أنا أعرف واحد من زمايل الدراسة تزوج واحدة انجليزية فى انجلترا ونزل بيها مصر عشان يعرفها بينا ونتعرف عليها
عزمتهم على العشاء وجلسنا نتسامر .... صاحبى حب يوريها انه دكر مصرى (ايجبشيان مان هيى هيى هيى) قام هو فتح موضوع ذكرياتنا ومغامراتنا اللى كنا بنعملها قبل الزواج زى معظم الشباب (مع اضافة بعض التحابيش اللازمة طبعاً)
الست قعدت تسمع تسمع وهو يحكى ويحكى ,,, وبعدين قالت لنا :
أنا كمان كان عندى مغامرات حلوة عملتها قبل الزواج !!!! صاحبى جاب 100 لون وحاول يفهمها اننا رجالة ممكن نحكى والراجل مايعيبهوش ... والكلام بتاعنا ... قالت ايه يعنى ؟ أنا كمان من حقى احكى مغامراتى زى ما انتم قلتوا مغامراتكم
كرسي فى الكلوب والقعدة اتقفلت قبل ما هى تفتح بقها وتبقى فضيحة بجلاجل !!!!!
وللعلم الست دى بعد 5 سنين من الزواج تحولت الى شوال بطاطس انجليزى محترم ...
المفضلات