هل فعلا توكيل الميتسوبيشي اتسحب من المصرية (الرواس) ؟؟؟
قاعد اقرا في جريد الفجر العدد اللى هيصدر يوم الاتنين 29-3 واذا بي افاجا في الصفحة 11 بعنوان ميتسوبيشي اليابانية تبحث عن وكيل جديد لها بمصر بعد رفضها التجديد لفرج الرواس وكيلها الحالي بمصر
تفاصيل الخبر ان ميتسوبيشي اليابان بلغت فعلا الرواس انها لن تجدد له عقد الوكالة عند نهايته في ديسمبر القادم والسبب التراع الحاد في المبيعات من 2007 لدرجة ان الرواس عجز عن بيع حصته في السوق المصرية وخسارته القضية ضد وزارة التجارة لسماحها باستيراد السيارات من غير دول المنشأ لانه رفع القضية بعد سنة والمفروض كان رفعها خلال 60 يوم وده اكد للشركة الام ان الرواس مش فاضي للعربية وهو سبب تراجع مبيعاتها
والمتوقع ان الرواس يرفع قضية على ميتسوبيشي بسبب الغاء الوكالة يطلب التعويض
وان فيه اكتر من وكيل مصري طلب الحصول على توكيل ميتسويسشي في مصر بدء من يناير 2011
كان فيه مقالة لخالد رفعت بتاع الاخبار من كام اسبوع بينفي فيها ان التوكيل هيتسحب من الرواس ومش فاكر كان بيقول ان الاشاعات بتقول ان مين اللى هياخده
وهو كان ناشر الكلام ده على انه اشاعة وهو بينفيها لكن كالعادة في مصر معظم الاشاعات بتطلع حقيقة
ايه رايكم في الكلام ده ؟
وهل تغيير الوكيل في صالح السيارة ام لا
خصوصا ان الوكيل احنا نفسنا وجهنا له انتقادات عنيفة منها ضعف مراكز الصيانة وعدم الاهتمام بالعملاء ولولا جهود ناس زي الباشمهندس طارق وغيره من العاملين كانت الصيانة اصبحت صفر مقارنة بباقي التوكيلات الجديدة
وارتفاع سعر السيارة بدون مبرر خصوصا الشارك
وعدم الدعاية نهائي للعربية في الوقت اللى بقية وكلاء السيارات بيعملوا دعاية مكسثفة رهيبة لسياراتهم زي هونداي وشيفرولية ورينو