انا سوقت الاتنين فرق طفيف جدا فى الركنة
فرق الامان لصالح الهيدروليك
عرض للطباعة
انا سوقت الاتنين فرق طفيف جدا فى الركنة
فرق الامان لصالح الهيدروليك
الباور الكهربا
اشكرك ياباشا
انا المقارنه دي بصراحه مش من خلال خبرتي بالباور الكهرباء انا ترجمتها من خلال الموقع إل وضعه الاخ agmgranturismo2006 بالمشاركه رقم 9
الباور الكهربا ده بيعتمد على موتور صغير موجود على قطمة الدركسيون تحت الطابلون بتاع العربيه وهوه بيساعدك فى تخفيف الجمل على ايدك وانت بتكسر بالعربيه ومميزاته انه مبيحتجش صيانه ولوفصل على سرعه عاليه وده مستحيل ولا كأن فيه حاجه لانه اصلا قوته بتتناسب عكسيا مع السرعه غير كده ان له حساسات لانحراف العجلات يعنى لو انت كاسر على سرعه كبيره بيتقل الدركسيون فى ايدك بحركه عكسيه منه ودى فى حالة العربيه لو كسرت اكتر من كدا ممكن تتقلب لاقدر الله
الباور العادى بيعتمد على طرمبه لضخ الزيت الهايدروليكى عبر انابيب الى خزنة دركسيون تكون مجهزه لذلك باويل سيلز لتدفع العجلات ناحيه الوجهه المراده عن طريف فتح الصمامات لتدفع الذيت على جانب واحد من الأويل سيلز فيولد نظام القوه المؤازر
مميزات الباور الكهرباء عن الزيت
1-اقل تعقيدا (صيانته سهله)
2-تحكم افصل مع تحكم الحساسات بطريقه افصل
3-نظام القوه العكسيه وده مستحيل يحصل فى الباور الزيت
4-لا يولد حمل زائد ع الماكينه (ههيبقى المكيف وطرمبة الميه والدينامو وهوه كمان)
انا سوقت الكهرباء فى سيارة بدون ذكرها لاننا بنتكلم عن موضوع معين مش عايزين ندخل عربيات والصراحة الدركسيون خفيف فى الركنة ولين جدا لكن لما طلعنا على الطريق الدركسيون خفيف لحد 110 ومحدش يقول غير كدة السيارة لازم تتعود عليها جامد عشان تقدر حركات دركسيونها بسبب خفيتة الزائدة يعنى لو بتدى غرز ولا حاجة لازم تكون متعود على العربية وتقدر التوجية صح
مميزاتة اللى انا شايفها هى فى السرعة قبل 70 كيلو بعد كدة تبدا تاخد بالك
بالنسبة لعيوبة استهلاكة العالى للبطارية
فية بقى حاجة عايز اوضحها :لو الباور الكهرباء مش بيأثر على استهلاك البنزين ولا بياخد عزم من الماتور يبقى بيقابلة فى انة بيأثر على الطاقة الكهربائية للسيارة
وبالنسبة للسيارة اللى بالباور الهيدروليكى فدول انا سوقتهم كتير وكانوا ناعمين جدا بردة مع الافضلية بنسبة بسيطة جدا يعنى لو بتلف الدركسيون لحد اقصى الشمال بالباور الكهرباء مثلا فى 1:30ثانية يبقى فى الباور الهيدروليكى 1:33 يعنى انا حاولت اقرب تجربتى
بالنسبة للسرعات انت لو سايق سيارة مافيهاش باور اصلا هتلاقى الدركسيون خفيف
بس من تجربتى الباور الهيدرولكى جميل جدا فى المناورات
بس فى النهاية الفرق هيرجع لمستوى ثبات السيارة نفسها وارتفاعها عن الارض وحجم قاعدة العجلات وعرض السيارة هو دة اللى بيأثر فى السرعات العالية فى تحكم السيارة وثباتها مش الباور
الباور دة وسيلة مساعدة لتسهيل تحريك الدركسيون والسيارة على سرعات بطيئة جدا او عند الانعطاف والركن
يعني الكلام إل بنسمعه من الفتاين ان العربيه لو ماشيه والباور الكهرباء فصل العربيه بتمشي كأنك ماشي علي سكه حديد لا بيلف يمين ولا شمال ده كلام غلط
زي ما فيه ناس قالت عن الميجان علاشان الباور بتاعها كهرباء الدريكسيون الباور بتاعه بيفصل والعربيه تفضل ماشيه علي طول
وناس تانيه اتكلمت عن الالنترا ان الفيوز بتاع الباور بيضرب دايما
والله اعلم
وطبعا كل واحد منهم ليه مميزاته عن الاخر حسب التعود
لا اللى انا اعرفة بقى من مشاكل الدركسيون من اللى الناس بتطلعها ان الدرسيون نفسة بيقفش مش بيخلية يتحرك او يلف كانة مسوجر وشايل منة المفتاح زى المشكلة اللى حصلت فى النيو اكسنت الخليجى
انا عندي سيارة نيو اكسنت 2007 اوتوماتيك والبور بتاعها كهرباء وبيفصل مني وانا ماشي بالعربية بالفدركسيون بيتقل جدا مما يجعلني اقوم بوضع السيارة على وضع المور وانا ماشي وابطل السيارة وادور من تاني ثم ادي الغيار مرة اخري وانا ماشي وسالت ناس كتير قالوا ان ده عيب فيها والتوكيل قال ان العيب فى قطمة الدركسيون وعلبة الدركسيون وسعر قطع الغيار بس حوالي 13000 جنيه مصري وانا مش عارف اعمل ايه افيدوني اثابكم الله