الموضوع: هل تعلمون ان التفاح حرام...!!!؟؟؟

هى دى العبرة اللى طلعتوا بيها من القصة ؟؟؟ !!!!!
ان الطفل خليجى والمدخن مصرى وان الخليجى عبقرى والمصرى ساذج !!
بلاش نسيب الاصل ونمسك فى الفرع لا يعيب المصرى انه يتوب ويعود على ايد طفل زى القصة ( سواء حقيقية ولا خيالية للعظة )
بالعكس ده شئ كويس من وجهة نظرى ان قلبه حاضر
.... وايمانه لا غبار عليه ... ورقيق القلب .... وقريب الدمع ..يستمع القول فيتبع احسنه
مش دى كلها عبر ممكن نخرج بيها
بالاضافة للعبرة الاكبر اللى كل الاخوة اللى علقوا نسيوها او تناسوها بحكم انهم مدخنين الله اعلم او انهم مش عاجبهم طفل خليجى !! ينصح مصرى وهى التدخين حرام شرعا واللى افتى بكده مصريين من كبار العلماء

كمان التركيز فى القصة على كلمة مصرى لان الولد تربى على خطب المشايخ الكبار ( كشك / جاد الحق ...) واحب اضيف ليهم فتوى الشيخ المفتى المحترم نصر فريد واصل سنة 96 اللى بتحرم التدخين شرعا من دار الافتاء المصرية مش مجرد رأى فى خطبة ولا درس دينى هذه الفتوى اللى حسمت الامر عندى مع عشقى وقتها للتدخين والمعسل وكل هذه الاشياء فى مرحلة الجامعة لكن الحلال بين والحرام بين وعندما تتضح الامور تحسم عند كل ذى عقل لبيب


كمان المثال اللى ضربه الطفل فكرنى بمثال عن الشيوعية كان مدرسين الاتحاد السوفيتى الملحدين الذين لا يقتنعوا الا بالفكر المادى ( زى الاخوة بتوع هات لى اية تحرم الدخان ) بيقنعوا اطفال الجمهوريات الاسلامية السوفيتية زمان بعدم وجود الله ( حاشى لله )
كان المدرس بيقول للطلاب هل ترى المنضدة يجيب الطالب نعم اراها يقول المعلم : اذا هى موجودة هل ترى الباب ...وهكذا الا ان اسأل الطلاب هل ترى الله فيقول الطالب بعفوية لا..
فيقول المعلم اذا الله غير موجود
عندها قام طفل مسلم وقال للاطفال هل تروا الاستاذ قالوا نعم قال اذا هو موجود ثم قال هل تروا عقل الاستاذ فقالوا لا... فقال بكل ثقة اذا عقل الاستاذ غير موجود

اسف للاطالة لكن ده واقع الامر ان الدين لا يؤخذ بالاهواء والاغراض انما بالحكمة والموعظة الحسنة وليس بالتعصب
عندما يثبت اهم علماء الاسلام انه حرام فهو اذا حرام ولا نجادل فى الحرام بكتاب الله نفسه بحجة لاتوجد آية تحرم الدخان
وفقنا الله واياكم للخير والبعد عن التدخين .

المشاركة الأصلية كتبت بواسطة zyadahmed

ان قلبه حاضر
.... وايمانه لا غبار عليه ... ورقيق القلب .... وقريب الدمع ..يستمع القول فيتبع احسنه
.

بسم الله ما شاء الله
يعنى هيكون فيه الصفات دى كلها و بيشرب سجاير و مش عارف انها غلط؟

التدخين غلط و حرام و مضر بالصحة
الكلام ده مفهوش نقاش

انما المشكلة فى اسلوب توصيل النصيحة و الكلام

يا أستاذنا الحكمة والموعظة لا علاقة لها بإقحام شخصيات وهمية وحكايات غير منطقية .. والتدخين حرام ولا أحد يختلف على هذا الرأي .. وبالمناسبة مثال التفاحة غير منطقي ولا شرعي وحجة ضد من قام بتأليف هذه الدراما العنصرية لأن الأصل في كل شيء أنه حلال ولا تحريم إلا بنص من القرءان أو السنة .. يعني حتى عنوان الموضوع فشنك .. هي في الأول والآخر "قصة عنصرية ساذجة" والأسف كل الأسف لأننا ننساق وراءها وننشرها على أنها "مواعظ دينية" ولك مني كل الاحترام ولوجهة نظرك التي تحترم القيم النبيلة وتنظر للجوانب المضيئة .. ولكن من وجهة نظري هي قصة للإساءة وبس

[QUOTE=Eng.Mostafa Mahran;3872501329]بسم الله ما شاء الله
يعنى هيكون فيه الصفات دى كلها و بيشرب سجاير و مش عارف انها غلط؟

ممكن جدا يكون انسان مؤمن وشديد الايمان لكن بيدخن وضميره بيأنبه وبيديله مسكن زى اللى كتير منه بياخده ( ما فيش آيه صريحة تحرم التدخين )
مع ان ما فيش آية صريحة تحرم الكوكايين والهيروين والبانجو ومع ذلك لا خلاف بينا انه حرم ؟؟؟

وجايز جدا يكون محتاج كلمة صغيرة او عبرة ونصيحة مش مهم من شيخ كبير ولا طفل صغير... مش مهم من خليجى ولا هندى .... مش مهم فى قصة واقعية ولا خيالية
المهم ان المعلومة صح ودقيقة توصل للقلب وتكون دوا للمرض مش مسكن للعرض
وتقبل احترامى

المشاركة الأصلية كتبت بواسطة tlrsiap

zyadahmed
متفق مع حضرتك في كل كلمة و كل حرف


يا اخواننا , يعني احنا بنقول ان الكاتب وقع في فخ القطرية و كان واجبه يشيل العوامل الخارجية من قصة للعظة زي دي , و نقع احنا في نفس الفخ و نقول الخليجيين لأ القطريين و كأن الكلام على اعداء و يمكن لو جت سيرة الاسرائيليين ولا الأمريكان نتكلم بطريقة احسن من كده و ندور لهم على اعذار ومبررات كمان ؟



يا اخي العزيز
على فكرة مش مسألة حجة شرعية
الآية بتقول وَيُحِلُّ لَهُمُ الطَّيِّبَاتِ وَيُحَرِّمُ عَلَيْهِمُ الْخَبَائِثَ
و أصل حرمانية السجاير انه من الخبائث , الراجل ده طلب حاجة تقول له بالتخصيص ان الدخان حرام , و هو هنا حرام بالتعميم
نفس المنطق لو مشينا عليه هانلاقي ان التفاح , بحكم كونه من الطيبات , مفترض انه حلال لكن مافيش آية مباشرة بتحليل التفاح , حتى في حالة ان الاصل هو الاباحة لأن فيه في مقابلها لا ضرر ولا ضرار

القصة من الواضح انها قصة للعظة و بالتأكيد مافيهاش لا اماكن ولا اسماء عشان تبقى قصة حقيقية , لكن المؤلف زي ما باقول وقع في فخ القطرية و ده غلط , لكن ما ينفعش احنا كمان نقع في نفس الفخ و نتجاهل العظة نفسها او نغلط في حد غيرنا لمجرد انه من قطر تاني

يَا أَيُّهَا الَّذِينَ آمَنُوا كُونُوا قَوَّامِينَ لِلَّهِ شُهَدَاءَ بِالْقِسْطِ ۖ وَلَا يَجْرِمَنَّكُمْ شَنَآنُ قَوْمٍ عَلَىٰ أَلَّا تَعْدِلُوا ۚ اعْدِلُوا هُوَ أَقْرَبُ لِلتَّقْوَىٰ ۖ وَاتَّقُوا اللَّهَ ۚ إِنَّ اللَّهَ خَبِيرٌ بِمَا تَعْمَلُونَ

من بين مئات آلاف القصص الحقيقية الموثقة والواردة بالسير والأثر نسيب كل ده ونمسك في قصة ضعيفة الحجة أولاً وترسم صورة سلبية لأهلي ثانياً !! أي منطق نتحدث به؟! لو تم تدوير هذه الرسالة بالبريد الإلكتروني كما يحدث مع أمثالها من الرسائل المشبوهة ستنطبع في أذهان كل قرائها صورة شديدة السلبية للمصريين، المصري مدخن، المصري لا يحترم مكان صلاته، المصري ضعيف الإيمان، المصري يجادل بجهل، المصري ضعيف الحجة !! كل هذه الرسائل السلبية مقابل عظة بأن التدخين حرام (ولن أتكلم عن الصفات الحميدة التي ألصقها مؤلف القصة لبني جلدته لأن البشر كلهم فيهم الطيب وفيهم السيء ولا أكن أي ضغائن ضد أي عرق أو جنس)!!! أي منطق وأي عظة؟!! الهدف من هذه القصة واضح بصورة لا تقبل أي جدال "التشهيــــــــــــــر"