الموضوع: الكيا والتقفيل الداخلى

أنا مازلت شايف أن الخامات مش سيئه للدرجه
وهى فعلا بتختلف حسب الفئه
فياريت تعرف أنت ركبت أى فئه
الكارينز خامتها يمكن مش قد كده ومش عارف ليه عملوا فيها كده الحقيقه
العربيه دى لو بأنتريور مختلف كانت هتبقى تحفه فنيه
لكن مفيش حاجه كامله
فى الاخير أنا مش معاك فى موضوع الخامات
وأعتقد أن خامات السيراتو متقاربه جدا مع اليابانيات
وقد تتفوق على بعض فئتها حتى

يا جماعة مش فارقة موديل العربية, تفتكروا خامات ال lx حتفرق عن خامات ال sx؟ هو المصنع هيعمل كام خط انتاج للتابلوه؟

اعتقد الناس ردت واوفت في حق السيراتو.

طب انا هتكلم على السيراتو عشان معايا

ومش هقدر أحكم على الكارينز عشان مدخلتهاش من جوه اصلا

بص ياسيدى انا كان معايا لانسر 2002 (المكوه) وللمعرفة من جوه هيا والبومة اخوات

انا بقه هكلمك عن واقع وعربيتين انا ركبتهم

بالنسبة للانسر مفيش جودة خامات ولا نيلة والله خامات عادية جدااا ولا فيها اى فخامة وكلها بلاستيك ( خامات عاااااااااااادية جدااا ومش سيئة بالتأكيد )

بالنسبة للسيراتو انا مش شايف اى خامات سيئة خاالص ولا عيوب تقفيل ولا اى حاجة ( على فكرة لو فيها حاجة مش كويسة هقول عادى انا مش بوصف بنت أختى )

ياجماعة بأمانة الله الخامات جيدة جدااا ده إن مكنتش ممتازة

للعلم عربيتى هاى لاين خليجى

ويمكن اللى خلاك تقول خامات السيراتو سيئة جداا فأكيد انت ركبت اول فئة LX لأن لو قولتلى انك ركبت الفئة الأعلى ابتداءا من SX يبقى اسمحلى , فبكل تأكيد الكلام ده غير صحيح :))

انا متوافق جدا معاك على فكرة لانى فعلا ركبت فئات الوكيل كلها بس فعلا الlxوحشه جدا جدا و exمتوسطه انما sxفوق الممتازه بصراحه وعلى فكرة عربيتنا خليجى فيها كل الاوبشنز ماعد البصمه واللايت سينسور والباركنج سينسور انما باقى الاوبشنز كلها متوفره زى التكييف التاتش و حتى فتحه السقف .

وفى حاجه كمان انا كان معايا بومه مش 2002 بقى لا ده كانت 2008 بتاعه واحد صاحبى و تعتبر بحالتها هو بيديها لاصحابه المقربين اوى زى ايجار كده من غير ورق و من غير حاجه(اقصد انها مش عربيه متبهدله و ايجار)وطبعا اخدتها منه قبل ما نجيب السيراتو و من بعدها اقنعت اخويا بالسيراتو بسبب موضوع الخامات الداخليه ده انا نفسى اعرف ازاى البومه من جوه حلوه اذا كان التابلوه بتاعها اصلا مفيهوش حاجه علشان تبقى حلوه يا جماعه ده عربيه 2008 و شرايط كاسيت
لو حضرتك اتكلمت فى حاجه تانيه غير صالون و خامات اوافقك زى مثلا سعر اعاده البيع او انها من شركه عريقه زى ميتسوبيشى انما موضوع الخامات ده اسمحلى مش موافقك انما لو حضرتك كنت شفت الlx&ex فحبقى برضه موافقك لانهم بصراحه من جوه متواضعين جدا

وياريت حضرتك تتقبل مرورى و اسف للتطويل و الموضوع برضه ازواق

(ولولا اختلاف الازواق لبارت السلع)