:U_thin1[1]:
انهي منتدي تاني؟؟
A.Yakout
اللى بيحط اللينك بتاعه في مشاركاته
يا سيدي اللينك اللى هو بيحطه وخلاص
ياقوت خش موضوع محمود بكر
أنا متفق مع حضرتك جداً , وإن شاء الله الراجل دة هيصلح كتير واحدة واحدة , وتفتتكروا بعد الجولة دي باقي المدارس هتبقى عاملة إزاي؟؟ أكيد كلة هيحترم نفسة ويمشي على العجين ميلخبطوش.
وإن شاء الله الدور الجاي على الدروس الخصوصية لأن أعتقد انة ممكن يرفد مدرس بيدي دروس خصوصية .
أنا متفائل.
انا والله قلت كده من الاول الراجل ده محترم وان شاء الله هانتغير على ايده هو حلاوته انه زكى اه شادد بس محترم وعاجبنى وربنا يستر ونتعدل على ايده
وبلاش بقى نقول مش هايعمل حاجه مفروض نشجعه مش نثبطه
اهو كدة الكلام و لا بلاش بس يستمر
يرفد مدرس بيدي دروس خصوصية ؟؟؟؟؟؟؟؟؟؟؟؟؟
كدة يبقي وزارة التربية والتعليم هترسي على الوزير لوحده
مفيش مدرس مش بيدي دروس
والوزير اللى انتم فرحانين بيه ده وزير اعلانات وشو وراجعوا تاريخه وانتم تعرفوه مش علشان عمل حركة سينما واستعراض بايخة يبقي وزير فاهم ومحترم
والله لو محترم مكانش منع البنات المنقبات انهم يمتحنوا الا لو قلعوا النقاب
لو محترم مكانش يشتم العمالة المؤقتة
لو محترم مكانش يفصل ناس هو نفسه السبب في تاخيرهم
لو كان محترم كان عامل زمايله في الجامعة باحترام
ده انسان لا يقل سوء عن ابوه واللى مش عارف ابوه يسئل اللى يعرفوه
بالنسبه لموضوع الدروس الخصوصيه اعتقد انه صرح قبل كده انه مش ضد الدروس الخصوصيه بشرط ان اللى المدرس بيشرحه فى الدرس يشرححه فى الفصل فى المدرسه و اعتقد ان ده كلام عاقل كده , يعنى قصده المدرسين يشرحه بضمير فى المدرسه و اللى بقى فهمه ضعيف او غاوى يدفع فلوس و خلاص يروح ياخد درس خصوصىاقتباس:
أنا متفق مع حضرتك جداً , وإن شاء الله الراجل دة هيصلح كتير واحدة واحدة , وتفتتكروا بعد الجولة دي باقي المدارس هتبقى عاملة إزاي؟؟ أكيد كلة هيحترم نفسة ويمشي على العجين ميلخبطوش.
وإن شاء الله الدور الجاي على الدروس الخصوصية لأن أعتقد انة ممكن يرفد مدرس بيدي دروس خصوصية .
أنا متفائل.
ياريت تشوفوا حل لامبراطوريات الدروس الخصوصيه والتى بسبها انهار التعليم وتحول الى بسنس مقابل الحصول على شهادات لاتنفع حاملها ومبالغ طائله فى جيوب المدرسين . نحتاج لحل لهذة المشكله
من ذلك ال........... ايه
حدد تقصد من مين بالظبط ؟؟؟؟؟؟؟
الاسد الكبير اللواء زكى بدر ...............................................
والد الوزير
اسلوب فاشل منذ اللحظة الاولى ولا يمكن يكون حل مشكلة التعليم بهذا الاسلوب ونقل المعلمين من مكان لمكان كعقاب لن يفعل شيئا هو الراجل ده موش عارف انه كل المدارس الحكومية فى مصر زى المدرسة اللى زارها بالضبط واسوا منها كمان وكان من الاولى وضع خطة لتطوير التعليم وتغيير المنظومة كلها من المعلم الى فراش المدرسة ولكن هى دى مصر يا عبلة تفتقد الى التخطيط فى كل المجالات وهذا نموذج للعشوائية فى الادارة والوزير السابق كان عنده تصور وتخطيط افضل من بدر الف مرة وتوقعوا الاسوا اذا كان تفكير الوزير بهذه الصورة
ياسادة معلش أنا مع الوزير فى اللى عمله...ليه؟.... مبدأيا ناظر المدرسة مش موجود!!! بالتالي إذا كان رب البيت بالدف ضارباً فشيمة أهل البيت الرقص ، ثانياً....للأسف إحنا شعب نخاف مانختشيش ، بالتالي هو قاصد إنه يعمل شو إعلامي عشان يعمل ردع عام للمدارس التانية!
طيب بتقولوا إن أحوال المدرسين سيئة...طيب ماأحوال الجميع سيئة!!! وطبيعي إنك حتلاقي وسط المدرسين دول ناس عندها ذمة وضمير بتيجي فى مواعيدها وبتعمل اللي عليها لأنها بتعامل ربنا سبحانه وتعالي قبل أي مخلوق!
وبرضه ما ننساش إن العيب فينا إحنا لأن لو كل واحد عمل اللي عليه (ودي حط تحتها 300 خط) ماكانش حالنا بقي كده!!!
تحياتي.
طيب اكيد يعنى كل ابن ادم خطاء مش هايكون يعنى 100 فى 100 اكيد عندو جوانب بايظه بس زى م الناس قالو ايه الى حصل دلوقتى مش الناس التزمت شوية عشان خافو يحصل فيهم كده يا راجل بجد لازم نقول الحقيقه انا عارف انه ممكن ميكونش حلو اوى بس اكككيييييد احسن من الجمل ودى انا متأكد منها
وطبعا كلامك معروف يا باشا ومعروف مين ابوه ههههههههههههه
بس بردو انا حاسس انه هايطور الدنيا شوية قبل ما يطير ويجى اللى بعده
انا فاكر انى كنت بروح المدرسه الساعه 10 دلوقتى بشوف ناس فى مدرستى بتاع زمان بيروحو من الساعه 7 عشان بقو بيعلقوهم ههههههههههههه
نفع ولا لا بقى مش المثل اشتغل ؟؟؟
:b4_388:
طيب ممكن سؤال بقى لل حاسس انه وزير اى كلام انت لو وزير هاتعمل ايه مكانه عشان انتو شايفين كل الطرق غلط ؟؟؟؟؟
سؤال صعب عايزين نشوف بقى .؟.؟؟
هو ابوه كان اسد ؟؟؟؟؟؟؟؟؟؟؟؟
مش هقول حاجة علشان لا يجوز غير الرحمة مش اكتر
يبقي يقابلني لو قدر يقضي على الدروس الخصوصية دي بقت ادمان العيل في اولي ابتدائي بياخد دروس وفي الجامعة بقة بياخد دروس عايزين ايه تانى التعليم انهاااااااااااااااااااااا ر
1- اعادة النظر في الكتب التعليمية بمعني الكلمة يعني مش مجرد شيل عفيفي وحط حسين لا
تطوير المناهج بمعني الكلمة
مش منظرة وشوية اجهزة كمبيوتر والعيال مفيش حمام يدخلوه
يبقي الاول نغير الكتب ونخليها السهل المممتنع سهلة بحيثص الطلبة ييستوعبها بسهولة وفي نفس الوقت تقدم مادة عليمة حقيقية مش دش وخلاص
2- اعادة النظر في هيئة الابنية التعليمية كلها مصدر فساد كبير واعادة توزيع المدارس جغرافيا وسكانيا وتحسين المدارس نفسها
3- رفع مرتبات المدرسين بدرجة معقولة وتطبق الزيادة على الجميع سواء اداري او تعليمي مع التفاوت في الزيادة بس الحد الادنى يكون كافي بمعني الكلمة يعني الف جنيه وانت طالع
وفي المقابل زيادة اليوم الدراسي يبدا من 8 ص الى 5 م الطالب يعمل فيه كل حاجة حتي الواجب بحيث انه يروح البيت مفيش غير راحة ولعب ونوم
وبالتالي الطالب هيقعد اطول وقت ممكن في المدرسة ويدرس مناهج معقولة ويروح البيت على 6 او 7 بالليل يعني مش هيقدر ياخد درس ولا نيلة
والمدرس رفعت اجره وبالتالي المدرس اللى يثبت عليه الدروس الخصوصية يبقي فصل نهائي
حد يقولي وهتمول زيادة المرتبات منين بسيطة يا باشا الدروس الخصوصية بينفق عليها ما لا يقل عن 20 مليار جنيه سنويا و دي احصاءات رسمية كل اللى هعمله انى هخلى التعليم الابتدائي والاعدادي اللى هو التعليم الاساسي مجانى بعد كدة عايز ثانوية عامة يبقي يا اما تكون متفوق ومجموعك اكتر من 90% يا اما تدفع مصاريف تعليمك زيك زي المدرسة الخاصة
وكمان افرض رسوم على المدارس الخاصة نسبة معينة من الارباح بتاعتها لتمويل التعليم العام
ايه رايك ؟
اه صحيح افتكرت بمناسبة حركة الشو بتاعة الوزير
انا بقة لو وزير التفتيش بتاعي مش هايبقي على مدرسة واعمل شو
التفتيش هايبقي الاول على مديريات التعليم والادارات لان دول ضامنين ان الوزير مش هيروح لهم وبالتالي قمة الفوضي عندهم ولما بيبقي عندهم فوضي بتبقي المدارس فوضي بس مفيش وزير بيروح لهم لانهم مش مادة للشو الاعلامي
والامر بردو ميمنعش من الزيارات المفاجاة للمدارس بس مفاجاة بمعني الكلمة وفي محافظات مختلفة خاصة البعيدة عن القاهرة وفي الاوقات والايام غير المتوقعة
طبعا بشكرك على الرد بس عندى تعقيب على كام نقطه كده
1- بتاع حضرتك عشان نغير النتاهج محتااج سنين تعديل وناس بتفهم ودى حاجه مفتقدينها واتنى حاجه عايز وقت طوييييييييييييييييييييييي ييييييييييييييل يعنى مش فى يوم وليلة
2-ازاى هايهد مبانى ويبىنى غيرها ده عايز كده ميزنيت دول ولو معاه الفلوس هايكون اتشال قبل ما المبانى تتبنى :_Alshmokh08[1]:
3- باق الاقتراحات ايفها مناسبة جدا وممكن تتعمل
؟؟؟
بس اصل انت مش عارف ان فى ناس فى المدارس الحكومه مش بتقدر تدفع المصاريف اصلا
فانت لو فرضت اقل من 90 فى الميه يدفع الاميه هاتتنتشر تانى يعنى بردو ماحليناش مشكلة ولا ايه
؟؟
انا مش بحبطك والله بس بزود الواقعية وبحط نفسى مكانه
يا باشا ابدا والله الحوار مع حد محترم زي حضرتك و زي معظم الناس هنا بيسعدني اكتر ما بيحبطني وبينور عينيا على حاجات ممكن مكونش واخد بالي منها
وبردو فيه حلول بص يا سيدي:
1- تعديل المناهج مش كارثة ولا حاجة لو فيه رغبة اقل من سنة واحدة وحياتك تكون كل المناهج اتغيرت وبتدريج مفيهوش صعوبة واساتذة المناهج وطرق التدريس عارفين الكلام ده كويس
وبعديم ما احنا ضيعنا اكتر من 20 سنة بنعدل ونغير في مناهج وبدون فايدة يبقي نضيع كمان كام سنة بس للصح
2- انا مش ههد المباني الموجودة بالعكس هحافظ عليها واعملها تطوير حقيقي
يعني بدل ما اصرف مليارات علشان كل مدرسة اعمل فيها معمل كمبيوتر مقفول والعيال مش بتدخله وعليه بوابة حديد واللى مسكه بتاع انشطة مش فاهم الفرق بين ويندوز 98 وويندوز 7 هعمل حمامات نضيفة للعيال واجيب كتب للمكتبة واعمل معمل حقيقي واعين مدرسين تكنولوجيا دي شغلتهم
والمبالغ سهلة تتوفر لو فيه رغبة
مبدئيا جيش المستشارين والعمولات من ورا طباعة الكتب المدرسية تتلغي
3- التعليم مجاني تماما وحقيقي من غير الحوجة للدروس لنهاية التعليم الاعداداي اللي هو التعليم لااساسي بعد كدة الثانوي العام بمصاريف حقيقية تغطي التكلفة واللى يجيب اكتر من 90% معفي من المصاريف دي واللى اقل من 90% يدخل تعليم فني واهتم بيه علشان يخرج فنيين بجد ويسد العجز الرهيب في العمالة المدربة
ايه راي حضرتك ؟
فكرة جيدة وإن كان يمكن تعديلها بحيث تصلح للتطبيق تدريجيا أو بحسب ما تفيد به الدراسة الواقعية لأوضاع المجتمع بحيث يسهل تطبيقها ولا تؤدي إلى حدوث مشاكل اجتماعية نتيجة لهذه النقلة
المشكلة هنا مش في الفلوس اللي حتدفع في الثانوية العامة غير المجانية لأن الناس كده كده بتدفع وإنما المشكلة في إجبار الباقين على التحويل إلى التعليم الفني...هذا له فوائد كبيرة بلا شك ولكن الموضوع يحتاج إلى دراسة
الاول اهلا بيك يا بحري باشا
بص يا سيدي احنا كشعب مصري اتعودنا دايما ان القرارات تيجي من فوق ومحدش بيقدر يعترض عليها
لما اقول فني يبقي فني واللى مش عاجبه يدفع لابنه فلوس التعليم في الثانوية العامة التكلفة الحقيقية
وعلى فكرة التعليم الفني منتشر جدا في الارياف لكن للاسف العيال بتطلع بهايم لان مفيش تعليم حقيقي احنا بقة نخليه تعليم فني حقيقي والعيال دول يطلعوا صنايعية فاهمين بجد وكدةن دخلهم هايبقي اعلى من اي خريج جامعة و ده اللى يهم الفئات دي
بلاش يا جماعة نتبادل الشاعر السلبية ونقف مكانا المهم البداية والراجل ده بيبتدى كويس وبعدين شو اعلامى ولا مش شو اعلامى المهم الهدف من ده وانا شايف ان الهدف حيتحقق بسياسة الثواب والعقاب والخوف والترهيب والاحساس بوجود رقيب
السلام عليكم جميعا
مع اعتذارى للجميع هل يقبل احدكم ان يهان والده امام العالم بهذا الاسلوب و هذه السخرية امام العالم كله .
هل تناسيتم جميعا حديث الرسول ص الذى معناه تجنبوا اصفرار الوجوه ؟
ماذا لو كان هذا الناظر مصابا بالقلب و مات فى حال سماعه كلمات هذا الشخص هل كنتم ستقفوا معه ام مع الوزير ؟
و هل النقل من مكان الى اخر هو الحل ؟
ع فكرة هو المرة ده نقل الناظر و المدرسين المرة الجاية هينقل الطلبة ع الاحداث و اولياء الامور ع السجن علشان يطهر المدارس
ارفض بشدة هذا الاسلوب الغير حضارى
لا يا استاذ حسام بختلف معاك جدا
ده مش ثواب وعقاب
ده استعراض وشو اعلامي ليس الا
لو عايز يعمل ثواب وعقاب بجد كان نزل من غير جيش المصورين اللي معاه
اولا يا اخ اشرف الناظر مهمل جدا وغلطان ومالهوش حق يفتح بقه بكلمة
ولكن
مش من حق الوزير انه يهينه وعلى فكرة الفيديو اللى اتوزع على القنوات مقطوع منه الجزء بعد ما الوزير بيقوله اهلا بالسيد ناظر المدرسة وبعد كدة نقلوا على الوزير في الفصول ومن معرفتي بالرجل انا متاكد انه فضل يهزا في الراجل ومسح بيه الارض
وعلى فكرة هو غالا هايجيب لهم قرارات اعتقال ماهو متعود عليها من ايام ابوه
في مثل بيقول امشي عدل يحتار عدوك فيك
ومثل تاني بيقول صنف يخاف ما يستحيش
ومثل تالت اضرب المربوط يخاف السايب
لو الناظرده مدير لمدرسته الخاصة كنت هتلاقيه ماشي زي الالف
لكن عشان احنا شعب اتعود على السبهللة ومش لاقي حد يوقفه عند حده اصبح الاهمال في العمل والاستهتار شيء عادي
الخطوة دي كان لازم ولابد منها
الناظر اللي اتهزأ على الملأ واتنقل لمحافظة تانية هايمشي بعد كدة على العجين ميلخبطوش وهايمشي المدرسة على العجين متلخبطوش
وبعدين لو عنده القلب ومات لا قدر الله من كلام بني ادم زيه يبقه قلة ايمان
ياريت الوزير وكل وزير وكل راعي يعمل زيه صدقني حالنا هايتصلح فعلا والفساد اللي عايشين فيه هايختفي تدريجي
واحنا في المدرسة كنا نهتم بالهوم وورك والمذاكرة للمدرس الشديد في المعاملة واللي بيعمل تفتيش مفاجيء واللي بيعمل امتحانات مفاجئة
اما اللي المدرس اللي كان بيكبر دماغه كنا بنكبر دماغنا احنا كمان عن مادته
دي طبيعة البشر لازم من الثواب والعقاب عشان البني ادم يمشي عدل
اتفرجتوا على الوزير مع منى الشاذلي امبارح؟؟
الله ينور عليكى .. تمام كده
الاجانب ملتزمين مثلا بقانون المرور مش علشان هما ملايكة ... لاء .. علشان عارفين
ان فيه قانون صارم هيطبق عليهم والقائمين عليه صاحين مش نايمين ....
فاكرة المترو ... قعد سنين طويلة زى الفل وفى منتهى النظافة لما كانت الغرامة بتطبق
وما كانش حد يستجرى يرمى زبالة ولا ينزل وفى ايده سيجارة - شوفى دلوقتى شاكله ايه
1- انا معاكي في ان الناظر مخطئ طبعا يستحق العقاب لكن العقاب القانوني مش انه يتهزأ وتتذاع اهانته على الهوا للناس كلها
وعلى فكرة الناظر ده هتلاقيه هيرفع قضية في القضاء الاداري وهيرجع تاني نفس الادارة التعليمية
الموضوع مش فوضي
وعلى فكرة احمد زكي لما كان رئيس جامعة عين شمس القضاء الاداري الغي معظم قراراته زي قرار منع المنقبات من اداء الامتحان وتحويل المدرسين المساعدين والمعيدين لاداريين
ده راجل فوضوي بيطلع بقرارات من غير ما يشوف مدي صحتها من الناحية القانونية
2- يا ريت محدش يعمل زي احمد زكي بدر حضرتك بتقولي كدة علشان شفتى الحتة بتاعة التليفزيون لكن مشفتيش ازاي كان بيتعامل مع الاساتذة في عين شمس وهم زيه على نفس المستوي الاكاديمي لكن على المستوي لاخلاقي احسن منه مليون مرة ده انسان غير محترم وفوضوي وكل همه الامن وبس
تخيلي لما كان رئيس جامعة عين شمس الحرس منع استاذ يدخل بعربيته رغم ان ده حقه القانوني ولما الاستاذ رفض ظابط الحرس ضرب الاستاذ فما كان من رئيس الجامعة الهمام الا انه احال الاستاذ للتحقيق طبعا مسخرة
3- قبل ما تطلبي من المدرسين انهم ميكبروش دماغهم المفروض الاول نشغل كل واحد في تخصصه انا في يوم من الايام اتعينت في التربية والتعليم لكن في غير تخصصي تماما واشتكيت وعملت فيلم وحوارات علشان اتنقل لتخصصي اللى انا متفوق فيه اصلا وبردو رفضوا واخر مرة مدير المديرية وكيل الوزارة المحترم قالى الوزارة عينتك في التخصص ده يبقي تخصصك يا عم تخصص معرفش عنه اي كلمة قالى هنعمل لكم دورات دورة ايه دي اللى مدتها اسبوعين تعوض اللى الناس بتتعلمه في سنين من هنا لهنا اتعامل بنفس طريقة احمد زكي بدر واطلع برة ويا حرس ارموه برة فما كان مني الا انى مسحت بكرامته وكرامة اللى خلفوه الارض ولما الحرس جم قلت لهم اللى هيلمسني هنزل اجيب الطبنجة من العربية واضربه بالنار (طبعا مكانش معايا طبنجة ولا حاجة) كله وقف مكانه فضل وكيل الوزارة يهلل وانت متحول للتحقيق ومعرفش ايه قلت له اعلى ما في خيلك اركبه وطز فيك انت والوزارة والوزير
وكان اخر يوم ليا في التربية والتعليم ومرحتش من تاني يوم ومعرفش لسة فاكرين انى عندهم ولا لا
ايام سودة الله لا يعيدها
أهلا بيك يا أستاذ محمد
المشكلة في السيستم كله ومعادلة التعليم = سوق العمل
يعني النهاردة اللي حيقدر يدفع تكاليف الثانوية العامة -وهم كثير بالمناسبة- سيفسدون عليك المنظومة
المطلوب إن التعليم وسوق العمل والوعي الاجتماعي يعتمد الكفاءة كمعيار وحيد بدلا من القدرة المالية والوجاهة الاجتماعية والواسطة والنفوذ
فمجرد إلغاء مجانية الثانوية دون إصلاح هذه المنظومة سيؤدي إلى تقنين أوضاع خاطئة والفلوس كده كده حتدفع
بدل ما تدفع في الدروس حتدفع في المدرسة
غاية ما هنالك إن الميزانية المحددة للتعليم ستقلص...وأي تقليص في الميزانية يصب دائما في الجيوب المعروفة وبالتالي لاجديد تحت الشمس باستثناء تقنين الخطايا
مافيش ناس طبعها محترمين وناس طبعها غوغاء
لكن فيه ناس عندهم نظام والنظام يطبق بحزم
وناس عندهم نظام لكن ماحدش بيطبقه
وناس ماعندهمش نظام من اساسه
......
فيه حكمة قديمة لكن معبرة جدا
من أمن العقوبة .....أساء الأدب
ومن واقعنا المرير .... الشعب المصري في سواده الأعظم ..... آمن تماما من العقوبة .... لأن المسؤلين عن فرض النظام مش فاضيين
انا مؤيد تماما لما فعله الوزير .... لكن ياريت يفضل كدة وما يريحش ف مكتبه زي زمايله
اولا احب اشكر حضرتك على طول بالك ورحابة صدرك
وصراحه الفكره 3- انا اراها جيده جدا مع تعديلات بسيطه بس المشكله ان مش كل الناسبتفكر كده ولو حضرتك الوزير وهاتعمل كده عبل ما تفكر تعمله ولسه هاتبدأ فيه هتلاقى الحركه الجايه جات واتنطرت من الوزاره واللى هايجى بعدك لو محترم يا هيبدأ زيك من الفر ي لو مش هايسيبها ماشية بالبركه ويطلع باكبر كمية من الدراهم
وانا سمعتع امبارح فى الاخبار انه مسك بتاع مطبعه مراته كانت فاتحه مطبعه لحسابها بتصور كتب الوزاره يعنى شكله مش بتع شو اعلامى وبس ولا ايه رأيك وكمان ممكن اه يكون عنده نقص وكل حاجه وبيحب بيظهر بس بيشتغل على حساب المنظره دى فكده احسن من اللى قبله ولا ايه ؟؟؟
وشكرا لطولت بالك على واحد عميل زيى وبجد انا مش متشائم بس بحاول احط نفسى مكان الناس دى
الفكره 2 - محترمه بردو بس المشكله فى عقليات معظم اللى موجودين فى المدرسه اولاد نجاريين واولاد حدادين مع احترامى الكامل للناس دى والله بس بيئتهم مختلفه هو اصلا بيلاقى فى بتهم الدنيا بطيخ هايروح يعمل ايه فى المدرسه اكيد هايعمل زى البيت فلازم تعلم العيال الاول استخدام الحاجت دى ازاى
1- انا سمعته امبارح كان بيتكلم عى الحكايه دى بيقول ان الاطفال فى سنة 1 ابتدائى بيتعلمو 4 مرات ضعف المفوض يتعلموه ( مع انى مش مصدق الكلام ده ) هاهاهاهاها بس هو بردو كان عايز يعدل واتكلم عن كده
واسف على الاطاله
كلام مظبوط بس عندى تعقيب هو محلش مشكله ده زى واحد بيعالج الاعراض بمعنى انو نقل لراجل مدرسه تانيه مهو كده قال خربانه خربانه وهو كده كده بايظ ف مش هايضر فحاجه فاهيفضل زى ما هو المفروض ده يتنقل ادارى ولا يطير اصلا من النظاره ويرجع مدرس ولا جزائات جامده مش ينقلو ؟؟ صح
ودى شوية فيديوهات للجولة اياها و شوية من امبارح هو بيهزأ فى المدير بأدب هههههههه عجبنى صراحه
انا مش متحيزله بس هو جامد كان ينفع كوميدى مع انه قليل الادب شوية
[youtube]http://www.youtube.com/watch?v=yD124cgiWfY[/youtube]
[youtube]http://www.youtube.com/watch?v=HrmtFZm_JX4&feature=related[/youtube]
]
[youtube]http://www.youtube.com/watch?v=tpQCcPFjYms[/youtube]
مش عارف مش راضى يعرض ده ليه بحطه الاقيه مش ظاهر ؟؟؟
[youtube]http://www.youtube.com/watch?v=tpQCcPFjYms[/youtube]
ولو ان السنة الدراسية أوشكت على الانتهاء ... الا ان هناك رأى جديد أحب تعــرفوه
وهو فى جزء من يوميات الأخبار للأستاذ جمال الغيطانى فى جريدة الأخبار النهارده الأربعاء 12/05/2010
#1a2ad6
زيارة مفاجئة
الخميس
يبدأ بعض الوزراء الجدد عهودهم بالزيارات المفاجئة،. واحدثها تلك التي يقوم بها الدكتور احمد زكي بدر وزير التعليم مستهدفا بعض المدارس القريبة من القاهرة،. وينتج عن هذه الزيارات معاقبة بعض المدرسين بنقلهم أو خصم ايام من عاملة نظافة،. أو فراش،. وتلك اجراءات يمكن ان يقوم بها مسئولون اصغر بكثير من الوزير،. فليس من المألوف ان يعاقب الوزير مباشرة عاملة نظافة بخصم بضعة أيام لأن المدرسة في حالة قذرة،. علما ان الريف المصري به مدارس لا توجد بها دورات مياه،. ولم نسمع حتي الآن عن قيام الوزير بزيارة مفاجئة لمدرسة في قنا،. أو الوادي الجديد،. اقصي ما وصل اليه اطفيح في محافظة حلوان،. والطريف ان التليفزيون كان مصاحبا فأي مفاجأة هذه؟.!
في رأيي ان الموضوع يتعلق بفرحة الوزير الجديد بالمنصب،. اذ يفاجأ البعض خاصة ممن لا يمتلكون تكوينا سياسيا أو رؤية ثقافية وعلمية بحجم السلطة التي اصبحت فجأة بين ايديهم.. فيبدأون بتجربة وقع هذه السلطة علي الغلابة ممن لا حول لهم ولا قوة،. فلنتخيل وزيرا في حكومة مصرية يدخل من الباب الخلفي لمدرسة.. وفي نفس اللحظة يكون عامل نظافة جالسا،. أو عاملة نظافة تأكل سندويتشا أو مدرسا منهكا متعبا،. فجأة يجد نفسه في مواجهة الوزير،. الوزير في مواجهة الغفير،. قمة السلطة في مواجهة قاعها،. موقف درامي بامتياز يذكرنا برائد الزيارات المفاجئة في تراثنا العربي،. هارون الرشيد في الف ليلة عندما يتنكر في ملابس تاجر أو درويش ويصحب معه الوزير جعفر البرمكي الذي لا يناله من الخليفة إلا التهزيء والاوامر مستحيلة التنفيذ.. وعليه التلبية فورا وإلا فمسرور السياف جاهز لقطع الرقاب،. الفرق بين زيارات الوزراء الجدد والخليفة ان الخيال الشعبي كان يضع الخليفة في مأزق يمر بها وهو متنكر قد تؤدي به إلي البهدلة لولا تدخل جعفر البرمكي في اللحظة المناسبة،. لكن الوزير يصحب معه التليفزيون والحرس الاشداء وفجأة... بخ... انا الوزير،. في مواجهة من؟ عامل نظافة أو فراش أو مدرس لا يكفي دخله لستره،. الزيارات المفاجئة خفت في الاسابيع الاخيرة بعد ان تأكد الوزير انه وزير،. ومارس اللعبة المرضية للذات،. التمتع بالسلطة الجديدة،. الزيارات لن تصلح حال التعليم ولا العلاج،. ولا أي شيء،. بالنسبة للتعليم انصح السيد الوزير باستعادة طه حسين،. ان يستخرج كتابين ما يحتويانه يمثل برنامجا مازال صالحا حتي الآن،. الاول. »مستقبل الثقافة المصرية.« الصادر عام ثمانية وثلاثين. والثاني مجلد ضخما صدر عن دار الكتب المصرية ويضم مقالات الدكتور طه حسين الخاصة بالتعليم فليقرأهما السيد الوزير جيدا وليبدأ منهما وضع رؤية متكاملة لإصلاح التعليم الذي بدونه لن تتم اي خطوة إلي الامام اما سياسة. »بخ... انا الوزير.« فلن تجدي نفعا..
#1a2ad6
هم يبكي و هو يضحكاقتباس:
الزيارات المفاجئة خفت في الاسابيع الاخيرة بعد ان تأكد الوزير انه وزير
شكرا على الموضوع
بئس التعليم ، وبئس السياسة الجديدة لسيادة الوزير....
التعليم لم يعد يصبح تعليما ،لأني شخصيا وأنا متخرج من الثانوية العامة ولا أعرف أي شئ غير القراءة والكتابة وبعض العمليات الحسابية وشئ من المعلومات العامة. وأكاد أقسم أنه كان لدي زملاء في الجامعة لا يحسنون القراءة ولا الكتابة!!
أعرف رجلا أجنبيا أتحدث معه بالإنجليزية واتصل بي يوما ليرد عليه أخي الذي هو بالثانوية العامة وأخي لا يستطيع التحدث معه رغم أنه يدرس الانجليزية منذ سنين طويلة!!
إن التعليم أصبح مجرد حفظ مناهج لدخول الامتحان للحصول على درجة جيدة تؤهله للالتحاق بكلية قمة حتى يكون ذا اسم في مجتمعه. فكيف إذا سننتج جيلا يحمل هم مسيرة التقدم لهذه الأمة؟
ياسادة التعليم عبارة عن أربعة أشياء:
1. المعلم
2. المنهج التعليمي
3. المدرسة
4. الإمكانيات
أولا - المعلم:
يعد المعلم من أحد أهم الأشياء في عناصر التعليم ، إذ أنه إذا فشل دور المعلم لم يعد هناك أي تعليم. فيجب إعداد المعلمين الذين مسئولون عن نهضة هذا البلد إعدادا نفسيا وتقنيا واقتصاديا. (ماينفعش مدرس مرتبه يكون 300 جنيه ، مينفعش نقلل من شأن دور المدرس ونقول ده حتت مدرس لا راح ولا جه)
ثانيا - المنهج التعليمي:
أصبح الطلاب الآن يصمون المناهج ويحفظونها عن ظهر قلب ، حتى إني لأتذكر بعض الطلاب الذين يذكرون أرقام صفحات الدرس الفلاني والمسألة الفلانية في الصفحة كذا وإجابتها كذا وكذا (حافظ مش فاهم).
وهذا سبب طبيعي لمناهج عافى عليها الزمن وندرس مناهج لم تتطور منذ عقود ولم يعد لها تطبيق عملي في الواقع العملي في العصر الحديث. فيجب تحديث المناهج الدراسية لتواكب متطلبات التقدم العلمي والتكنولوجي الحديث. وأيضا لا بد من التركيز على التطبيق العملي لهذه المناهج ( علشان نكون بجد فاهمين مش حافظين)
ثالثا - المدرسة:
يجب أن يكون المكان الذي يتم فيه العملية التعليمية أن يكون نظيفا، آدميا، جيد التهوية (العيال هتفطس من الحر)، إلخ. إذ أنه من المستحيل أن يكون الاستعداد النفسي للطالب في تلقي المعلومة جيدا وهو في مكان قذر ، غير جيد التهوية.
رابعا - الإمكانيات:
لابد من توافر الامكانيات لتطبيق العلوم مثل الحاسب الآلي والمعامل المتقدمة والحديثة لمواكبة العصر الحديث.
وأختم ، أصلح الله حال المسلمين.