المساعدة العاجلة جداَ من أهل إسكندرية

**MoToRiZeR** · 27-03-2010 11:51 PM

البقاء لله وحده .. و انا راجع من الشغل الساعة 10 يا جماعة جالي رسالة من أحد الأصدقاء بحالة وفاة .. و سبحان الله كنت قلبي مقبوض طول الطريق قبل ما تجيلي الرسالة حاسس فيه حاجة هتحصل .. و لذلك مسافرين للدفن في إسكندرية .. و للأسف انا منمتش كويس من إمبارح و كنت بنام علي نفسي و انا جي .. فا أكيد هحتاج للنوم فا يا ريت اللي من أهل إسكندرية يعرف فندق بس يكون رخيص شوية مش مهم المستوي المهم يكون أمان عشان انا عايز أنام شوية و خلاص و كنت بفكر أنام في العربية أصلاَ.

معلش انا أسف في حاجة تانية .. انا هنزل أسافر دلوقت فا يا ريت اللي يعرف يبعتلي في رسالة علي الرقم ده 0140762242 لأن مش هشوف الموضوع.

لا حول ولا قوة إلا بالله.

**romeo_6887** · 27-03-2010 11:56 PM

انا لله و انا اليه راجعون

**بحري** · 28-03-2010 12:09 AM

لله ما أخذ وله ما أعطى وكل شئ عنده بأجل مسمى فلتصبر ولتحتسب

عندك فنادق مكة وقاعود على البحر في سبورتنج والابراهيمية
فندق المدينة المنورة سيدي جابر قرب محطة سيدي جابر بجوار محطة الترام
فندق كوراي سرت المندرة على البحر
وفي مجموعة أوتيلات على قد حالها في الأزاريطة والمنشية ومحطة الرمل ممكن تلاقيها بسهولة على البحر وبجوار الجندي المجهول
لو حتكون قريب من مكان تاني قولي وإن شاء الله أفيدك
توصل بالسلامة

**PRO-DRIVE** · 28-03-2010 01:04 AM

لا حول ولا قوه الا بالله
, ياريت يا جماعه حتي اللي يعرف يكتب هنا بس و انا علي اتصال بموتو كل شويه

**بحري** · 28-03-2010 03:09 AM

أنا آسف ما أخدتش بالي إن محمود قال نبعتله على رقمه وإنه مش حيشوف الموضوع إلا دلوقتي فياريت يا أستاذ pro drive تبلغه اللي في مشاركتي اللي فاتت وتطمنا عليه طالما بتتصل بيه

**PRO-DRIVE** · 28-03-2010 03:13 AM

المشاركة الأصلية كتبت بواسطة ba7ary

أنا آسف ما أخدتش بالي إن محمود قال نبعتله على رقمه وإنه مش حيشوف الموضوع إلا دلوقتي فياريت يا أستاذ pro drive تبلغه اللي في مشاركتي اللي فاتت وتطمنا عليه طالما بتتصل بيه

ربنا يخليك , قلتله علي اللي في مشاركتك :)

**romeo_6887** · 28-03-2010 03:27 AM

المشاركة الأصلية كتبت بواسطة pro-drive

لا حول ولا قوه الا بالله
, ياريت يا جماعه حتي اللي يعرف يكتب هنا بس و انا علي اتصال بموتو كل شويه

يا ريت تطمنا عليه يا برو

**PRO-DRIVE** · 28-03-2010 04:38 AM

وصل الحمد لله , و حيبات في فندق اسمه فندق درويش جنب فندق مكه

**MoToRiZeR** · 29-03-2010 03:15 AM

الحمد لله انا رحت و رجعت و كان ربنا مسهلها
أول ما طلعت عالكورنيش لقيت فندق مكة وقفت سألت فيه كانت الليلة ب 200 جنيه كانت غالية بالنسبة لي
فسألت اللي في الريسبشن علي طلبي و ساعدوني بصراجة كتر خيرهم
و قالولي علي مجموعة فنادق منهم درويش اللي جنبهم علي طول ..

أسعاره 60 70 80 90 حسب الأوضة عشان لو حد إتحط في موقف عايز فندق رخيص يبقي عارف.
و ركنت في الباركنج الناحية التانية و طلعت نمت حتي الصباح لحد قبل صلاة الظهر لصلاة الجنازة و مراسم الدفن و العزاء

جزاكم الله خيراَ جميعاَ و شكراَ لأحمد ياقوت علي رسالته اللي بعتهالي.
و البقاء لله وحده.