اقتباس المشاركة الأصلية كتبت بواسطة amir مشاهدة المشاركة
و الله ربنا معاك القرار و التنفيذ بيكون اصعب ما يكون
بس دي نصايح عامه ممكن تساعدك:
اوعي تفكر ان العربيه لو مشترتهاش بسرعه هتروح منك لسببين الاول لو نصيبك هتلاقيها واقفه تحت بيتك و صاحبها بيترجاك تنزل تاخدها ثانيا التسرع في شراء المستعمل ممكن يخليك تقلل الحذر و تندفع في الشرا علشان تخلص من اللف و الدوران
خلي حد من اصحابك الفاهمين في العربيتين يراجعلك عليها و طبعا الفحص في التوكيل و بنزينه كمان
البونتو عربيه اعتماديتها عاليه جدا جدا و ادائها مش ضعيف, و مش معني الكلام ده العكس بالنسبه للجيتز بس الواقع بيقول ان الفيات بونتو بعد مرور سنين عليها بتفضل حلوه(طبعا التصيين و الاهتمام بالعربيه بيفرق)
العربيه اللي فيهم دهانها مجرب و بايظ و صاحبها يقولك اصلي سايبها علشان دهان الفابريقه سيبك منه و من عربيته
لو هو نضيف مش هيستخسر يدفع تمن الرش و مش هيبص ان سعر العربيه يفرق الف اتنين تلاته
و لو هو نضيف اساسا و بالتبعيه هيهتم بصيانه العربيه بصفه دوريه و ده بيحافظ علي اي عربيه اطول فتره ممكنه حتي لو توكتوك
شوف طيب العربيه انت عايزها ليه؟
كام فرد هيركبو باستمرار
لأن ده هيفرق من كفه البونتو لكفه الجيتز لو عدد كبير هيركب باستمرار سحب البونتو ممكن مبيسطكش زي ما تكون لوحدك او مع حد تاني خاصه الاوزان التقيله
و لو راجعت في قسم البونتو هتلاقي تقييمات محترفه لملاكها و علي رأسهم طبعا توت عنخ امون
ربنا يوفقك و يكرمك
أنا مع حضرتك معادا في السحب لإنه بيتكلم على الجيتز ال١١٠٠ مش ال١٦٠٠!!!