والدى حيشترى سيارة ماتريكس لو فى اى نصائح ياريت اسمعها ولو فى تجار محترمين ممكن اشترى منهم ياريت اعرف مين هما علشان احنا اتخمينا قبل كده وايه المفروض اعمله علشان اجيب حاجه كويسه
شكرا لكم
عرض للطباعة
والدى حيشترى سيارة ماتريكس لو فى اى نصائح ياريت اسمعها ولو فى تجار محترمين ممكن اشترى منهم ياريت اعرف مين هما علشان احنا اتخمينا قبل كده وايه المفروض اعمله علشان اجيب حاجه كويسه
شكرا لكم
بص يا باشا
متعولش نجاحك فى شراء العربية على التاجر المضمون ، لان كلهم اسوأ من بعض
ان هقولك نصيحة اتعلمتها بعد 3 مرات شراء من بورسعيد واتحرق فيهم دمى مش عاوز اقولك اد ايه .
طول ما فلوسك فى جيبك انت ملك الموقف تقلب براحتك فى العربيات وتفاصل براحتك وتسيب ده وتروح لده لكن اول ما دفعت عربون بقى هو اللى ماسكك ، اتعامل معاهم كلهم على انهم حرامية ولازم تأمن نفسك كويس وماتصدقش كلامهم المعسول اللى كله دين وادب واخلاق ، بشكل اخر :
1- اتفرج كويس اوى ولو العربية واقفة فى مكان مظلم سيبك منها وقولله كده "انا مش عارف احكم على العربية الدنيا ظلمة ياما هو يخرجهالك فى النور لو عاوز يبيع يا اما سيبك منه ومنها
2- ماتتعبش وماتزهقش بسرعة لان هاتدفع فلوس مش قليلة
3- ماتتخليش اعجابك بعربية معينة يبان فى كلامك او نظراتك لان ساعتها هو هيتحكم اكتر وطول ما انت زاهد فى البيعة هتعرف تعمل بيعة كويسة.
4- اشترى عربية حالتها نظيفة جدا جدا لانها لسه هتقعد معاك 5 سنين وماتخدش عربية ناقصة حاجات مهمة ويقوللك هاضبطهالك وانت بتستلم ده كلاك كذب * كذب وهيطلع عينك وانت بتستلم
اخيرا السعر هيتراوح من 36 - 40 حسب الحالة ، انت طبعا هتسمع 45 وحاجات كده واصل الشحن غلى والجمارك واليورو والدولار ارتفعوا وكلامهم ملوش اول من اخر
اهم نصيحة خللى بالك من السماسرة وابعد عنهم ولو اضطريت انك تبات فى فندق عشان تدور تانى او حتى تسافر بعد شهر ولا حاجة يكون فى شغل جديد وصل مش مشكلة
وربنا يصلحلك الحال
أخى esabdc
شكرا جزيل لك
كلامك مظبوط عن التجار انا والدى فى العربية اللى فاتته غشوه بس السؤال هى الماتريكس بياجى معاها جميع الكماليات كأنى بشتريها من المعرض زيرو ؟
والعربية بعد ما تعجبنى واتفق عليه وادفع العربون ايه اللى يضملى انهم ما يلعبوش فيها او ياخدوا حاجه منها ؟
وهل لو فى معرفة موظف فى جمارك بورسعيد أو واحد من بورسعيد ممكن يعمل معايا خدمة
للاسف موضوع عربيات بورسعيد ده هتقابل فيه اسواء انواع البشر انا شخصيا بأكتئب لما افتكر المشوار ده
اوعي تامن لاي حد حتي اللي بتبقي واخده معاك سمكري او ميكانيكي بيحاولوا يظبطوهم من تحت لتحت
ابعد نهائيا عن السماسره و المستخلصين
در كويس وكسر كتير في السعر كون متأكد انه كسبان منك مش اقل من 10 الي 15 الف في العربيه
اتأكد كويس ان الموديل اللي هتجيبه منتشر في مصر علشان قطع الغيار
اتأكد ان العربيه مش هتبقي شكلها مميز علشان ممكن تسوقها انت مكان الوالد فالمرور ميوقفكش كل كمين (زي النوبيرا ون)
سجل كل حاجه في العربيه نوع الكاسيت الاصلي الجنوط الكاوتش الطاسات ممكن احسن تصور العربيه بالتفصيل
اي حاجه ناقصة لازم يجيبها ليك من اي عربيه واقفه
لازم يظبط ليك التكيف واي حاجه كهرباء او ميكانيكا واحجز الف او الفين معاك قولوا انك هتديهم للراجل بتاعه عند بتاع التكييف لانك متضمنش ممكن تلاقي حاجات تانيه وانت سايق
خد معاك نمر تجاريه و لو ممكن الوالد في الاستلام علشان غلاسات المرور
لو افتكرت حاجه تانيه هاكتبها
مشوار طيييييييييييييييييييييييي ييييين وملوش أي لازمة وكله خسارة وقرف رغم ان ظاهرة مكسب ، يا ريت ترجع عن الفكرة كلها ، دي نصيحة من واحد مر بالمشوار كله من اوله لحد اخره !
هو مجمله مش وحش لو انت بتجيب العربيه لنفسك وا والدك زي زميلنا كده لكن غير كده انسى
هي المشكله بس في الاشكال اللي بتطر تتعامل معاها
يعني لو ليك حد بره يشتري ليك العربيه ويكشف عليها هناك ويشحنها ممكن توفر مش اقل من 40% من تمن العربيه هنا او اكتر دول مكسب الباشا التاجر
وفيه مكاتب بره ممكن تشتري العربيه منها علي النت وبكشفوا علها عند مكتب معتمد هناك وبيبعتو ليك التقرير لكن موضوع يقلق لو ليك حد بره يبقي الموضوع ده في الجون
لان فعلا العربيات بتكون حالتها كويسه
شكرا لك يا أخى على النصائح وبالفعل انا فى العربية اللى فاتت لما روحنا نجيبها انا ووالدى افتكرنى التاجر صنايعى جاى مع المعاق وحاول يظبطنى انا قلقان بالفعل من التجار ولكن الله المستعان عليهم وعلى امثالهم بس يا ريت ترد على فى الاسئلة التى سألتها لأخوناesabdc
[QUOTE=qenacity;3872500473]أخى esabdc
هى الماتريكس بياجى معاها جميع الكماليات كأنى بشتريها من المعرض زيرو ؟
انت بتشتري عربيه مستعمله يعني دور علي العربيه اللي تعجبك حالتها وكماليتها وتكون شغاله انما طبعا مش بتبقي بكماليات المعرض في مصر لاختلاف المواصفات لان العربيات اللي انت بتشتريها بتكون للسوق الاروبي يعني مواصفات وكماليات اوروبا
لكن غالبا كل الكماليات المتاحه في سنه موديل العربيه بتكون موجوده
يعني بي ام بتنزل من غير تكييف وبفتحة سقف لكن في مصر التكييف اساسي
والعربية بعد ما تعجبنى واتفق عليه وادفع العربون ايه اللى يضملى انهم ما يلعبوش فيها او ياخدوا حاجه منها ؟
انت بتكتب عقد ابتدائي بالعربون سجل فيه كل حاجه عن العربيه بالرقم المسلسل لو تعرف
ولنفسك ممكن تصور العربيه حته حته يعني حاله الكاوتش -الجنوط - الكاسيت - الكشافات كريستال ولا عاده -الدواسات - الكوريك- الاستبن - ساعات بيكون فيه شنطة عده
واساسي البطاريه تكون كويسه
وطبعا مبتخلصش معاه غير لما بتتأكد ان كل حاجه زي ما هي
وبعدين هو بيبعتك لواحد بتاع تكييف يظبطه ليك (علي حسابه) تبقي مبلغ علشان لو ظهر في العربيه حاجه وانت سايق تظبطها علي حسابه برضه
وهل لو فى معرفة موظف فى جمارك بورسعيد أو واحد من بورسعيد ممكن يعمل معايا خدمة
ان بعض الظن اثم
انا اول حاجه قولت ليك متثقش في حد في المشوار ده
غالبا لو مش قريبك اوي هيعمل شغل عليك اما الموظفين بتوع الجمرك فأنت ملكش دعوه بيهم لان صاحب المعرض هو المسئول عن تخليص اجراءات العربيه كامله
هو هيحتاج والدك يوم علشان يمضي علي ورق في الجمرك و يبقي المستخلص بتاع المعرض معاك ولو حسيت انه عايز يشتغلك تكلم المعرض الا لو انت وجبت معاه
انا بقي ليا سؤال
انت بتسوق عربيه والدك بنفسك من غير مشاكل في اللجان ؟
انا جبت عربيه باسم والدي لكن كنت خايف جدا لغايه مفكيت حظرها ودفعت 10000 جنيه علشان اكون مطمئن خصوصا و انا باسافر كتير
ممنوع استخدام اللون الاحمر في المداخلات او التوقيع حيث إنه مخصص فقط للمداخلات الادارية من قبل الاشراف والإدارة
تم تغيير اللون
23/4/2010
11:03 pm
مشرف 12 ب
معلش انا نسيت و كتبت بالاحمر بس مش عارف اعدل:khd:
السلام عليكم
اختبار الماتريكس فعليا
انا النهاردة جبت عربية ماتريكس 2007 بتاعة واحد صاحبى وخليت والدى جربها وساقها وكان انطباعه الايجابى انها شيك وواسعة جدا وثابتة على الطريق واما ملاحظاته انا العربية واطية جدا وقريبه من الارض وشنطة العربية صغيره نسبيا
ارجو الافادة عن موضوع انخفاض الماتريكس وقربها من الارض
خد بالك الاسعار المفروض تكون نازله من بعد قرار الغاء فك الحظر قبل مرور 3 سنين
هما عندهم مخزون و المفروض عايزين يصرفوه لان القرار ده جه فجأه
يا ريت تقولنا اخر الاسعار و الموديلات هناك بعد اول زياره
و بالتوفيق ان شاء الله
انا سمعت ان فك الحظر بالمجان بقى بعد 3 سنين مش 5 اية صحة الموضوع ده
وهل رجع موضوع فك الحظر ب10000 الاف تانى فى اى وقت قبل 3 سنين
السلام عليكم و رحمة الله
عايزة اسئلك هو انت رحت المنطقة الحرة اللى فى مدينة نصر ده فيها عربيات استعمال اليابان ( استعمال غاية الرقى و النظافة ) بفضل الله تعالى زوجى لسه شارى عربية من هناك تويوتا 1998 كرولا و ما شاء الله عليها بسعر 35 الف و دفعنا جمارك 10 الاف بس عربية ما شاء الله تستاهل على فكرة هما عندهم نيسان و كمان سوزوكى غير ان التعامل معاهم بعد البيع جيد جدااااااااااااااااا على فكرة هما عندهم عربية تويوتا شبه الماتريكس و احلى بس مش افانزا
مشكلة ان العربية واطية اى عربية استعمال الخارج هتلاقى المشكلة ده و الحمد لله احنا حلينها بفضل نصائح اخواتنا فى المنتى المحترم جزاهم الله خير ربنا يوفقك
السلام عليكم و رحمة الله
ايوا العربية ده معاقين و لانها موديل 1998 فقيمة الجمارك ده بعد الخصم المقرر للمعاقين و خصم نسبة الاستعمال تقريبا كانت الجمارك 5000 الاف + 3000 ضريبة مبيعات + 2000 اعتقد كانت رسم تنمية للاسف انا مش فاكرة بالضبط تقسيمها بس كل مبلغ كان طالع له وصل لوحده و خلى بالك ان كان الموديل قديم كل ما كانت الضريبة اقل لانك بتتحاسب على سعر المصنع سنة انتاج السيارة و بيفرق جدا لان الين ايامها كان سعره منخفض جدااااااااااااااااااااا
ع العموم هناك فى الشركة ده بيقولوا كل سعر لوحده يعنى العربية بكذا و الجمارك كذا و بصراحة ما شاء الله فى امانة التعامل
العنوان المنطقة الحرة بمدينة نصر شركة فوجى للسيارات هى بتفتح كل يوم تقريبا المدير المسئول بيكون موجود من الساعة 10 ص اسمه ا/ طارق سعيد و هو انسان محترم جداااااااااااا
الخطوات تقريبا بتاخد فترة طويلة لو ده اول مرة بتعمل فيها كشف طبى لانك مش هتعرف تعمل اى حاجة الا بعد نتيجة الكشف ما تظهر و يبقى معاك صورة منها علشان تقدر تشترى اولا ثم تدفع الجمارك ثانيا ثم تخرج بالعربية من المنطقة الحرة ان شاء الله و تروح تعملها رخصة خاصة تقريبا من ساعة ما اخذنا القومسيون بالموافقة الى ترخيص العربية بفضل الله تعالى حوالى 7 شهور
لانك عقبال ما بتدور ع العربية اللى القومسيون بيلزمك بمواصفاتها بتاخد وقت لو انت هتروح المناطق الحرة علشان تتفرج
اما فى مدينة نصر فانت بتوفر كتير لان العربيات هناك ميزتها انها استعمال اليابان وده اكبر ميزة لانك بتبقى ضامن انها مش سيارات حوادث زى اللى فى بورسعيد بيجبوها على انها قطع غيار و يجوا يصلوحها و يرشوها و يغيروا عدادها
لكن مثلا فى عربية جوزى احنا لاقنا الاستبن بحالته متحطش على الارض و العربية رغم انها موديل 1998 الا انها عاملة 50 الف كم فقط
المشكلتين الاساستين هناك
1- الدركسيون يمين
وده شركة فوجى بعد ما تدفع تمن العربية بتغيرلك التابلوه و تركب تابلوه دركسييون شمال و كل مايلزم من تغيير بتعمله بالكامل و بنظافة لان فيه يابانين بيجوا يتابعوا الموضوع ده بصفة مستمرة
2- العربية واطية لان اليابان مفيش فيها مطبات
و ده الحمد لله حلينها بس على حسابنا و الحمد لله مكلفتش كتير
ارجو انى اكون رديت على استفسارك بكل امانة واذا فى اى سؤال تانى تحت امرك
نسيت اقولك العربية لما اخترناها التابلوه اليمين الاصلى كان فيه 2 ايرباج فلما سالته هلى التابلوه الشمال هيبقى فيه 2 ايرباج قالى انى موديل 1998 اللى نزل مصر فيه ايرباج واحدة و بالتالى العربية هيبقى فيها واحدة بس
المهم لما روحنا تانى علشان نشوف العربية اثناء فترة تحويل الدركسيون و الفينشينج النهائى لاقيته جاب تابلوه شمال فيه 2 ايرباج حتى هو اللى لفت نظرى و قالى انه دور على تابلوه لموديل احدث فيه 2 ايرباج علشان طلبى
بصراحة احنا دخلنا الورشة و شفت معظم عربيات المباعة و هى بتتحول من يمين الى شمال و كان معايا والدى و هو مهندس سيارات و كان مرتاح جدااااااااالشغلهم و متابعه و معلقش على حاجة فى شغلهم عكس فى بورسعيد ما سابش حاجة الا ما علق عليها لدرجة ان التجار كانوا بيخافوا يورولوا اى عربية لانه كان بيعرف هل العربية ده حوادث و لا مجرد عربية مستعملة لفترة معينة