الموضوع: سعر البيكانتو

المشاركة الأصلية كتبت بواسطة oilman

السلام عليكم ورحمة الله وبركاته
بالنسبه للتقسيط ممكن حضرتك تقسط مع بنك ناصر الاجتماعى ينظام الوديعه وده افضل وحتعرف ليه بعد الشرح
كالاتى بتدفع مقدم 15% من قيمة العربيه وبعد كده المتبقى من ثمن العربيه بارباحه بتقسطه بس لازم تحط نص المتبقى عليك بارباحه كوديعه طول فترة القسط
الوديعه ليها ارباح تتراوح ما بين 8-10% وممكن تسحب ارباح الوديعه كل سنه
بعد ما تخلص المده حتلاقى البنك اخد منك فايده حوالى 7% وانت اخدت ارباح متوسط 9% يعنى بكده حتبقى انت كسبان او ارباح الوديعه تساوى او اكبر من ارباح البنك وبالتالى العربيه حتبقى واقفه عليك بسعر كاشها وبكده فى اعادة البيع مش حتخسر كتير
مثال العربيه مثلا 50 الف وحتقسط على 84 شهر (سبع سنين)
50000*15%= 7500
الباقى 42500*1.42=60350 الباقى بارباحه (0.42 دول فايده 6% لمده سبع سنوات)
الوديعه 60350/2=30175 نصف المتبقى بارباحه
ميزة الوديعه ان العربيه بتقف عليك بسعر الكاش ويمكن ااقل بعد ارباح الوديعه وعلى فكره هى اسلاميه يعنى تعاملات البنك اسلاميه وبيديك دفتر الوديعه مكتوب عليه كده
العيب وده زى اى بنك فيه حظر بيع وكمان كل مرة مع تجديد الرخصه بتاخد جواب من البنك للمرور
انا جربت النظام ده مرتين قبل كده ومن كتر اعجابى بالبنك نظرا لانه اسلامى سيبت الوديعه عندهم لحد دلوقتى ممكن حضرتك تتوجه لاقرب فرع وتسال بنفسك وياريت تروح فرع الحى السابع بجد محترمين جدا او فرع المهندسين
وفى اى وقت حبيت تخلص العربيه كاش معاهم ممكن وفى الحاله ديه بيتشال من عليك جزء من ارباح المده المتبقيه بس ده لازم يبقى قبل ما تدخل فى السنه الجديده للقسط بمعنى لو انت بدات فى 1/3/2010 لازم تكيش قبل التاريخ ده لانك لو دخلت يوم فى السنه الجديده حتتحسب عليك سنه بارباحها
ارجو انى اكون افدتك

شكرا علي الافاده وعلش اني حطلب طلب رخم شويه


ممكن تعملي الحسبه دي علي البكانتو و عايز اقسط علي 3 سنين ممكن تحسبهالي


معلش حطول عليك