المقال مش غلط يا بشمهندس لان مصريه بتاعت واحد اسمه (سيد سيد رواس)
ممكن تقرا كدا في ورقة الضمان بتاع العربيه ومش بعيد فعلاً يكون الرواس بتاع الخليجي يكون قريبه
الموضوع ده كان محيرني فعلاً .. المصرية هم هم الرواس ولا لأ ؟ وازاي بيستوردوا الخليجي والمصري في نفس الوقت وايه الإستفادة من كده ؟
انا اشتريت الانسر الخليجى 2010 من الرواس الموجود بشارع رمسيس برج معروف وجنبة مباشرة كان توكيل المصرية لازق فية والشركة اللى اشتريت منها اسمها
( موتور تريند ) والفرع الثانى بتاعة فى هدى شعراوى ودة اللى اخدت منة الفاتورة وكان الختم باسم ( محمد سيد سيد الرواس ) وسمعت وانا بأشترى انهم اخوات يعنى اللى بيستورد المصرى والخليجى دبى ( الاماراتى ) اخوات ومرة اتقلى ان مستورد الخليجى ابن مستورد المصرية ودة اعتقد الارجح من الاسماء
عموما ً هم عيلة الرواس اخوات ولا قرايب فهم محتكرين سعر السوق والدليل سعر العربية المبالغ فية جدا ً وانا قريت انهم كانوا رافعين قضية على مستوردى باقى الخليجى ومعترضين على الاسيراد من غير بلد المنشأ وطبعا ً انت عارف ان الخليجى سعرة ارخص فلو حصل الكلام دة وكسبوا القضية يبقى احتكار كامل واكيد هيتفقواعلينا
مصرية - و هي الوكيل الوحيد - شراكة بين سيد سيد الرواس و احمد جمال عبد الوهاب
الرواس - اللي بيدعي انه وكيل و هو مش وكيل - ملك فرج الرواس
والله لو الاشاعه طلعت حقيقه
بغض النظر عن الرواس والمصريه
ده حيكون فى مصلحة العميل فى مصر
لان المنافسه حتولع واللى كلوه بط بط يطلعوا عليه وز وز
يعنى حينفسوا الجديد وينزلوا الاسعار امام بعضهم واكيد العميل حيكون كسبان
انا سمعت ان الوكيل هيبقى ابو الفتوح وهيجمعها فى مصر فى مصانع تجميع الب ام وهيقلل تمنها من 10 الى 15 الف
وده انا سمعته كتير
اللى اعرفه من المهندس طارق
ان المصرية صاحبها سيد سيد الرواس و شريكه
و الرواس الخليجى دول اولاد سيد الرواس نفسه
و ممكن ياكد لنا او ينفى الكلام دا
بخصوص اللي اتكتب في الجرنال ده فاعتقد لا يعدو كونه اشاعة زي الاشاعة اللي قبلها واللي اتكلم عنها خالد اباظة من حوالي شهرين في مقالة في اخبار السيارات لما قال ان فيه اشاعة ان ابو الفتوح هيجمع اللانسر في مصر وفي نهاية المقال قال انه قابل ابن حسام ابو الفتوح اللي انكر الاشاعة تماما
أما بخصوص الفرق بين مصرية والرواس
فوكيل ميتسوبيشي في مصر هو شركة مصرية (سيد سيد الرواس وشريكه) وده الاسم الرسمي للشركة والحاج سيد الرواس الشهير بفرج الرواس هو رئيس مجلس الادارة
ومعرض الشركة في 3أ ش رمسيس ودي صورته
http://www.mitsubishi-motors.com.eg/.../showroom2.jpg
أما شركة الرواس فهي ملك ابناء الحاج فرج الرواس وهي موزع معتمد للوكيل مصرية وكذلك كل مراكز خدمتها الأربعة مراكز خدمة معتمدة من الوكيل مصرية
ومعرضها في 3ب ش رمسيس باسم موتور تريند الرواس ودي صورته
http://www.mitsubishi-motors.com.eg/...ages/rawas.JPG
كدة مهندس / طارق مشكورا ً وضح الامور
لانى بالفعل معى لانسر 2010 خليجى بضمان الرواس وانا رحت فعلا ً التوكيل وعملت الصيانة 10 الاف وغيرت الكلاكس على حساب الضمان يبقى ازاى توكيل الرواس مش معتمد ؟ ! لانى اعلم ان شىء يتم تغيرة داخل الضمان يتم استرداد قيمتة وقيمة المصنعية من الشركة الام