الموضوع: ياما جاب الغراب لأمه :) !!

ههههههههههههههههههههههههه هههههه و الله راجل زي العسل

انا برده قدام بيتنا شجرة كافور عملاقة و عمرها اكتر من 60 سنه تقريبا و تقريبا الغربان بتحب تبني بيووتها فوق الأشجار العاليه و طبعا الكافور ارتفاعه كبير
و ما قلولكش علي صوتهم و هما بيصرخوا مزعج جدا دا غير انه بيعتبر نذير شؤم طبقا لعاداتنا كمصريين ههههههههههه بس هما بيخافوا يقعدوا كتير عالشجرة بتاعتنا لأن و الدي هاوي صيد لدرجة الإدمان و مشترك في نادي هواة الصيد البري و مرخص بندقية خرطوش 16 و بيتصرف له زخيره شهريا من القسم حوالي 1000 طلقة و طبعا هو فنااااااااااااااان في صيد الغربان و بالذات و هي طايرة لأنه دايما يقولي ان الغراب بيعتبر من اذكي الطيور اللي هو اتعامل معاها لدرجة انهم بيعرفوا شكله اول ما بيشوفوه حتي و هوراكب العربية بيفضلوا يحوموا فوقه و يطيروا معاه و هو بالعربية عشان يعرفوا هو رايح فين و يعمله حسابهم منه ، بجد و الله انا بشوف الكلام دا بعنيه لما بخرج معاه للصيد حاجة غريبة ولما واحد منهم ينضرب و يقع يفضلوا يصرخوا و يعملوا جنازة و يقعدوا يولوا فيها و يتلموا باعداد كبيرة يمكن حوالي 20 غراب و يفضلوا يلفوا و يحوموا في المكان اللي وقع فيه زميلهم و تقريبا بيشلوه حي او ميت و ياخدوه معاهم
و بتبقي جنازاتهم فعلا رهيبة و ما تعرفش ازاي في ثواني بتلموا و يتجمعوا ههههههه و الله فعلا حاجة غريبة
و طبعا بمناسبة الصيد وذكاء الطيور والدي بحكم خبرته في الصيد بيقولي انه من اصعب الطيور في الصيد طير اسمه البلسان و هو شبية لحد ما لأبوقردان صديق الفلاح لو انتو فاكرينه بس لونه بيج علي رمادي مش ابيض و الطير دا بيتاكل و لحمة لذيذ و هو بيتغذي علي الأسماك فقط لذلك دايما بيكون قاعد علي الميه زي النيل و الترع و في حتت تكون بعيده عن الناس و تكون هادية جدا و مشكلته انه لازم يتصاد و هو طار في الجو لأنه لو علي الأرض و حاولت تصيده مش هتعرف لأنه بيشم ريحة البارود و كان والدي بيسد مواسير البندقية عشان مايشمهاش و كانت احيانا بيحس بيه و يطير و كمان ما بيسكنش غير في حتت معزولة جدا يعني عندنا بيسكن فوق النخل اللي وسط القصب و صعب انك توصله

و طبعا ما ننساش الثعلب المكار ( ابو الحصين ) زي ما احنا في الصعيد بنسميه و دا فعلا من اذكي الحيوانات و امكرهم ، مالوش حل الكائن ددا ههههههههههههههههههههه والدي غااااااااااوي صيد التعالب دي و خصوصا بالليل وقت نشاطهم
انا فاكر موقف للتعلب والدي كان حكهولي انه في مره كان عندنا ارض حوالي فدانين بسميها الجزيرة عشان الميه كانت محاوطاها من كل ناحية من نهر النيل و كان جدي زارعها بطيخ و شمام و التعلب بيموت في حاجة اسمها بطيخ و شمام و عندي موهبه خارقة في اختيار البطيخ الأحمر المرمل المستوي و والله والدي بقيولي انه كان شباب و كان لسم متجوزش و كان بيقعد يحرس الأرض بالليل وكان بيراقب التعلب و هو بينقي البطيخ زينا بالبظبط بيخبط عليها برجله و يعرف ان كانت مستويه و لا لأ و لما يتعجبة واحده يقوم ناقره بسنانة و يدخل بوزه الرفيع فيها و ياكلها من جوا و يسيبهالك فاضية من جواو زي ما هيه من برا بس مخرومة ومافيهاش حاجة ههههههههههههههه و جدي يقعد يلطم في الصبح من الخسارة ههههههههههههههههههههههههه ههههه الله يرحمك يا جدي و يحسن اليك هههههههههههههههه كان راجل لذيذ

المهم من ضمن مواقف التعلب الغريبة مع والدي و اللي اشتهر بيه التعلب انه لو اتزنق في مكان و حد بيهاجمه و مش عارف يهرب منه و خلاص هيتمسك يعني هيتمسك يقوم يعمل نفسه و يتظاهر انه ميت و يتمدد علي الأرض كانه مات بالظبط و كمان ايه يطلع ريحة وحشة و كريهه عشان يخدع عدوه بأنه مات و عشان يخليه ما يقربش منه من كراهية ريحتة هههههههههههههه الكلام دا بجد يا رجاله مش بشتغلكم و الله
و طبعا لما هو عمل كدا مع والدي افتكر انه بيمثل عليه راح رابطه و قعد يراقبه لغاية مالقيه قام و عاوز يهرب و طبعا والدي ماصدق انه فاقله و صحي و قم بالواجب معاه و مش عاوز احكي لكم علي اللي قام بيه جدي يومها معاه بسبب تخريبه هههههههههههههههههههههه


بس بصراحة احييك علي صبرك و ملاحظتك للقصة دي و علي انك فكرتني بالذكريات الجميلة دي لما كان الواحد لسه بيحس بطعم السعادة و خلتني اضحك بجد من قلبي
و فعلا الناس بتوع زمان ما كانوش بيقولوا كلام و بس و فعلا كل امثلتهم حكم و مصدرها تجربة واقعية


ههههههههههههههههههههههههه انا فطسان علي روحي من الضحك بجد موضوع لذذذذذذذذذذذذذذذذذذذذذذذذ ذذذذذذذيييييييييييييييييي ذ