السلام عليكم
احب احيى كل قسم الفيات ورجالته
وكمان تحياتى للتمبراويه
انا عملت حاجه كده احب احكيها لكم عشان ممكن تكون مفيده
انا كان عندى الجزء اللى خلف الكنبه مفرض انه ملصوق عليه حاجه كده زى الموكيت بس للاسف الشمس واكلاها خالص ومخلياها شكلها وحش قوى
وكمان كان عندى كسوه قديمه وبها اجزاء ممزقه والفرش الاصلى جميل وكنت خايف يتبهدل
المهم انا رحت لواحد سروجى وشرحت له القصه
فوصف لى واحد عندنا فى شبرا اجيب منه الموكيت للجزء الخلفى واخذ منى الفرش وقال انه هيرممه ويظبطه
وبالفعل رحت جبت الفرش اللى بيوضع تحت الزجاج الخلفى وراء الكنبه قطعه موكيت سعرها 18 جنيه عرض 60 سم وكمان فى فرو عجبنى جبت منه 40 سم عشان التابلوه وسعره 32 جنيه
يبقى كده الاجمالى 50 جنيه والسروجى قال انه هياخد 40 جنيه يبقى المبلغ 90 جنيه
وانا ان شاء الله هروح له يوم الجمعه عشان يركب الفرش ويلصق الموكيت
كنت عاوز اعرف من اصدقائى لو حطيت الفرو على التابلوه احسن ولا اسيبه زى ما هوه
بسراحه انا بيتهيا لى انه شكله احسن بدون الفرو بس من ناحيه حمايه التابلوه يبقى الفرو احسن
ايه رايكم عاوز اسمع تعليقاتكم
المفضلات