الموضوع: ماذا تفعل لو كنت مكاني جنط ولا تامين

التامين طبعا

المشاركة الأصلية كتبت بواسطة menocomp

+111111111111111



أكيد لازم تأمن بغض النظر عن أستفادتك منة ام لا.وبعد كدة أنت عاوز تستفيد منة لية مادام أنتا مأمن؟؟ أنا عاوز أضربلك مثل صغير لو شخص ما معاة مسدس بيستخدمة لحماية نفسة لا أكثر مينعفعش أبدا يجى بعد فترة يقول أنا مدايق علشان مبستخدمهوش. انت فاهمنى.

هى النقطة انه مع طول مدة استخدام العربية و توالى السنوات تكلفة التأمين هتوصل بسهولة فى مدى 6 سنوات مثلا الى حوالى 20 الف جنيه..... و هو بالتأكيد مبلغ يستدعى التفكير فيه..... الحيرة كبيرة

المشاركة الأصلية كتبت بواسطة n.y.s.m.a

متفق معاك في النقطة دي لأني مجربها وحسبتها كده برضه في مرة من المرات

وبعدين كمان لما بيحصل حاجة لا قدر الله التأمين نفسه في مصر مقرف وعشان تاخد فلوسك منهم بيطلع عنيك ده لو خدتها كلها كمان وفي الآخر بعد ما قعدت تدفع دم قلبك أقساط عشان تعيش مطمن تلاقي نفسك شايل نص الليلة معاهم مثلا ... ساعتها بقعد أفكر طب وعلى إيه .. لما يبقى فيه نظام تأميني محترم في البلد أبقى ءأمن

وبرضه أنا في نفس الحيرة فا مش ها أقدر أفيد صاحب الموضوع .. لكن ده كان جزء من تفكيري فقط

بتعيقك ده انت جبت النص التانى من تفكيرى فى الموضوع وهو قرف شركات التأمين..... و لان الواحد من اللى بيحبوا يمشوا دوغرى وملوش فى اللوع و القذارة بتاعة الشركات دى فا اصلا انى اتعامل مع قرف الشركة فى حالة لا قدر الله حصول حاجة ده بيمثل لى هم فوق الهم...... يكفى انى اقولك ان ابويا كان بيشتغل فى مصر للتأمين اصلا بس فى قسم العقارات لكن حاليا على المعاش..... و اخويا فى مصر للاصول العقارية اللى هى فرع من فروع مصر للتأمين سابقا....... لكن اول حاجة قالهالى ابويا لما جيت أأمن قالى ان قطاع السيارات ده اقذر قطاع فى مصر للـتأمين كلها و كله رشاوى و ناس زبالة الزبالة الزبالة....... تخيل بقى الحيرة اللى بزيادة...... يعنى انا مش مجرد زبون..... لأ ده اقرب الناس لى عارفين الوضع من جوة عامل ازاى..... اضف الى ذلك القرف اللى هسببه لهم فى حالة حصول حاجة و هخليهم يلجأوا للى يسوا واللى ميسواش عشان اخد فلوسى..... وانا عندى انا و العربية فداهم و فدى قلة راحة البال اللى هيبقوا فيها بسببى..... شوفت يا عزيزى الحيرة حجمها اد ايه......

المشاركة الأصلية كتبت بواسطة asdcat39

والله انا هعلق على نقطة التامين بس بص انا عايز اسال هل كل واحد فينا بيتوكل على الله فعلا قبل ما يطلع من بيته لو واخد على كده احب اقلك متامنش لان طالما عندك ثقه فى الله اكيد هيسترها معاك انا كنت فى نفس حيرتك هل امن ولا لا وبعدين جت فى دماغى طب لو الواحد فعلا معاه انه يامن طيب ما بالالفين جنيه بتوع التامين مثلا اعمل بيهم صدقه جاريه كولدير ميه ساهم فى تجديد مسجد دار ايتام انا لسا معملش حاجه لحد دلوقتى بس والله فى دماغى والصدقه دى هى اللى ان شاء الله هتحميك وتحميلك عربيتك اما التامين فهو مش تكافلى ويعتمد على المكسب فقط ونظامه زى نظام اى حاجه فى مصر ان مصلحة المواطن اخر حاجه يفكروا فيها

كلنا بنخرج على باب الله و نقول يارب و محدش عارف هيشوف ايه فى الطريق..... و لا اصلا ضامن يرجع و لا لأ...... اتكالنا عليك يا رب انت خير الضامنين

تأمين طبعا بدون تردد