نصيحة لوجه الله تعالى

**nourco123** · 29-03-2010 01:14 AM

مش عايز اقول لكم انى دفعت 80 جنيه فى نفس الفرده من اسبوع - مالها ال 132 اللى كانت معايا
؟؟!! كنت بغير الداخلى بتعريفه ... الغريب ان الفرده ياجماعة زى الفل والكاوتش جديد
ولما سألته نعملها داخلى بدل من تيوبلس قاللى العربيه تقيله ياباشا ومينفعش معاها داخلى
وبالنسبه لمكان الراجل هو موجود ورا اخر محطه اسو فى نهايه فيصل ونت طالع فى اتجاه الهرم
ده بالنسبه لمكان بتاع الكاوتش

بس الاخ اللى سألنى عن مكانه بيفكرنى بجمله قالها الزعيم عادل امام
عارف الراجل بتاع العصير اللى فى آخر شارع الجيش حلو اووى ومتشربشى من عنده

الضمير انعدم وحتلاقى كل بتوع الكاوتش نفس الشيء .
الذ حاجة فى الموضوع وهو بيصلح الخروم جه بتاع 10 عربيات عايزين يزودوا بس العجل
هههههههههه قال لهم اللى عايز يزود بس ... انا مش فاضى واهم حاجة عندى النظام مش معقوله حسيب
عربية الباشمهندس اللى هو انا واشتغل فى عربيه تانيه .. كنت بحسب ان الدنيا اصبح فيها نظام
وخير اتاريه كان بيحضر نفسه علشان يخزوقنى فى ال 161 جنيه.

**omdaz_5538** · 29-03-2010 01:38 AM

لا حرام عليك انا لو منك اقوله خد الكوتش مش عايزه
اولا الخبور فى العجله اكبر غلط لانه على السرعات العاليه بيغربل العربيه و يخليها vIBRATION كأنك قاعد جوه موبيل
و انت تفتكره ترصيص و تجرى ترصص و الكوتش اصلا هو اللى فى عالى و واطى
الحل انك تلحم لحام مكوه من جوه الفرده
ثانيا عدد الخروم انت بتقول عليه ده لازم تغير الفرده كده مش امان على الطريق خالص
ثالثا الراجل ده حرامى جدا مفيش حاجه اسمها العربيه تقيله طيب منا اعرف ناس كتير معاها عربيات نقل و مشين بداخلى زى الفل
معلومه كمان انا عرفتها من بتوع الكوتش اللى بتعامل معاهم
النسر من احسن الفرد الداخليه و اوحش الفرد التيوبلس

**nourco123** · 29-03-2010 01:56 AM

الأخ
omdaz_5538

كتر خيرك للمشاركة انا فعلا حعمل اخر محاوله بأن اقوم بعمل لحام مكوه من الداخل
لأن فردتين الكاوتش جداد نوفى وحرام اغيرهم دلوقتى

**omdaz_5538** · 29-03-2010 02:07 AM

الأخ
omdaz_5538

كتر خيرك للمشاركة انا فعلا حعمل اخر محاوله بأن اقوم بعمل لحام مكوه من الداخل
لأن فردتين الكاوتش جداد نوفى وحرام اغيرهم دلوقتى

انا يا باشا والله بحاول افكر معاك
طيب انت عند حضرتك الفرد الاربعه جداد و لا ال2 اللى قدام بس ؟
انا بفكر انت تركب اللى قدام ورا و اللى ورا قدام لو ال4 كنت جايبهم جداد
و ركب داخلى ليهم عادى و مشى نفسك مش هيحصل حاجه ان شاء الله.

**nourco123** · 29-03-2010 02:18 AM

الاخ
omdaz_5538

العربيه الخمس عجلات جداد نوفى لسه متغيرين من شهرين ححاول اعمل موضوع الكى
بس يارب ميعملش معاى دبدبه عند المشى

**Ahmed_lol2007** · 29-03-2010 02:40 AM

ياباشا أصل حصل معابا مرة أما كان معايا الهيونداى الاكسيل ودخلت أمون من بنزينة اسو اللى قدام شارع الوفاء والامل لقيت لالواد بتاع الكاوتش نيقولى على فكرة الكاوتش بيهوى نزلت بصيت عليه قالى دة خرم وقلتله يعمله وعمال يطلعلى حتت ازاز متكسر من الفردة وقالى ان كنت ماشى على ازاز بس أنا طلعت انصح وقلتله كان ال4 اتخرمو مش 2 بس دة بالمنطق طبعا سألته علحام داخلى قالى لا خوابير بس طب وأنا مسافر قلتله خلص قالى فى نوع تركى 7 جنيه ونوع امريكى10 جنيه قلتله اعمل الامريكى وكل شوية يطلع كمان واحد وصلو بتاع 15 خرم والدى كام معايا فالراجل راحله طبعا وقاله الحساب 150 جنيه أنا زعقت فبيقول لوالدى أنا بكلم حضرتك هو ماله دلوقتى قاله لا ماله عشان عربيته وهو اللى هيحاسب المهم رميتله 30 ومشيت ومن ساعتها لابدخل أمون من النزينة دى ولا الحم فيها كوتش بالعربى يعنى علمت عليها

**danash** · 29-03-2010 08:51 AM

يا جماعة الموضوع ده بيحصل معانا كلنا فى الأول وبعد كده بنيعلم الكاوتش التيوبلس معايا اتقطع وكانت بريدجستون ولا حاجة قلت لبتاع الكاوتش تتلحم قال لى اه يلا اعملها وحطلى جواها كمر وخليها استبن للشهر الجاى لما يبقى معايا فلوس اجيب جديد الكمر اللعبة دى ب40جنية الأستبن لما ركبته مكانها طلع احسن منها لغاية لما تفرج لأن نفس قصة الأخرام حصلت معايا أول ما جبت العربية واتعلمت الحمد لله على انها بتيجى فى كاوتش

**Ahmed Sharaf** · 29-03-2010 09:17 AM

حسبنا الله ونعم الوكيل.

**hanykd** · 29-03-2010 10:32 AM

السلام عليكم ورحمة الله
بالنسبة للكاوتش لازم يكون لك بتاع كاوتش واحد بتتعامل معاه ولما تروح تزود أو تظبط تكرمه
ولما تحس إنه خلاص بقى بتاعك وعرفك
لو حصل معاك أى حاجة تروحله حتى لو حاتحل الفردة وتاخدها يعملها لك وترجع تركبها
عشان بتوع الكاوتش خلاص مبقاش عندهم ضمير (مش كلهم طبعاً)
أنا مرة حصل معايا نفس الموضوع وأول لما حسيت إن الموضوع كبر مع بتاع الكاوتش قولت له زود وكنت بعيد عن اللى بتعامل معاه وخدتها واحدة واحدة لحد روحت له وحل الفردتين وعملهم وإتكلفت 23 جنيه إنما التانى لاقى 10 إخرام وكشف عليها بميه وصابوون وهى واقفة وقالى الخابور ب 10 ونفس الدور بتاعك
حسبى الله ونعم الوكيل

أخوك فى الله هانى

**MohamedGafar** · 29-03-2010 08:42 PM

هو بتاع الكاوتش اللى عامل فيك المغرز ده ، أراهنك لو دورت عنده جوه المحل حتلاقي خشبة فيها مسامير! وهو لازم ينيم فردتين عشان تروح لبتاع كاوتش وإلا كنت ركبت الاستبن لو فردة واحدة! ولازم أقرب واحد للعربية اللى هو سيادته!

واحد بتاع كاوتش إبن و....ة عملها مع والدى ، طلبنا النجدة ووجهناله جنحة إتلاف وكان هيتحبس وفى الآخر إشترالنا فردتين جداد بدل اللى خرمهم! ، المهم إن محطة البنزين اللى كان مأجر منها لغت عقده بعد ماناس كتير إشتكت منه. حرامية ولاد ...........

تحياتي.