قدر الله وماشاء فعل .
وتأكد كل ماتلاقى نفسك مخنوق يبقى حتنفرج قريب.
قدر الله وماشاء فعل .
وتأكد كل ماتلاقى نفسك مخنوق يبقى حتنفرج قريب.
الحمد لله على كل شئ
وربنا يكرم وأنزل أشترى مرايا واحاول أظبط فيها واحدة واحدة
واضح ان في موجة حسد في المنتدى :shyy: احنا لازم ندبح على باب الاوبل بره
الحمد لله انها في الحديد و بعيد عن حاجات تانية كتير و الله انا كان عندي المرايتين بس كهربا عادي مش ضم بس لسه بايعهم من اسبوع و كانوا بتوع 2003 يعني الاكبر كمان حظك معلش
بس هشوفلك انا ممكن الاقي مريات العربية القديمة بس دول مانيوال مش كهربا خالص لو محتاجهم ادورلك عليهم
ربنا يخليك يا احمد باشا فعلا الاوبل كلها محسودة
وأن الحمد لله نزلت وجربت أشوف الكهربا بالافو وضبط الموتور وأشتغلت تانى تمام بس فى حتة اتكسرت فى الشاسيه بتاع المرايا
والكفر طبعا مش موجود بس الحمد لله ان المرايا اشتغلت
وعلى فكرة وانا تحت من شوية لقيت والد الواد اللى خبط العربية جالى وبيقولى أنا مستنيك تتصل أو تيجى زى ما كنا كتفقين بس انت ما جيتش فانا قلت أجيلك ولما قلتله أنى صلحت المرايا قالى بس بردة اللى انت عاوزة انا تحت امرك قلتله الحمد لله على كل شئ وربنا سترها وقالى لو عايز حد يعملك الدهان اللى باظ قلتله لا مش مشكلة انا هبقى أدخلها سمكرة ودوكو راح قالى العربية مفيهاش سمكرة بس الدوكو هو اللى اتخربش ممكن تعمله ببولش وبالصاروخ وهيتظبط معاك قلتله فعلا دة اللى أنا كنت هعمله بس كنت مكسل بس دلوقتى لازم أعمله كان بيدنى 60 جنيه عشان أجيب علبة بولش بس أنا مردتش وحلفت وهو عمال يتحايل عليا بس أنا قلت جت بسيطة والحمد لله
وبكرة إن شاء الله هنزل اجيب البطاحات (ياريت اللى يعرف أحسن نوع يقولى عليه وسعره تقريبا كام وفلتر البنزين كمان عايز واحد يكون نوعه نضيف وياريت سعره )
معلش أنا وجعت دماغكو بس أنا حبيت أعرفكم أخر التطورات
وعلى فكرة انا عمرى ما كنت أفتكر إن فى ناس لسة بالطيبة والاخلاق والمحبة دى والله الراجل فى منتهى الاخلاق والادب (هو من الصعايدة الكرمة)
الحمد لله على كل شئ و قدر الله و ما شاء فعل
ياشباب أنا نزلت النهاردة عند سرور واشتريت جوز بطاحات فيبى المانى ب140 هل السعر دة كويس ولا إتضحك عليا
الفكترا كله محسود ولا ايه
الحمدلله ع كل حاال ياباشا وربنا يعوض عليك وعلينا
بعد ما أخدنه يا فادى لقيت شكله مش ولابد فخفت أجيبه
هو كان فيبى المانى بردة وعامل 40 جنيه إنت ايه رأيك أجيب ولا السعر فى شك
ربنا يخليك يا نجد باشا والحمد لله على كل شئ وربنا مش بيجيب حاجة وحشة