات المبيعات فى الفترة السابقة لشركة eit
ان السيارات الكيا سيراتو فى مصر تمثل النسبة العظمى منها سيارات خليجى بانواعها المختلفة (سعودى - كويتى - اردنى )وده يدينا مؤشر عن قلق مبيعات كيا من انخفاض الطلب على السيارة خلال الفترة القادمة نتيجة زيادة الطلب على شراء السيارات الخليجى على حساب سيارات الوكيل نتيجة ارتفاع السعر مقارنة بسعر وكمليات الخليجى
- طول فترة الانتظار لدى الوكيل.
- وجود فئات تخاطب شرائح المجتمع المختلفة فى السيارات الخليجى يعنى ممكن تلاقى فى الخليجى سيارات بجنط 16 وهاى لاين فيها كل حاجة عكس الوكيل الجنط ال 16 فى الفئة 110.000 .
والاستنتاج اللى انا متوقعة زيادة المعروض خلال الفترة القادمة من سيارات الوكيل من خلال:
- تخفيض فترة الانتظار بدلا الانتظار من 3 الى 4 شهور .
- عدم قبول صيانة السيارات الخليجى وتوفير قطع الغيار لاصحاب السيرات الخليجى او زيادة اسعارها بقيمة تصل الى 25 %زيادة وذلك للعملاء اصحاب السيارات الخليجى .