الموضوع: استفسار عن هوندا سيفيك مو90 و 91 ياريت حد يفدني ضروري ؟

المشاركة الأصلية كتبت بواسطة Mamdoh Elarby

بالنسبة للموديل ده هو ممتاز جدا جدا و عربية واسعة و حلوة و وسحبها جميل اوي لو موتورها نضيف
بالنسبة للفئات بتاعة العربية ديه فهيا :-
GL و ديه اتوماتيك او مانيوال تكييف و باور و سنتر فقط و ساعات في منها زجاج و مرايات كهرباء.
EX و ديه اتوماتيك جميع الكماليات وفتحة سقف كهرباء و المانيوال قليل اوي في ال EX .

اما بقي ال Si و sir فالفئات ديه في الشكل اللي بعده

نيجي بقي للموتور فالاستاندرد بتاعه فهو 1500 سي سي و تقريبا 92 حصان و كربراتير و الموتور ده كمان فضل مستمر للشكل بتاع 92 كمان موتور لو اوي و بيخلي العربية تجري جري ظريف اوي و خاماته كمان نضيفة جدا كعادة الهوندا طبعا و هو موتور ناجح جدا.

اي موتور راكب في الشكل ده غير الموتور ده فهو متسقط الا بعض الحالات النادرة جدا جدا اللي هتلاقي فيها موتور 1600 و ديه مكنتش بتنزل مصر و لا كانت موجودة خليجي و لا اوروبي و هيا كانت امريكي فقط لا غير و ديه قليلة اوي اوي.

بالنسبة لأسعار قطع غيارها فهيا غالية شوية و متقارنهاش بالتويوتا اللي كانت معاكو بس هيا الصراحة ركوبة مختلفة تماما بس هو فرق الاسعار تقريبا يتراوح مابين 10 الي 15 % من اسعار قطع غيار التويوتا 94 .

و طبعا العيب الوحيد اللي فيها ان العربية واطية شوية بس ده بتتغلب عليه اما بالعلايات او لو هتركب سوست رياضية مش هتقبلك مشكلة و مش هتحك غير و انت محمل العربية علي اخرها و ديه انا بعتبرها ميزة انك بتخليك تخلع من الناس اللي تلاقيها نطت في العربية علي طول
و تقولوهم انزلوا
اما بقي بالنسبة للاار ف ال GL متدفعش فيها اكتر من 27 او 28 الف اما ال EX ممكن في حدود 33 او 34 الف
اما بالنسبة للعربية اللي قدامك فتقريبا الموتور ده مش بتاعها او هيا من الحالات اللي معدودة علي صوابع الايد و طبعا الفيص في كل الكام ده هيا الحالة الحالة الحالة ( لو ملاكش في وقفة الميكانيكية و وجع الدماغ و شرا قطع الغيار و الكلام ده اوعي تشتريها ) نصيحة لوجه الله هتكره عيشتك و هتكره العربية و الهوندا لها لأن الهوندا بالذات لو مش عارف انت عايز تصلح ايه او روحت لحد يفتيلك ممكن تتكلف ضعف الفلوس و ضعف الوقت لو انت فاهم .

العربية ديه لونها اخضر و بتقف في عمار بن ياسر و صاحبها اسمه ابراهيم ؟؟؟؟؟؟؟؟؟؟؟؟؟

بجد بجد مش عارف اقولك اييية الف الف شكر , وهي مش خضرا ولا صاحبها اسمة ابراهيم
ههههههههههههه بس ميرسي جدا للمعلومات الوفيرة دي

المشاركة الأصلية كتبت بواسطة AMIRELGOHARY

العربية فى حد ذاتها كويسة بس معنى انها مش ممتازة ان صاحبها مش مهتم بيها و دى حاجة تقلق لان اللى مش مهتم بالعربية فى حاجات ظاهرة اكيد فى حاجات مدارية وهو عارف او مش عارف ولو حبيت تظبطها صح هاتتكلف كتير لان قطع غيارها غالية ومش متوفرة فى كل مكان (الناس اللى بيشتغلو فى قطع غيار هوندا قليلين واقل فى المحافظات كمان)

متشكر جدا لاهتاماك وردك الغالي يا باشا

الحمد الله تم الشراء على 24 الف جنية واعتقد ان السعر مناسب جدا لامكانيات العربية فعلا