الموضوع: ايهما افضل بروتون ساجا ام رينو لوجان

المشاركة الأصلية كتبت بواسطة homos99

بلاش طبعا دي ,,, سيدي الفاضل صاحب الموضوع ,,, اولا انا من محبي بروتون مع اني ليس لدى سيارة بروتون وبالرغم من ذلك سوف أقول رأيي بكل حيادية تماما ,,, اللوجان والساجا تعتبرا من السيارات الحديثة ومن وجهت نظري انهم افضل من اللانوس والفرنا في كل شئ ما عدا قطع الغيار وسعر اعادة البيع ,,,اللوجان محرك قديم عن الساجا 1600 سي سي ويعطي تقريبا 92 حصان وكامة واحدة (8 فالف فقط) يعني تسارع حتى ال100 تمام لأن ال 8 فالف بيشتغلوا كلهم ولكن بعد ال 100 بتكون زى اللانوس ,,الساجا 1300 سي سي محرك كامبرو من تكنولوجيا لوتس يولد قوة جبارة 94 حصان ومحرك دوش 16 فالف وبيشتغل ال 8 فالف من 0 ل 100 وبعد كدا ال 8 التانييين يعنى بعد ال 100 التجميع أفضل بكتير من اللوجان وهذا يدل على قوة السحب حتى بعد ال 100 كم/س(يعنى توفير بنزين وسرعة قصوى لا بأس بها),,,
الكماليات تأتي متقاربة مع اختلاف بسيط للوجان والساجا ,,, اللوجان تتميز عن الساجا بالشنطة الواسعة وايضا بالزجاج الكهرباء الخلفي و(عداد حساب استهلاك البنزين) اما بالنسبة للساجا فالشنطة لا بأس بها,,,واكبر من اللانوس ,, تتميز الساجا عن اللوجان بحساسات الركن والجنوط سبور وناقل الحركة الأتوماتيك والشكل العام من الأمام والخلف ودا من وجهت نظري,,,اما بالنسبة للتأفيل الداخلي فاللوجان شكل التابلوه أفضل من الساجا لاكن خامات تابلوه الساجا افضل وأمتن وانزل اتفرج حضرتك ودقق في الموضوع دا,,بالنسبة لنظام التعليق والعفشة ,,, فاللوجان والساجا عفشتهم مريحة وليست بالناعمة ولكن الساجا تتمييز بالثبات على السرعات العالية عن اللوجان وليس معنى ذلك ان اللوجان غير ثابتة لاكن الساجا أفضل والتعليق اعتقد من لوتس للساجا ,,, الأعتمادية واسم الشركة ,, بالنسبة لرينو لوجان فهى اسم ولاكن اعتقد انها ليست مثل الرائعة الاعتمادية ...رينو كليو,,,,,وبروتون ساجا تعتبر من الاسماء المتوسطة ومن وجهت نظرى افضل من الكوري ,,,المساحة الداخلية واسعة ومريحة للأتنين,,,, الخلاصة ..... لو انته شاب ولسه هتتجوز او متجوز ومعاك طفل واحد ,, وبتحب الجري يبقى استخير ربنا وتوكل على الله وجيب الساجا ,,, لاكن اذا كان معك اكثر من طفل ومش بتحب الجري ومحتاج شنطة واسعة هات اللوجان,,,والأتنين فى السفر أعتقد وااااااحد ,,,, ولكن في النهاية اللى يميل قلبك ليه وتستريح بداخله ,,, توكل على الله فيه ,,, والأستخارة أهم شييئ,,,,,اّاّاّسف على الاطالة....

بصراحة ، الله ينور عليك ، هي دي الحيادية ولا بلاش