الموضوع: معروض عليا ابيزا 94

المشاركة الأصلية كتبت بواسطة dragon_devil

مش كدة برضوا طيب يامسهل الحال يارب ادينى مستنى عم الحج دة لما يرجع من البحر الاحمر عشان ابقى اشوف العربية هوة جى على يوم الاثنين ان شاء الله واكيد لما اشوفها حقولك الدنيا فيها اية ونظام العربية اية ان شاء الله بس كونت عاوز اسئلك بقى شوية حجات كدا معلش حتعبك معايا
هوة نقل الملكية فى الشهر العقارى بيتكلم كام لموديل 94 اصل فى واحد صحبى جاب ابيزا 98 نقلها بحوالى 1250 فبالنسبة لى ال 94 تبقى كام ؟
ولو العربية لسة فيها الرخصية سارية مش منتهية وانا حبيت انى اروح ارخص عشان اطلع الرخصة بئسمى بقى بدل مفضل ماشى بعقد بيع والكلام دة وبيتكلف كام الترخيص هية 1300 سى سى مش تنسى
وبالنسبة بقى لشهادة براقة الزمة المالية دية مهمة ولا لاء
واية نظام بقى الفحص والاوراق الى جوة دول وتنصحنى ارخص سنة بسنة عشان المخلفات متتكومش عليا ولا ارخص 3 سنين على طول وخلاص واسف لو بتعبك معايا :o_stupid[1]:

السلام عليكم
هجاوب في أسئلتك عن اللي اعرفه
أولا موضوع نقل الملكية ده انا لسه عامله في عربيتي بقالي شهر بالضبط وكلفني 510 للعربية ابيزا موديل 98 والمفروض انه عندك يقل عن كده لأنك عربية موديل قبل عندي 4 سنوات
ثانيا موضوع الترخيص خطواته الأتي :-
1- شهادة براءة الذمه المالية ( شهادة المخالفات ) لم يمر عليها اكثر من اسبوع عشان يكون معاك وقت تخلص براحتك
2- عقد البيع المسجل بإسم حضرتك + جميع أوراق اثبات ملكية الاسم اللي في الرخصة للسيارة (صاحبها القديم ) يعني لو اللي هيبيعلك معاه توكيل يبقي معاه ايضا كل التوكيلات القديمة حتي تصل الي صاحب السيارة اللي اسمه في الرخصة
3- تذهب للمرور ويكون معاك الطفاية 1 كجم في العربية والعربية سليمة ومافيش فيها خبطات وتشتري ملف فحص من المرور بحوالي من 20 الي 50 جنيه حسب المرور ومزاجهم وتدخل لمهندس الفحص يفحصلك العربية في المرور وطبعا لازم ترفع بصمات العربية (رقم شاسية + رقم الموتور ) وده بيعمله واحد موجود في المرور ولازم بياخد حاجه له ( فلوس يعني )
4- تاخد ملف الفحص بعد انتهاء الامضاء والأختام وتدخل تشتري ورق ترخيص من شباك في المرور علي حسب هترخص كام سنة بحوالي 50 جنيه كمان وتاخد معاك وثيقة تأمين علي حسب عدد السنين اللي هترخصها من اي شباك لشركات التأمين الموجودة في المرور ( السنه بحوالي 65 جنيه تقريبا )
5- تدخل بكل الأوراق دي علي شباك ترخيص الملاكي في المرور اللي انت تبعه واللي فحصت فيه وهو هيكمل معاك بقيت المطلوب ويخليك تدفع في الخزينة الضريبة علي حسب السنين اللي هترخصها (انا دافع السنة كانت تقريبا 175 جنيه ) وتعمل حسابك انك هتدفع شوية رشاوي عشان تخلص نفسك

بالنسبة لموضوع لو الرخصة سارية وهتنقل بإسمك فقط يبقي هتعمل كل اللي ذكرته ما عدا انك مش هتدفع ضريبة بس
شهادة براءة الذمة المالية (المخالفات) دي بتطلبها من صاحب العربية القديم هو مسئول انه يجيبهالك ودي مهمة جدا لأنك ممكن تشتري وتدبس في مخالفات او احكام علي العربية وربنا يسترنا جميعا

موضوع ترخص كام سنة ده من رأيي الشخصي انك ترخص ثلاث سنوات عشان تخلص أن المرور التعامل فيه مقرف وكل يوم بيطلع قانون جديد ووجع قلب لو متأكد انك مش هتغير قريب يبقي ثلاث سنوات وريح نفسك لأنك هتتعذب في المرور عشن تخلص ورقك وتنقل عربيتك

وربنا يوفقك للخير دائما وعلي حسب معلوماتي ان الضريبة والترخيص ونقل الملكية ل 1000 سيسي زي ال 1300 مافيش فرق غير لو الموديل أقدم بتكون أقل