خبراء BM 318i ممكن يفيدونا

**SEATLOVER** · 12-01-2008 12:33 AM

عايزين نعرف انواع 318i يعنى اية base line او high line فتيس قديم .. فتيس جديد ..
و اى حد عندة معلومة عنها او تقييم لاءدائها يقولنا و كمان حاجاتها موجودة و هل اسعارها غالية .
و شكراً

**Xpert** · 12-01-2008 09:50 AM

فروق موديلات بالنسبه للي انا اعرفه بيفرق في الفرش و في الفوانيس ورا و شويه حاجات كده ..للأسف مقدرش افيدك قوي .. بس تيكنيكالي مافيش فرق .. الفرق اوبشنز و شكليات ( يعني مثلاُ الفيس لسفت حطوا الفوانيس اللي ورا الابيض في النص .. الاول كان الابيض فوق) ..
هيا الفروقات اللي اعرفها : البيزلاين فوانيسها داير ما يدور برتقالي .. الهايلاين ابيض ... بعد الفيس ليفت بقي البيز لاين ابيض برضه .. و خللوا الهايلاين الابيض بتاعه في النص ..

اللي يفيدك في الحوارات دي .. لو انت في القاهره انزل الحرفيين .. و روح لزهير او حازم الشربيني .. بلوك H في الحرفيين ناحيه مركز سمير علي بتاع السمكره ... اعمل نفسك بتشتري طقم فوانيس ورا و مش عارف ايه الفرق و خلليه يشرحلك كل الفروقات ..

بس باكرر تاني ... الموضوع موضوع اوبشنز و شكليات .. و مافيش للميكانيم اي علاقه بالموضوع ... و حاجه كمان .. خد بالك ان العربيات دي فيها تجميع محلي و تصنيع الماني ..
جوني اكس

**mohamed ibiza** · 12-01-2008 02:43 PM

Ana Aret Mara Fi Al Gornal An Al High Line 2000 Cc A3tkd An Al Base Line Fi 318 I 1800 Cc Bs Mesh Mt2kd Tb3n

Ibiiiiiiiiiiiiiiiiiiiiiiiiiiiiiiiiiiiiizzzzzzzzzzz zzzzzzzaaaaaaaaaaaaaaaaaaaaaaaaa For Ever

**Xpert** · 12-01-2008 02:45 PM

318 = 1800 سي سي ... و زي ما قلت تيكنيكالي مافيش فرق ..

**شاهين - بنز** · 13-01-2008 09:24 PM

ياجماعة البي إم 318 ألفين سيسي مش ألف وتمتومية وأنا متأكد من الكلام ده 100%

**Xpert** · 13-01-2008 09:27 PM

الالفين 6 سلندر 2000 سيسي اسمها 320ه .. الالفين وخمسميه 6 سلندر 2500 سيسي و اسمها 325 .. و هكذا ..
ماتبصش للي مكتوب علي العربيه ورا .. البادج بيتباع ب 30 جنيه تجيبه

**شاهين - بنز** · 13-01-2008 09:36 PM

لأ ال 318 وال 320 نفس السعة اللترية وأربعة سلندر بس بيختلفوا في عدد الأحصنة
أما الستة سلندر بيبدأ من فئة ال 325 إلي كانت بتتجمع لحد سنة 2005 في مصر
وأديلك مسال زي ال 523 وال 525 الإتنين 2500cc لكن فرق 40 حصان بين الإتنين

**Xpert** · 13-01-2008 09:46 PM

ماشي يا عم حقك عليا ... ال 316 و ال318 هم اللي زي بعض .. لاءن الماكنه ال 1900 اللي انت قصك عليها مازلتش غير في الزد ثري و الكومباكت
بالنسبه لكلامك عن ال523 و ال525 ده مظبوط .
عموماً اديني رقم موتور و شاسيه عربيه تكون انت بتقول انها 2000 .. و انا اقولك هيا كام سيسي بالظبط (بالمللي ... ) اما بالنسبه امواتير الالفين 4 سلندر ف ده مافيش منه غير موتور واحد بس . و قديم موديل 1987-1990... اما لل1900 4 سلندر فده زي ما قلت كده ..
جايز يكونو بيقولولكم انه 2000 لسبيل الدعايه و التسويق ... انما خدها مني مافيش موتور 2000 بي ام عملته 4 سلندر الا ماكنه واحده بس ... و اكيد مش دي ..
بالاضافه .. كل موتور "متكود" و مكتوب عليه كل حاجه ..بس اكواده ماتعرفهاش انت و اعرفها انا ... مكتوب ان كان كات ولا نون كات .. و دي بتفرق في الكومبريشن بتاع المكنه .. و بيتكتب سعتها اللتريه و عدد السلندرات بس متشفره ..
و شكرً