اكسسورارت السيارت بمدينة المنصورة

**wael6** · 28-03-2010 01:01 AM

السلام عليكم ورحمة الله
انا اخوك فى الله وائل لسه شارى 128 من حوالى شهر ولله الحمد ولاحظت كل الكلام ع الاكسسوارات من التوفيقية مثلا كله من القاهره فهل نساعد بعض من شباب المنصورة ونقدم لبعض المساعده فى تحديد الاماكن والاسعار وفى انتظار مشاركة شباب المنصورة وكل اللى عاوز يفيدنا باتذن الله

**AMRSPEED** · 29-03-2010 08:44 PM

عندك فى المنصوره شارع سور المحطه كل بتوع الأكسسوارات الجمله واسعارهعم حلوه

**wael6** · 30-03-2010 01:15 AM

تسلم يغالى
لو عندك فكره عن بعض الترويشات
مثلا الكساحه والاسبلر والمسند اللى بين الكرسين وفوانيس الشبورة
من حيث الانواع والاسعار واروح لمين بالظبط يبقي كتر خيركم

**AMRSPEED** · 30-03-2010 03:00 AM

لو عايز شغل فايبر فى واحد اسمه قاسم لما تنوى قولى وهظبطك معاه

**magyver** · 30-03-2010 04:56 AM

عندك الحاج احمد الجزاار في الحسينية

**wael6** · 30-03-2010 02:00 PM

تسلموا يا اجدع شباب
انا عندى مشكلة فى mp3 الولاعه بيشتغل والعربية واقفه ولما تدور او مع اى مطب يفصل الكهربائي بيقولى ان كهربة العربية عاليه ومش هيظبط معاك هات mp4 بس وحش فى شحنه وكمان اشتغلت ع الموبايل بس برده مش مريحنى واخيرا واحد بتاع تصليح كاسيتات بيقولى فى جهاز كده ب 60 ج بيحول الكاسيت العادى لفلاشه وهو بريموت ويغنى عن mp3 الولاعه حد جربه يجماعه وكمان هل عندكوا فكره تنك 128 كام لتر واستهلاكها الطبيعي ايه حيث انها 1100 سي سي
معلش طولت عليكم

**magyver** · 30-03-2010 06:28 PM

دة جهااز ياباشا بيكون شكل الكاسيت بالظبط
بي بيشتغل علي فلاشة وكارت ميموري
وفية راديو وفية منو dvd كمان

**wael6** · 31-03-2010 12:41 AM

المشاركة الأصلية كتبت بواسطة magyver

دة جهااز ياباشا بيكون شكل الكاسيت بالظبط
بي بيشتغل علي فلاشة وكارت ميموري
وفية راديو وفية منو dvd كمان

بس هو يقولى بياخد كهربته من الكاسيت العادى للسياره ويشغل فلاشه وميمورى
وممكن تقولى الجهاز اللى بتقول عليه بكام وفين ولكم جزيل الشكر
وهل مشكلة mp3 الولاعه لها حل وشكرا

**wael6** · 01-04-2010 11:33 PM

السلام عليكم
الان بقا بيشتغل ويفصل وبقا بيشتغل فتره اطول مش عارف هيظبط ولا لآ
لان الراديو مكنشي شغال وصلته واشتغل
والكهربائي فعلا كان موصله على موجب البطارية مباشرة
فيه واحد قالى تركب كابت شوشرة حد سمع عنه او من عند مين وبيركب ازاى والمشكله هتنتهى
وانا باذن الله امام 3 خيارات
1- يارب ام بي ثري الولاعه يظبط ويبقي كفاية عليا مصاريف وتضييع وقت وازعاج ليكم .
2- هل اركب الكونفريت للكاسيت اللى بيزود امكانية التعامل بفلاشه وميمورى مباشرة ع الكاسيت دون الولاعه تكلفته 60 ج ( هل صوته هيبقي نقي واضح )
3- ام ابيع الكاسيت بتاعى حاليا واجيب راديو اف ام ابو فلاشه وميمورى مباشرة وتقريبا ب 90 ج ( هل صوته هيبقي نقى وواضح )
الاهم بخلاف التكلفه ما هو العملى اخوانى واللى يديى كفاءة احسن واعلى على المدى الطويل وهل ما الافضل 2 ام 3 ارجو الرد على كل جزئية اخوانى وانا متابع
واسف بجد للاطاله وشكرا جزيلا لاهتمامكم

**wael6** · 03-04-2010 05:58 PM

السلام عليكم
للاسف mp3الولاعه مش ظابط معايا وبفكر ابيع الكاسيت اللى عندى واجيب كاسيت فلاشه علطول
معروض عليا راديو fm جديد بفلاشه وميمورى ب 85 ج وتانى كاسيت جديد اسمه gm او فيه gm مش متاكد بفلاشه وميمورى ب 125 ج 1000 وات وبريموت وهل كل كاسيت فلاشه فيه محطات الراديو ام مش شرط يكون فيه راديو
وهل يوجد انواع اخرى ما هى وما اسعارها
بس كله صيني ؟؟؟؟؟؟ فيه غيره
ولكم جزيل الشكر ومتابع ومستنى ردودكم القيمه