126 والعيشة مرررة..

**Merit** · 29-03-2010 03:08 PM

أنا في يوم فكرت زيك كدة وفعلا نفذت الفكرة، الخلاصة زي ماسمعت من بعض المشاركين العربية دي أخرك تظبطها من ناحية الشكل فقط وعلي فكرة بيليق عليها ، أما بالنسبة للموتور فهي مش زي الزستافا بيركب عليها موتور ال127 ،مش بيركب عليها غير موتورها فقط وماتسمعش كلام أي حد يقول غير كدة، العربية دي من الأخر عشان تريح نفسك تجيبلها موتور بالفتيس بتاعها إستيراد وتبدأ تلعب في العفشة والشكل براحتك بس إبدأ بالموتور، أنا تعبت نفسي أد كدة فيها ويوم مابعتها الي أخدها مني راح نازل جايبلها موتور وفتيس من عزبة شلبي ب900 جنيه وبقت كويسة جدا بس طبعا مش إستخدام هرس

**aelhossan** · 29-03-2010 03:27 PM

والله انت رايق
ربنا يوفقك
بس هتعمل ايه لما الملاكي يتحل

**أبو إياد** · 29-03-2010 03:45 PM

مالهاش علاقه بالاحلال العربيه دى تسعينات

**ahmad--ezzat** · 29-03-2010 06:18 PM

YouTube - fiat 126 bis show

**misoalex** · 30-03-2010 04:14 AM

موتور توكتوك ينفع فيها او موتور فيسبا

يا باشا انــــــــــــــــــسى انت لو بتتكلم عن ال 133 كنت جبتلك قائمه بالمواتير الى بتتسقط فيها واشهرهم 127 -950cc جامد عليها
لكن 126 دى هى مصنعه كده ومتنفعش غير كده وملهاش اى تعديل خاااااااااااالص
على فكره انا عارف بقول ايه مش بتكلم وخلاص
انا كان معايا 3 عربيات سيات
متبصش للعربيات الى على اليوتيوب لان دى محطوط لها مواتير ريس هوندا وكده يعنى واخدين البودى فقط وحاطين موتور هوندا شوف بقى ده عامل ازاى وطبعا بيلغو الكنبه الى ورا
بس انسى ان المرور يسيبك ده غير التكلفه الخرافيه الى حتوصلها غير مفيش حد يعمل الكلام ده فى مصر
الخلاصه العربيه دى التعديل فيها فى الشكل فقط وبتبقى جااااااامده
وعلى فكره العربيه دى جراااااااايه بجد بتجرى جرى فظيع لان حجمها صغير جدا وخفيفه جدا
وربنا يباركلك فيها
بس سؤال انت جبتها بكام الايام دى

**E30power** · 30-03-2010 06:08 AM

المشاركة الأصلية كتبت بواسطة misoalex

موتور توكتوك ينفع فيها او موتور فيسبا

يا باشا انــــــــــــــــــسى انت لو بتتكلم عن ال 133 كنت جبتلك قائمه بالمواتير الى بتتسقط فيها واشهرهم 127 -950cc جامد عليها
لكن 126 دى هى مصنعه كده ومتنفعش غير كده وملهاش اى تعديل خاااااااااااالص
على فكره انا عارف بقول ايه مش بتكلم وخلاص
انا كان معايا 3 عربيات سيات
متبصش للعربيات الى على اليوتيوب لان دى محطوط لها مواتير ريس هوندا وكده يعنى واخدين البودى فقط وحاطين موتور هوندا شوف بقى ده عامل ازاى وطبعا بيلغو الكنبه الى ورا
بس انسى ان المرور يسيبك ده غير التكلفه الخرافيه الى حتوصلها غير مفيش حد يعمل الكلام ده فى مصر
الخلاصه العربيه دى التعديل فيها فى الشكل فقط وبتبقى جااااااامده
وعلى فكره العربيه دى جراااااااايه بجد بتجرى جرى فظيع لان حجمها صغير جدا وخفيفه جدا
وربنا يباركلك فيها
بس سؤال انت جبتها بكام الايام دى

انا فعلا اخر قرار وصلتلة بعد اللف انى اسقط ال 1100 بتاع ال 127 والغى الكنبة الى ورا واركب ريداتير ورا واخليها كرسيين بس وتقريبا هنحط قالبين طوب كباار فى الكبوت ادام علشان متتقلبش وهيا طالعة......... معلش 133 دى خلفى

126 هستلمها ان شاء الله كمان اسبوعين بالكتير ومتفقين على 4000 ..

ومعلش سؤال اخير .. بما انك خبرة :] ال126 لو اتسقطلها نفس موتورها ال 2 سليندربضفيرتو بس حالة نضيفة و يستحمل اكبس علية وكدة ولا يفيص منى بسرعة .....

**misoalex** · 30-03-2010 09:27 PM

المشاركة الأصلية كتبت بواسطة ahmedtefagad

انا فعلا اخر قرار وصلتلة بعد اللف انى اسقط ال 1100 بتاع ال 127 والغى الكنبة الى ورا واركب ريداتير ورا واخليها كرسيين بس وتقريبا هنحط قالبين طوب كباار فى الكبوت ادام علشان متتقلبش وهيا طالعة......... معلش 133 دى خلفى

126 هستلمها ان شاء الله كمان اسبوعين بالكتير ومتفقين على 4000 ..

ومعلش سؤال اخير .. بما انك خبرة :] ال126 لو اتسقطلها نفس موتورها ال 2 سليندربضفيرتو بس حالة نضيفة و يستحمل اكبس علية وكدة ولا يفيص منى بسرعة .....

ال 1100 بتاع ال127 كبير عليها جدا
ال950 هو الى حجمه صغير شويه بس انت كده بتبنى عربيه من جديد ومتنساش المرور مش حيوافق على الكلام ده
الموتور بتاعها يستحمل بس كل حاجه على قدها يعنى متنتظرش منها اكتر من قوتها
انا شفت من كام يوم واحد مركبلها ديفل ومظبطه وكانت تحفه

بس الموتور ال 127 احظررررررر منه لو ركب فى ال126 لانه قوى عليها جدااااا ده قوى على 133 وبيكسر قواعد الموتور والفتيس بأستمرار

**Ralliart** · 31-03-2010 01:08 AM

هي محتاجه موتور موتسيكل سوزوكي او هوندا هتبقى طياره بس حاول تتفرج على ريفيوهات كتير لتعديلات الناس عشان توصل لانسب حل
شوف ده مسقط موتور سوزوكي هايبوزا 1300 سي سي 193 حصان!!
YouTube - FiatBusa
طبعاً ده مجنون يعني حاول تشوف حاجه هوندا 600 سي سي هتبقى مناسبه بس محتاجه واحد مخه نضيف عشان يظبط الفتيس

**د.محمود صلاح** · 31-03-2010 01:24 AM

المشاركة الأصلية كتبت بواسطة ahmedtefagad

انا فعلا اخر قرار وصلتلة بعد اللف انى اسقط ال 1100 بتاع ال 127 والغى الكنبة الى ورا واركب ريداتير ورا واخليها كرسيين بس وتقريبا هنحط قالبين طوب كباار فى الكبوت ادام علشان متتقلبش وهيا طالعة......... معلش 133 دى خلفى

126 هستلمها ان شاء الله كمان اسبوعين بالكتير ومتفقين على 4000 ..

ومعلش سؤال اخير .. بما انك خبرة :] ال126 لو اتسقطلها نفس موتورها ال 2 سليندربضفيرتو بس حالة نضيفة و يستحمل اكبس علية وكدة ولا يفيص منى بسرعة

.....

باين عليك واااقع في حب العربية دي !!