الموضوع: سؤال عن السيات ليون 2010

المشاركة الأصلية كتبت بواسطة ghazy12

بصراحه... كلامك صح يا باشا :)

الفكره ان معلوماتي عن الليون كان فيها جزء غلط
بس صححت المفاهيم, لأن كان في كلام كتير متضارب و عكس بعضه...

يعني مثلا...
كنت متخيل انها 16v, مش 8... لكن هي 8v... و دي مش مشكله يعني
كنت متخيل انها بتنزل بالـcd\mp3 التتش زي بتاع الجولف, لكن للأسف

كده يعني... لكن اللي مزعلني قوي السي دي التتش بصراحه, لأني كنت عايز
اركب سينسور بارك و اشغله على الشاشه زي الجولف تمام, بس كده مش هينفع

اللي عجبني, انهم غيروا الطاره, و العدادات, و ركبوا الجداد, و طبعا شكلهم جامد

السؤال بقى... هل ينفع اركب الـcd بتاع الجولف فيها زي ما بتنزل بره, و بكام
و لو ركبت سينسور بارك, هيشتغل عليه ولا لأ, و هيبقى بكام تقريبا..؟؟؟؟؟

بصراحه أنا داخل في شغل جديد في شركتي و محتاج سيوله على قد ما اقدر
و الليون هتبقى معقوله كسعر, او اني استنى شويه حلوين و ربنا يسهل في جولف

و نفسي افكر في البرافو... بس مش عارف مش حاببها ليه..!!! مع اني ماركبتهاش بصراحه

ده بسبب ان معلومات التوكيل مش كافية ولما كان حد يجيى يسأل هنا فى سيات كان المالكين يقولوا العربيد فيها كل حاجة، الا بعض الاعضاء كان بيقول كل حاجة بدقة وبالدليل.

موضوع ال8 صبابات ده مش عارف ليه بعض الشركات لسه بتعمل المواتير كده بس ده مش يمنع ان فيه عربيات كويسة وبردو مواتير 8 صباب زى السيفيك.

الكاسيت التاتش ممكن يركب عادى بس لازم التويل يجيبه ويجيب الكافر البلاستيك بتاع التابلوه واكييد ها يكون غالى بس ممن الواحد يتصرف ويجيبه من بره لكن يبقى السؤال هل التوكيل ها يرضى يركبه؟؟؟

الباركنج سنسورز طبعا مافيش شك انها تبقى ممتازة لو تظهر على الشاشة بس بردو اسأل قبل ما تاخد قرار عشان ممكن تكلف وومكن مش تنفع اصلا.

اكييد التابلوه والعدادات والطارة الجداد افضل وشكلهم احلى بس عايز اشوف الليون بالفتيس الdsg على الطبيعة.

====================================

قولى بقى البرافو وحشة ليييه؟ ليه مش عاجباك؟؟؟ طبعا موتور افضل بكتيييير من الليون 1400 سى سى 16 صباب 2 كامة 120 حصان وكمان بفتيس 6 نقلات، اه طبعا مش زى الdsg بس فتيس حلو جدا وفيات كده كده عملت النسخة بتاعتها من الفتيس الddc ونزلته فى الالفا روميو.

اما الكماليات فا هى كتيرة اوى بس ينقصها الفرش الجلد والمرايات الضم وفتحة السقف، غير كده فا هى فيها كل حاجة تانية وبجد بجد متعة فى القيادة.

عارف بقى ايه اللى مش داخل دماغى؟؟؟؟ الجولف

اخيرا ربنا يوفقك فى شغلك والتوسعات اللى عايز تعملها.