السلام عليكم ورحمة الله وبركاته
عايزين من السادة الاعضاء تقديم تقييم شامل عن الهوندا سيتى من حيث الاداء والقوة والمتانه واسعار قطع الغيار والصيانة
ولكم جزيل الشكر
نائل عبد الحميد
عرض للطباعة
السلام عليكم ورحمة الله وبركاته
عايزين من السادة الاعضاء تقديم تقييم شامل عن الهوندا سيتى من حيث الاداء والقوة والمتانه واسعار قطع الغيار والصيانة
ولكم جزيل الشكر
نائل عبد الحميد
سيدي اللورد
انا من مالكي الهوندا سيتي
العربيه معايا من 4 شهور و عامل بيها 16 الف كيلو تقريبا
معظم المسافه مشاوير طوالي بين الاسكندرية و القاهره و العاشر من رمضان
انا مش بفهم في الميكانيكا قوي لكن العربيه ناعمه جدا بفضل ال 7 سرعات
انا جبت بيها 165 كم و كانت ظريفه مقارنه بحجمها و اني كنت لوحدي
التكييف اكتر من رائع و نظام الصوتي رائع و انا اضفت له iPod فالموضوع اصبح ظريف للغايه
مساحه الشنطه اكتر من رائعة
جميع الكماليات
حاجه اكتر من كل ده اني و انا ماشي مش بيكون في بالي اي اختيار تاني في نفس الفئه زي ما بيقولوا نفسي مش بتروح علي عربيه تانيه
التوكيل محترم جدا
الصيانه الدوريه مش بتكلفني اكتر من الغيار و الزيت بس سمعت ان بعد كده الصيانات حتكون غاليه علشان حنبدا نغير تيل فرامل او فلاتر حسب الجدول
لو محتاج اي معلومات تانيه انا تحت امرك
و لو تحب تجربها انا حكون ان شاء الله موجود في المقابله اللي جايه و تشوفها براحتك و تجربها
ده لينك هوندا مصر
www.hondaegypt.com.eg/
الاخ العزيز / المهاتما
اشكر لسيادتك جدا للرد المفصل اللى حضرتك ذكرته
بس ليا سؤالين لحضرتك:
1- عدم وجود مؤشر للحرارة واعتمادها على وجود لمبه تحذير فقط عند السخونة ... هل ده عملى ؟
2- هل استخدام المانوال (لو عربية حضرتك اتوماتيك) سهل؟ ... حيث انىاعرف انى ممكن احول من الاوتامتيك للمانوال عن طريق زراير فى الديكسيون؟
اسف على الاطالة
بس انا حابب العربية دى جدا وشايفها اكتر من ممتازة وبفكر فيها بس موش لاقى حد يشجعنى الناس بتقولى هات لانسر حتى لو 1300 بس انا ميال اكثر للسيتى وربنا الموفق
شكرا لحضرتك
نائل عبد الحميد
سيدي اللورد
اغلب السيارات الجديده ما فيش مؤشر حراره
و ما تنساش ان العروسه هوندا و جديده
مش حتحتاج المؤشر ان شاء الله
عربيتي اوتوماتيك و بستمتع جدا جدا بالتحويل للمانيوال
هوه يعني ما يعتبرشي مانيوال قوي بس ظريف جدا
خصوصا للناس اللي مش بتعرف تسوق مانيوال
مش زيي خالص
عموما انا حبعت لك رقم تليفوني و كلمني
و بجد ان شاء الله يكون اختيار موفق و تكون مبسوط
الاخ العزيز/المهاتما
شكرا جدا لحضرتك
على فكرة موقع هوندا ايجيبت اللى انت بعته جميل جدا خصوصا ان فيه جدول تفصيلى للصيانة
انا سعيد جدا بمعرفتك ...
ادعى لى ان اوفق عن قريب واشتريها
شكرا لحضرتك
نائل عبد الحميد
إقرأ تقييمات الهوندا سيتى على اللينك ده
http://www.mouthshut.com/product-rev...925000039.html
يا جماعه موضوع مؤشر الحراره ده موضوع يعني غريب من حيث اللي بيسألوا انه عملي ولا لأ
انا في السيريون عندي كده وانا شايف أولا ان اللي بيصنعوا العربيات الجديده يعني مش هبل او مش فاهمين لأ ولكن بيعملوا الحاجه العمليه أكتر .................
وانا رأي انه عملي لأنك غصب عنك لو العربيه الحراره بدأت في الارتفاع عالطول حضرتك هتاخد بالك لأن اللمبه هتضئ باللون الاحمر وده بيبان عالطول في التابلوه وهتلاحظه
واكرر لما الحراره تبتدي في الأرتفاع مش لما تبقى 100 يعني اللمبه هتضئ لأ
اللمبه بتضئ اول ما الحراره تزيد عن حد معين او بمعنى تزيد عن اللزوم
اما المؤشر فممكن يوصل للأحمر وانت مش واخد بالك خالص وحصلت معايا مره وعرفت لما شميت ريحه
يعني السائق بيبقى منتبه لحاجات تانيه أكتر وبالذات لما تبقى في حته زحمه او مستعجل يعني الموضوع انت ونصيبك ...
أنا أتفق مع المهاتما هانى فى كل كلامه و حأقولك على مجموعة مميزات فى السيتى مش حتلاقيها فى أى عربية تانية فى نفس الفئة:
1- شنطة واسعة جداً فى العمق و العرض و الطول (فى طبعاً عربيات كتير شنطتها واسعة لكن لما تشوف عمق شنطة السيتى حتفهم أنا أقصد ايه) - و دة بينفع فى حاجات كتير ارتفاعها بيكون عالى و متدخلش فى شنطة أى عربية تانية.
2- الكنبة الخلفية مرتفعة جداً مقارنة بأى عربية سيدان ... و دة بيخليها مريحة جداً فى الركوب و النزول غير انها واسعة و تاخد 3 أفراد مستريحين
3- الكنبة الخلفية مقسومة جزئين (ثلث و ثلثين) و ممكن ترفع قاعدة أى جزء من الجزئين بحيث تحصل على مساحة تخزين ممتازة للأشياء المرتفعة و يفضل عندك برضة مكان لجلوس الركاب .. شوف الصورة دى للتوضيح (بس هنا كلا الجزئين بتوع الكنبة مرفوعين ... عادةً بتحتاج ترفع جزء واحد فقط)
http://www.hondaegypt.com.eg/images/...th__119d97.jpg
4- السيتى الأتوماتيك بتشتغل ستبترونيك 7 سرعات و فى حالة تشغيلها مانيوال بتغير السرعة بضغطة زر واحدة فى الدريكسيون ... و هى رائعة فى قيادتها و كمان الـ control unit ذكية بما فيه الكفاية انها تنقل السرعة لوحدها حتى فى المود المانيوال لو بدأت تقرب من الred zone فى الrpm ... يعنى لو حبيت تنقل للمود المانيوال و نسيت تغير سرعتك فى الوقت المناسب متقلقش ... العربية برضة حتتصرف من نفسها!
طبعاً الكلام دة بالاضافة لباقى الكماليات المعتادة بما فيها الايرباجز و الفرامل الـ ABS و الدركسيون الـ EPS ... و بالنسبة لموضوع لمبة الحرارة بدل مؤشر الحرارة فمتقلقش منه خالص ... بالعكس دة فيه ميزة اضافية انه لما تكون العربية لسة مسخنتش بينور نور أخضر عشان تعرف ان العربية لسة باردة فمتضغطش عليها و لما اللمبة دى تطفى يبقى كدة العربية وصلت لحرارة التشغيل العادية ...
آخر حاجة .. العربية دى ناعمة جداً فى سواقتها و أنعم من عربيات كتير سقتها ... و فعلاً ممتعة جداً فى السواقة و فى السحب و فى صوت التسارع الممتع للموتور الـ VTEC ... قد تكون اللانسر أرخص منها سعراً (الا لو حتجيب موديل 2006 مش 2007 - و على فكرة مفيش فرق بينهم) لكن العربية دى بتديلك احساس أعلى بالتميز و بتجمع بين كونها سيارة عائلية و رياضية
صور للهوندا سيتى
شنطة الهوندا سيتى
علي فكره العربيه الهوندا سيتي دي محترمه قوي
يعني انا بتعجبني قوي شويه حاجات صغيره
زي مثلا النواكل اللي جوه علي مقابض البيبان و حوالين الفتيس
التابلوه ظريف جدا و الاضاءه بتاعته تحفه
بيعجبني قوي التبطين للشنطه
ان الاستبن بجنط
هيا حاجات صغيره بس بتفرق
انا فرحت لما واحد صحبي كان فاتح شنطه اللانسر و ما كانتشي متبطنه
لكن برضه كان نفسي في مثبت سرعه و فوانيس شبوره
معلشي تتعوض في البي ام ان شاء الله :lol:
علا فكرة السيتي مش ستبترونيك دي cvt ودة يفرق كتير
الاوتوماتيك و الستبترونيك تروس
انما ال cvt عدد تروس لانهائي
لو جريت بالسيتي (دوس علا الاخر وسيبها تجري )
الrpm مش هينزل وجرب و قولي
ودة بيدي احسن قدرة مع اقل استهلاك علي اي سرعه
http://auto.howstuffworks.com/cvt5.htm
طريقة نقل الحركة فى الهوندا سيتى cvt إنما بتقدر تتحكم فى النقلة بطريقة مانيوال من الدريكسيون لو إنت عايز وده عند هوندا بيسموه steermatic وإحنا بنقول عليه مجازا ستيبترونيك
بجد شكرا علي المعلومات الجميله دي
المهم ان انا بقيت استمتع قوي بالنقل من الدريكسيون ايا كان اسمه
يا ترى كل ال ptions المكتوبة دى ( الجنوط - ABS - AIr BAg- .....) كلها موجودة فى ال 1300 التوماتيك و العادية ولا لأ؟
شكرا
الف الف شكر على شرح الCVT
وعلى كل المعلومات اللي في الموضوع
سلام
اقتباس:
المشاركة الأصلية كتبت بواسطة El_Sherif
موديل 1300 يختلف عن 1500
عدم وجود جنوط
عدم وجود ستيبترونيك
عدم وجود اريال في الزجاج
عدم وجود جرايد في البيبان
عدم وجود ABS علي ما اعتقد
كان فيه موضوع اخر فيه كل الاختلافات
استكمالا للتقييم الشامل للهوندا سيتي 1500 سي سي
حبيت اشاركم بمتوسط الاستهلاك
علما بان العربيه اوتوماتيك و اغلب الطريق سفر مع التكييف و متوسط سرعه 140 كم
متوسط الاستهلاك للصفيحه 280 كم
الرسم بيوضح متوسط الاستهلاك الشهري من يناير و حتي اكتوبر
http://www2.0zz0.com/2007/10/23/12/59414232.jpg
هل الهوندا سيتى 1500 لسه موجودة زيرو فى التوكيل أو فى أى معارض تانية ؟
ولا كل اللى موجود حالياً 1300 بس ؟؟
وهل السيتى 1300 أحسن من اللانسر 1300 ولا لأ ؟؟
ولكم جزيل الشكر
ايهاب الجوادى
ال فيها ستبترونيك 7 سرعات بكام باضبط فى الفطيم
مش موجودة حاليا عند التوكيل ..و اللي موجود بس ال 1300
they say this car swims on the road and unstable starting from 130 km/h???????
يا جماعة انا عايز اعرف بعد اذنكم الهوندا سيتى فى منها اتوماتيك فى 1500 سى سى
ومتوفرة فى مصر زيرو ولالا
وسعرها كام او فى حدود كام
وعايز اعرف قوة الحصان بتعها كام
وهل فيها abs ولالا
انا سوقت الهوندا بس 1300 سى سى بصراحة وانا مشغل التكيف بتعها وسحبها معقول واحسن بكتيرررررررر من الانسر 1300 اتوماتيك بس كانت عربية واحد صحبى
بس ياريت يا جماعة تردوا عليه فى موضوع الهوندا 1500 سى سى عشان عاوز اجبها بس الاتوماتيك وهل فى ولالا
وشكرا واسف على الاطالة
بدون زعل.......
بعد تجربة دامت لمدة 6 شهور مع العربية دي و كانت الشركة اللي شغال فيها مأجراهالي
العربية فيها مميزات رائعة زي
جيربوكس رائع ما تحسش بالنقلات تماما
صالون واسع و فرش جميل و شنطة واسعة
لكن
مافيش ستابيليتي علي الطريق لما تعدي 90 كيلومتر و خصوصا لو في شوية هواء زيادة.
العربية ما بتلمش نفسها بسهولة مع الفرامل خصوصا مع مقاس الكوتش الصغير
و بتفضل تزحف مع فرامل الخطر لان مافيهاش حتى Abs.
وده ادي معايا الي حادثة الحمد لله بسيطة بعديها رجّعت العربية علي طول لشركة الايجار..
فنصيحة يا جماعة ماحدش يجري بالعربية دي و ربنا يستر طريق الجميع
خالد باشا شكرا على الرسم البيانى انا كمان حسبت و احب اقول انا عربيتى مانول 1300 و الله بتعمل 381 كم فى الصفيحة و ده كويس من غير تكييف على سرعة تقريبا 80-90 و لو بالتكييف حوالى 280 - 300 تقريبا ..
نشكرك جدا على اضافك القيمة و فى انتظار المزيد.
أحمد
ممكن مقارنة بين الهوندا سيتي و النيسان تيدا سيدان وليس شرط 2009
لإني أعتقد إني الهوندا سيتي ليس بها عيوب بغض النظر عن الفرش.
ياريت في أقرب وقت لإني محتار جدا
جزاكم الله خيرا
يا جماعه انا بترجي اي واحد اشتري العربيه دي انه يبيعها و اي حد بيفكر يشتري يدور علي اي عربيه تانيه احسن و اامن له.
انا ليا تجربه مميته مع السيتي 1500,بس الحمد لله طلعت سليم و ده ستر من ربنه اولا و اخرا.ما عدا بعض الكسور و الحمد لله.
العربيه بعد 100 مفيهاش ريحه الثبات,تحت ال 100 زي الفل,و بالنسبه للعضو اللي قال انه سمع انها مفيهاش ثبات بعد 130 انا بقوله الكلام ده غلط خالص و عن تجربه شخصيه و الله .و عيب تاني و هو ان الفرامل بتاعتها ولا ليها لازمه,فرامل العجله اقوي منها,ال abs بيشتغل نفسه مش بيشتغل مع الفرامل.دي تعتبر عربيه من غير فرامل.
اولا انا عندي 21 سنه و السواقه هوايتي وبسوق من سن 13 سنه,و واخد دروس سواقه احترافيه في المانيا في حلبه هايزنبرغ الدوليه و كنت بتدرب في الاوتو كروس في مارينا تحت اشراف عمرو ماجايفر.يعني الحمد لله سواق محترف
اللي حصل بقي اني كنت ماشي بيها علي 190 في الدائري و كنت بتجاوز عربيه من علي اقصي اليمين و فجاه لقيت حفره,و الله حفري.خدتها و العربيه الحمد لله ماتقلبتش عشان الحمد لله عرفت اسيطر عليها شويه و خبطت في الرصيف من علي النحيتين و بعد ما نزلت شفت منظر خرافي, مالقيتش عجل في العربيه,العربيه واقفه علي الموتور و الشنطه من ورا.
العجل دورت عليه في الطريق لحد مالقيته علي بعد 200 متر من اخر مكان وقفت فيه العربيه,و الجنوط مش مكسره لا دي مفرومه عشان تتشكل من تاني.و تانك البنزين اتخرم و مش عارف ازاي مع ان مكانه في منتصف العربيه بالظبط مش وره.و الفتيس اتكسر و كومبريسور التكييف طار و حاجات تانيه كتير......
العربيه شاريها ب 110 الف و بعتها ب 30 الف مع انها ماتقلبتش.
كانو عايزين في التوكيل 100 الف تصليح,اقولهم ايه و النبي دول
العربيه كل الابواب بتاعتها من جوه اتفككت من بعض(ديكور الباب)يعني بقي صاج بس.
من الاخر عشان طولت جدا , دي عاااااااااااار علي شركه هوندا,عربيه معدومه الثبات و الامان و معظم حوادث شركه هوندا مصر بسبب السيتي.
ارجو كا من عنده العربيه دي مايجريش بيها عشان مش عربيه جري خالص,,
طبعا كل من هيقرا ده هيسالني طيب انت كنت بتجري ليه و انت مش عارف انها كلها عيوب كده؟؟؟
عشان انا اخويا دخل المستشفي و تعب و كان لازم ارحله بسرعه اطمن عليه,و بدل ماروحله بسرعه روحتله نمت علي السرير اللي جنبه و والدي جه اطمن علينا احنا الاتنين.
السواقه مالهاش كبير,و مهما كنت خبير و محترف ومهما كانت عربيتك ممكن يحصلك حاجه و ربنا يستر طريق الجميع, حتي شوماخار نفسه بيعمل حوادث عاديه مش في الفورميلا.
ممكن حد يساعدنى من فضلكم...... قدامى هوندا سيتى 2009 و توليدو 2008و التياxl ف2008 اجيب مين فيهم؟all Zero بس ردو بسرعه من فضلكم و شكرا
بصراحه انا رايي التوليدو او الالتيا بس نصيحه من اخوك ابعد عن السيتي خااااااااااالص ولا تفكر فيها خاااالص.عن تجربه و الله.
thank u 4 the advice but ezay de honda w leha tarekh 3areek ezay y7sal kda
الى الاستاذ
nightmare_9595 http://www.nilemotors.net/Nile/nile/...er_offline.gif
انا مش عارف اقول لحضرتك اية والله انت كده مخلينى ابعد عن السيتى خالص انا بصراحة روحت شفتها وخصوصا بعد ماسعرها نزل وبقى 114 الف شكلها جامد جدا جدا ومن جوه برده شكلها وهمى وفى نفس الوقت الموتور جامد بجد كنت بفكر فيها خصوصا ان السيراتو الجديدة فيها مشاكل وتأخير فى التسليم وانا بصراحه مستعجل على العربيه فكدة انت لخبطتنى ماجايز ياباشا السرة اللى انت كنت ماشى بيها دى هى اللى عملت كدة 180 كيلو دى مش شوية
ارجو ياجماعة النصيحه انا محتار بجد
يا جماعة الموضوع ده هنا عن الستى الشكل القديم مش الجديدة واللى اتكلموا هنا اتكلموا عن الموديل القديم والجديد اللى نزل فى السوق مفيش وجه مقارنة بينه وبين القديم ,, وفى حاجة عاوز اقول عليها وهى ان كل عربيات الهوندا الجديدة سواء السيفك او السيتى الجديدة من 2006 وانت طالع محدش بيفهم فيهم من المكيانيكا اللى بره ولازم تتصلح فى التوكيل واللى بيصلح بره عربيته بتتغربل ومش بترجع زى الاول لان العربيات دى التكنولوجيا اللى فيهم متطورة ,, وبعدين دى عربيات بتاعت توكيل وصرف بس حترتاح فى الاخر لانك بتصلح صح وبتاحفظ على العربية مع ان ضدد جشع التوكيل ومصاريفه بس بتضمن العربية بتطلع مظبوطة من تحت ايدهم وخوصا العربيات الحديثة والتوكيلات المحترمة
كنت محتاج اعرف هي العربيه تجميع ياباني و لا ايه بالظبط؟؟
السيتى تجميع تايلاند مش اليابان، السيفك هى اللى تجميع اليابان
محدش يا جماعة قدامة سيتى 1500 موديل 2006 مثلا معروضة للبيع
و تفتكرو العربية دى مستعملة المفروض تعمل كام لو حالتها كويسة
تعملها من 65 الف الى 70 الف عشان 1500سى سى
وعربية ممتازة بس قطع غيارها غالية عشان تكون عارف ولازم تتعامل مع التوكيل
ولو حتقدر عليها يبقا حتاخد عربية ممتازة وبالتوفيق
تشكر يا باشا على المعلمة و هى صح جدان ان شاء اللة لان فعلن سألت كذا حد و كلة بيقول فى ال range ده
تب تفتكر القى فين انا دورت كتير فلى النت مش لقى الا قليل اوى