أنا مخنوق جدا....العربية أتخبطت و فيها شوية مشاكل
ازيكم يا احلى عصابة فى الدنيا
أولا قدر الله وما شاء فعل والحمد لله على كل شى
دلوقتى زى مانتو عارفين أن العربية عايزة بطاحات وعلبة الدركسيون فيها بوش ( لما كنت عامل موضوع عشانهم) وبردة كنت قايل لكم إن العربية كانت جايبة سعر حلو والحمد لله
والمفاجاة العربية اول امبارح مركونة تحت البيت لا بيها ولا عليها ولا حواليها وأنا كنت بادى انام لقيت اختى بتقولى العربية إتخبطت وأنزل الاقى الجنب اليمين للعربية متجرح ومتشوه (دهان بس) البابين وجزء من الرفرف الامامى والخلفى المهم أدور على اللى خبطها مش لاقى حد غير 3 صحابى كانو قاعدين ساعة الخبطة المهم سألتهم مين اللى خبطها قالولى الواد عمرو (ودة عندة 13 سنة وسايق نص نقل ) أمت مدور العربية وماشى بيها وقلت الواد دة هيضرب لقيت الواد جاى على رجله وبيشاورلى فانا وقفت وقلتله انت اللى خبطت العربية قالى أيوة وانا أسف رحت مزعق فيه من نرفزتى قالى طب تعالى عند البيت قلتله طب أندهلى حد كبير عشان ما تتضربش المهم جه عمه وقعد يقولى اللى أنت عاوزه أنا هعمله واحنا جيران وفجاة لقيت الشارع كله أتلم وكان والدى جيه وكل أما يتكلم مع الراجل يلاقى أم الواد تتكلم وتزعق راح قايلهم بصو العربية بتاعتنا وتروح فى ستين داهية راح عم الواد قاله لا من أفسد شئ فعليه إصلاحه المهمم والدى راح راكب ورحنا مروحين وتانى يوم الفجر نازل أدور اعربية لقيت المرايه اليمين مكسورة والكفر مش موجود وفى موتور من الاتنين محروق ومش عارف أنزل المرايا أمبارح رجعت لهم وقلتلهم قالولى االلى أنت عاوزه هنجيبه المهم أتفقنا أنهم يجيبو لنا مرايا وكنت واقف مع والد الواد وكان فى عربيات عايزة تعدى والعربية انا مش محضنها المهم صاحبى بيقولى هات اركنها وراح مرة واحدة خابط العربية بتاعتهم وكانت المفاجاة التانية (طبعا عربيتهم نص نقل وعليها ديفيندر) انا عربيتى الفانوس اللى ورا اتشرخ والكساحة اللى على الاكصدام اتفكت المهم أنا قلتهلم مع انى مش أنا الى سايق بس لو عربيتك حصل فيها حاجة أنا هجيب لك اللى انت عاوزه قالى يا عم أحنا كلنا على الطريق والحمد لله جت سليمة ومش مشكلة الفانوس والحمد لله أنها جت بسيطة عندك
أنا كنت ناوى أجدد العفشة واشترى فلاتر للعربية وكدة يعنى بس دلوقتى أنا اعمل ايه العربية شكلها بقى زباله ومشطايق ابص على الناحية اليمين
ياريت واحد ابن حلال يقولى المرايا بكام استيراد ولو حبيت أجيبها من الى بتعمل ضم كهربا بتعمل كام
وهل ليها اى تعديل جامد ولا بتركب مكانها عادى والفيشة بتاعها هتركب عندى ولا مجتاجة تعديل
وياريت يا شباب اللى عنده رد يقولى بسرعة أعمل ايه فى موضوع المرايا عشان انا معادى مع الراجل النهاردة....................:stink[1]::stink[1]::stink[1]::stink[1]::stink[1]::stink[1]::stink[1]::stink[1]::stink[1]::stink[1]::stink[1]::stink[1]: