اسف على التاخير فى الد وانا للاسف مقدرش افيدك فى النقطة دة لاكن ممكن اسالك وارد عليك
عرض للطباعة
اسف على التاخير فى الد وانا للاسف مقدرش افيدك فى النقطة دة لاكن ممكن اسالك وارد عليك
السلام عليكم
هجاوب في أسئلتك عن اللي اعرفه
أولا موضوع نقل الملكية ده انا لسه عامله في عربيتي بقالي شهر بالضبط وكلفني 510 للعربية ابيزا موديل 98 والمفروض انه عندك يقل عن كده لأنك عربية موديل قبل عندي 4 سنوات
ثانيا موضوع الترخيص خطواته الأتي :-
1- شهادة براءة الذمه المالية ( شهادة المخالفات ) لم يمر عليها اكثر من اسبوع عشان يكون معاك وقت تخلص براحتك
2- عقد البيع المسجل بإسم حضرتك + جميع أوراق اثبات ملكية الاسم اللي في الرخصة للسيارة (صاحبها القديم ) يعني لو اللي هيبيعلك معاه توكيل يبقي معاه ايضا كل التوكيلات القديمة حتي تصل الي صاحب السيارة اللي اسمه في الرخصة
3- تذهب للمرور ويكون معاك الطفاية 1 كجم في العربية والعربية سليمة ومافيش فيها خبطات وتشتري ملف فحص من المرور بحوالي من 20 الي 50 جنيه حسب المرور ومزاجهم وتدخل لمهندس الفحص يفحصلك العربية في المرور وطبعا لازم ترفع بصمات العربية (رقم شاسية + رقم الموتور ) وده بيعمله واحد موجود في المرور ولازم بياخد حاجه له ( فلوس يعني )
4- تاخد ملف الفحص بعد انتهاء الامضاء والأختام وتدخل تشتري ورق ترخيص من شباك في المرور علي حسب هترخص كام سنة بحوالي 50 جنيه كمان وتاخد معاك وثيقة تأمين علي حسب عدد السنين اللي هترخصها من اي شباك لشركات التأمين الموجودة في المرور ( السنه بحوالي 65 جنيه تقريبا )
5- تدخل بكل الأوراق دي علي شباك ترخيص الملاكي في المرور اللي انت تبعه واللي فحصت فيه وهو هيكمل معاك بقيت المطلوب ويخليك تدفع في الخزينة الضريبة علي حسب السنين اللي هترخصها (انا دافع السنة كانت تقريبا 175 جنيه ) وتعمل حسابك انك هتدفع شوية رشاوي عشان تخلص نفسك
بالنسبة لموضوع لو الرخصة سارية وهتنقل بإسمك فقط يبقي هتعمل كل اللي ذكرته ما عدا انك مش هتدفع ضريبة بس
شهادة براءة الذمة المالية (المخالفات) دي بتطلبها من صاحب العربية القديم هو مسئول انه يجيبهالك ودي مهمة جدا لأنك ممكن تشتري وتدبس في مخالفات او احكام علي العربية وربنا يسترنا جميعا
موضوع ترخص كام سنة ده من رأيي الشخصي انك ترخص ثلاث سنوات عشان تخلص أن المرور التعامل فيه مقرف وكل يوم بيطلع قانون جديد ووجع قلب لو متأكد انك مش هتغير قريب يبقي ثلاث سنوات وريح نفسك لأنك هتتعذب في المرور عشن تخلص ورقك وتنقل عربيتك
وربنا يوفقك للخير دائما وعلي حسب معلوماتي ان الضريبة والترخيص ونقل الملكية ل 1000 سيسي زي ال 1300 مافيش فرق غير لو الموديل أقدم بتكون أقل
نسيت أقلك ان عربيتي كلفتني في الموضوع ده الأتي :-
نقل ملكية 510 + ضريبة سنة 175 + طفاية جديدة 1 كجم 120 +تأمين 65 + ورق فحص 50 + ورق ترخيص حوالي 50 + 50 = تقريبا 1020 جنيه قول 1100 وخلي بالك ان الموضوع ده بيختلف في الترخيص من مرور لأخر يعني انا رخصت في المعادي اتكلفت ورق أقل من مرور الدقهلية اللي نقلت فيه أخيرا بس مش بتفرق كتير لأني اللي قلته ده الأعلي
بالتوفيق
بسم الله الرحمن الرحيم
في عربية انا شفتها النهاردة في كونتاكت ...
تكيف باور سنتر لوك انذار بريموت 4 زجاج كهرباء صالون فابريكة كاست سي دي +جي ام جنوط سبور
مطلوب فيها 32 الف ... يا ترى ايه رأيكم
الف شكر على التوضيح الجميل دة وبالنسبة للحج بتاع البصمة بقى دة بياخود كام تقريبا عشان الواحد وقتة محدود فعاوز اكون عامل حسابى على كل حاجة يعنى بالبلدى كدا الراجل يرجع حنروح نشوف العربية ونطلع نكشف عليها لاقينا كلة تمام يجبلى شهادة المخالفات وورق العربية دة لظروف شغلى وقت قصير وبعد كداحطلع انقل الملكية واروح ارخص كنت عاوز اعرف نقل ملف العربية يعنى هوة مثلافى مرور الهرم وانا تابع لمرور مدينة نصر فعملية نقل الملف دية اية طروفها معلش لو فى اى اى تفاصيل لو حتى صغيرة ياريت حضرتك توضحهالى وصحيح انا اتصلت بمحمد سمير الى خلف حديقة بدر بسئلوا على الكشف بكام قالى ب 150 جنية ومن الساعة 1 الظهر لحد 7 بليل دة حقيقى الكلام دة ومش دة رقمة ولا انا اتصلت بحد تانى 0122354589 وجزاك الله كل خير
أولا موضوع محمد سمير ده ما أعرفش عنه حاجه لأني تعاملت معاه مرة واحده فقط ووقتها كشف فقط وقلي ان العطل في طلمبة المياة وما غيرتش عنده ولا عملت حاجه لأني لقيت أسعاره غالية جدا لكن كل الناس بتقول انه نضيف جدا جدا في شغله
ثانيا : اللي بيطلع بصمة العربية بتديه 20 جنيه وخلاص لكن لازم تعمل حسابك في 100 جنيه زيادة وتكون فكة عشرات مثلا وانت و حظك في المرور عشان ترش وتخلص ( ربنا يهدي علينا رجالة المرور ) موضوع نقل الملف ده مش بتاعتك لأنه بيتنقل لواحده بريد تبع المرور مالكش علاقة بيه خالص
لو الرخصة سارية هتنقل ملكية عادي وترخص عادي ولو مش سارية هتضطر تطلع حاجه اسمها شهادة بيانات من المرور القديم التابعه له العربية وبتطلع شهادتين واحده للشهر العقاري عشان تسجل وأخري للمرور عشان تفحص وترخص وعلي فكرة موضوع انك تخلص كله في يوم واحد دي انت ونصيبك والمرور يعني بظروفها ممكن تخلص وممكن تفضل رايح جاي يومين ثلاثة لأن أوقات بيبقي ليهم اختراعات كتيييييير ربك هو الأعلم بيها وما عليك غير انك تستحمل قرفهم لحد ما تخلص
والله المستعان وربنا يوفقك للخير
طيب تمام منا بسئل على سعر الكشف وبس مش اى شغل تانى اصل انا اخدت الرقم من هنا زى ما الناس منصحتنى وقالت روح اكشف عندة فقولت اكلمة اعرف نظامة اية وبيكون موجود من الساعة كام وكدا يعنى لاقيتة بيقولى الشكف فقط 150 جنية عشان يعملى تقرير مفصل عن العربية فعشان كدا انا سئلت وللعلم انا فى واحد قدامى منى شغال فى العربيات الامريكانى والهامر والبى ام والجولف والابيزا همة 2 مهندسين ملهومش حل بس معندهمش كمبيوتر فهل اعتمد على كلامهم دول وخلاص ولا اكشف عندهم وعند محمد سمير كمان انا ال 150 جنية مش فارقة معايا نهائى انا بس عاوز اتئكد ان هوة دة محمد سمير الى بيقولوا علية هنا وان هوة فعلا بيكشف بالسعر دة وجزاك الله كل خير وجعلة فى ميزان حسناتك ان شاء الله :verygood:
يعنى انا افهم من كدا انى حروح الشهر العقارى اعمل نقل الملكية وبعد كدا اخود العقد اروح بالعربية المرور ااقولهم انا عاوز افحص و ارخص واعمل باقى الاجرئات الى قولت عليها دية وشكرا على كدا
طيب معلش يابشمهندس ايهاب ياريت ترتبلى كدا الخطوات من اول الشراء لحد استلام الرخصة الجديدة لو مفهاش تعب لخضرتك وجزاك الله كل خير
1- بعد الكشف والاتفاق وكله تمام واقتنعت بالعربية تاخد صاحبها معاك وتروح تنقل ملكية في الشهر العقاري وهو معاك عشان يمضي كبائع
2- تاخده وتروح تطلع شهادة براءة ذمة مالية من المرور التابعه له العربية ( عشان تكون مخالفاتها = صفر )
3- بعد كده تاخد العربية والورق كله القديم والجديد وتروح انت علي المرور اللي انت تابع له وتقلهم عايز افحص وارخص هناك هيقولوك منين تجيب الورق داخل المرور وتفحص أولا وبعد كده ترخص وكل اللي هيحصل في المرور هناك هيقولوك عليه فين وتيجبه منين .
ده لو الرخصة ساريه ولو مش ساريه صاحبها القديم قبل البيع هيطلع شهادتين بيانات عشان واحدة هياخدها الشهر العقاري عشان تسجل وتنقل ملكية والتانية هتاخدها وتروح تفحص وترخص بيها
وبالتوفيق