جولة وزير التعليم امبارح لوووووووز جدا - عاوز اشوف تعليقاتكم
[youtube]http://www.youtube.com/watch?v=OuWmGLJ6Hk0[/youtube]
جولة وزير التعليم امبارح لوووووووز جدا - عاوز اشوف تعليقاتكم
[youtube]http://www.youtube.com/watch?v=OuWmGLJ6Hk0[/youtube]
قفشهم متلبسين....!!!! :khd:
لأ بس لووووووووز فعلا يا هندسه... ههههههههههههه :C_laugh[1]:
[youtube]http://www.youtube.com/watch?v=UN7vXAi501M[/youtube]
رغم انى سمعت اللى كرهنى فى الراجل ده اول ما مسك الوزاره
بس دلوقتى حاسس انه ممكن يكون فيه امل
او سراب
زى المثل الزيمبابوىى ما بيقول
الغربال الجديد بينخل كويس لحد ما يليس
الترجمة اتيه:10_1_102v[2]:
أنا نفسي يروح المدرسه اللي كان جايبها عمرو اديب قبل كده في القاهره اليوم اللي كانت في السويس
تقريباً... و يقوللي دول يتعمل معاهم ايه, و غيرهم كتييييييييييير في البلد, العيال مابتعرفش تقرأ أصلا
عموما هو كده كده مش هيستنى كتير زي اخواته سواء كويس او وحش... :36_1_50[1]:
عادل امام فى التجربة الدينماركية
هههههههههههههههههههههههه
كله مقضيها تمثيل
بالرغم اني مكنتش متفائل بيه اول ما جه لكن دلوقتي اتمني مصر كلها تكون الوزير ده
الوزير مش هيغير حاجة
لانه بالضبط عامل زي الي بيضرب في الميت لا الميت هيحس ولا هيقوم من الممات الي هو فيه
هي وزارة التربية والتعليم عاملة ازي الميت والوزير عمال يخبط فيها لكن كل اعضاء الميت فاسدة
تفتكروا ايه العمل
ده نتاج سنين طويلة من الفساد وسوء الادارة والتنظيم وسوء الخلق وتدني المستوي الثقافي بوجه عام وفقر واستهتار بحقوق الاخرين منتظرين اية هيجي هو هيعدلها في كام سنه ده اذا فضل مكانة
خربت خلللللللللللللللللللللللل لللللللللللللللاص
خربت
:I_angr1[1]::I_angr1[1]::I_angr1[1]::I_angr1[1]:
دى تمثيلية ارهاب ومنظرة
لامم معاه جيش من الصحفيين و الصحفيات
وعمال يشخط و ينطر فى المدرسين و الناظر الغلبان قدام الطلبة
ولو تلاحظم ان الفيديو متصور رسمى و متوزع على كل الفضائيات هو نفسه
وفى مدرسة البنات وقف يشرح لهم نظرية فيثاغورس !!
طب لما ينقلهم لو وحشين ايه ذنب المدرسة اللى هيروحو لها
هل درس الامكانيات المتاحة ؟
ولو دققت فى الفيديو تلاقى المدرسة اللى بيقول عليها ( زبالة ) بالنسبة لمدارس اخرى تعتبر زى الفل
انا معترض على الاسلوب الامنى و الالفاظ التى لايجب ان تصدر من وزير
مع احترامي لكلام حضرتك يا استاذ جمال
حضرتك بتتكلم عن مدير مدرسه جاي بعد الحصه الاولي
طيب مستني ايه من الطالب عايزه يجي امتي؟؟
وواحد جاي وجايب ابنه معاه
والتاني مدرس الالعاب قاعد في الحوش ومطلعش ياخد الطلبه من الفصل
ومدرسة التربيه الزراعيه الي هيا مشرفة الدور مش موجوده
والواد الي جاي المدرسه بدون ولا كتاب
طيب حضرتك الناس دي اصلا محترمتش نفسها
عايزه يحترمهم ازاي؟؟
من حقه يشخط وينطر الراجل متلفظش باي لفظ بزيء بس هزق مدير المدرسه بالذوق
يا عيني علي مدير المدرسه اصراحه راجل صباح التقوي
الي كان داخل وعاملك فيها شيخ منصر وداخل بادواته وشنطته وبتاع وقبل اي كلمه الابتسامه البشوشه والسلام عليكم ورحمة الله
ومفيش جدول حصص وفي قرار جايله يوم 23 وماضي عليه يوم 25 كان فين في اليومين الي فاتوا دول؟؟
ولما بيقوله تدي الواد 15 يوم قبل ما تمشي قاله الواد ده كل يوم بيتفصل هوا ده رد مدير مدرسه اصلا؟؟؟
وفي الاخر ضحكوا عليه ودخلوه معمل كده بعد ما نضفوه وظبطوه وجابوه فيه العيال المستحميين الضناف المتفوقين بتوع المدرسه
حضرتك دي مش مشكلة امكانيات
اقل حاجه قبل الامكانيات الالتزام والمدرسه دي مفيهاش ريحة الالتزام اصلا
وحضرتك لما بتقول ان المدرسه دي نضيفه ومنضبطه بالنسبه لمدارس تانيه
يبقي بقي المدرسين والاداريين في المدارس التانيه يستحقوا اعدام
اخر نقطه يا استاذ جمال بتاعة الاسلوب الامني
حضرتك احنا شعب نموت في نصب الموالد منجيش الا بكده :khd:
وزي ما قلت لحضرتك في اثناء الزياره راحوا موضبنله معمل كده وجابوا فيه كام عيل نضيف وشكرا علي كده
وده الي كان هيحصل لباقي المدرسه لو كانوا اخدوا خبر ان الوزير جاي
لازم الزيارات تكون مفاجئه علشان يشوف الوضع علي حاله
انا بحترم اراء حضرتك جدا وبقدر حضرتك جدا جدا بس بصراحه الناس دي تستحق الي حصلها وزياده
والمفروض ميبقاش قرار نقل بس لانه كده كان رحيم بيهم المفروض كان يبقي قرار اقاله لان الناس دي مش مراعيه ضميرها ومش محترمه لقمة عيشها
A.Yakout
دوام الحال من المحال.......الحكاية ده مش عاملة زى الضرب فى الميت...مع احترامى للاستاذ محمد...
فيه أمل...
شوفوا الفيديو ده الكلام فيه واضح
YouTube - ‫ظˆط²ظٹط± ط§ظ„طھط¹ظ„ظٹظ… ط£ط.ظ…ط¯ ط²ظƒظٹ ط¨ط¯ط± - ط²ظٹط§ط±ط© ظ…ظپط§ط¬ط¦ط© ظ„ظ…ط¯ط±ط³ط© ظ…طھط³ظٹط¨ط©‬‎
في جزء لما بيقوله امال فين الطلبه بتوع الفصل ده كان في الجدول عليهم ماده مش عارف ايه ومش لاقي ولا طالب في الفصل
راح بيقوله
اصل .... اصل ..... اصل.....
ههههههههههههههههههههههه
فكرني باستاذ ملواني بتاع مدرسة المشاغبين
A.Yakout
إشمعنى المدرسة دي ..
كل مدارس مصر كده و أسوأ ..
و الوزير عارف كده ..و عارف إن التعليم في مصر فاشل و مش هاينصلح بالزيارات و الشخط و النقل ..
الهدف من الزيارة الشو الإعلامي في رأيي المتواضع
مش قادر احكم عليه اذا كان كويس ولا بيحب الشو الاعلامى !!!!!!!!!!!!!!!!!!!!!!!!!!!!!!!!
المشهد ده فكرنى بعادل امام فى فيلم التجربه الدنماركيه
لما بيقولك اصل دخلت فرج الليله
بالظبط نفس الموقف بس فى مدرسه
نجى للجد
انا شايف انها زياره ناجحه جدا وهو ده الاسلوب اللى لازم يمشى فى مصر ويتبع الزيارت المفاجه والشغل الامنى دى هو اللى بيجب نتيجه للاسف معانا ولازم شو اعلامى علشان بقيت الناس تعرف ان ممكن يكون الدور عليهم بكره
متمسك باخر قشه امل فى انصلاح حال التعليم فى بلدنا علشان ده هو اللى هيقوم عليه الامه
ربنا معانا ومع كل واحد بيحاول بجد يصلح فى البلد
الوزير ده راجل في مدير مدرسه يتأخر أمال الطلبه تعمل إيه بقى
سؤال هل في مدير مدرسه النهارده غاب أو إتاخر بعد ما سمع اللي عمله الوزير
والله وزير تعبان واللى بيعمله ده للشو الاعلامي مش اكتر
وهو في عين شمس معملش اي حاجة ولا اصدر اي قرار غير القرارات اللى تعمل ازمة علشان الشو الاعلامي زي قرار منع المنقبات من دخول الامتحانات واللى المحكمة الادارية العليا هزأته بسببه
وزي قرار تحويل المعيدين والمدرسين المساعدين لاداريين واللى كان هينضرب بسببه
وبعدين بيتشطر على حلوان
فيه مدارس في الارياف والصعيد لامؤاخذة في زرايب المواشي ومدارس تانية مفيهاش حمامات اصلا
لا بس الموضوع عامل صدى في المدارس
اولادي راجعين امبارح من المدرسة بيتكلموا على الموضوع
على رأي المثل
اضرب المربوط يخاف السايب
وانا استغليت الموضوع وخوفت العيال انه هايجي يفتش على ضوافر الرجلين وعملت لهم ارهاب نفسي :pointi~2[2]:
+1111111111111اقتباس:
مع احترامي لكلام حضرتك يا استاذ جمال
حضرتك بتتكلم عن مدير مدرسه جاي بعد الحصه الاولي
طيب مستني ايه من الطالب عايزه يجي امتي؟؟
وواحد جاي وجايب ابنه معاه
والتاني مدرس الالعاب قاعد في الحوش ومطلعش ياخد الطلبه من الفصل
ومدرسة التربيه الزراعيه الي هيا مشرفة الدور مش موجوده
والواد الي جاي المدرسه بدون ولا كتاب
طيب حضرتك الناس دي اصلا محترمتش نفسها
عايزه يحترمهم ازاي؟؟
من حقه يشخط وينطر الراجل متلفظش باي لفظ بزيء بس هزق مدير المدرسه بالذوق
يا عيني علي مدير المدرسه اصراحه راجل صباح التقوي
الي كان داخل وعاملك فيها شيخ منصر وداخل بادواته وشنطته وبتاع وقبل اي كلمه الابتسامه البشوشه والسلام عليكم ورحمة الله
ومفيش جدول حصص وفي قرار جايله يوم 23 وماضي عليه يوم 25 كان فين في اليومين الي فاتوا دول؟؟
ولما بيقوله تدي الواد 15 يوم قبل ما تمشي قاله الواد ده كل يوم بيتفصل هوا ده رد مدير مدرسه اصلا؟؟؟
وفي الاخر ضحكوا عليه ودخلوه معمل كده بعد ما نضفوه وظبطوه وجابوه فيه العيال المستحميين الضناف المتفوقين بتوع المدرسه
حضرتك دي مش مشكلة امكانيات
اقل حاجه قبل الامكانيات الالتزام والمدرسه دي مفيهاش ريحة الالتزام اصلا
وحضرتك لما بتقول ان المدرسه دي نضيفه ومنضبطه بالنسبه لمدارس تانيه
يبقي بقي المدرسين والاداريين في المدارس التانيه يستحقوا اعدام
اخر نقطه يا استاذ جمال بتاعة الاسلوب الامني
حضرتك احنا شعب نموت في نصب الموالد منجيش الا بكده
وزي ما قلت لحضرتك في اثناء الزياره راحوا موضبنله معمل كده وجابوا فيه كام عيل نضيف وشكرا علي كده
وده الي كان هيحصل لباقي المدرسه لو كانوا اخدوا خبر ان الوزير جاي
لازم الزيارات تكون مفاجئه علشان يشوف الوضع علي حاله
انا بحترم اراء حضرتك جدا وبقدر حضرتك جدا جدا بس بصراحه الناس دي تستحق الي حصلها وزياده
والمفروض ميبقاش قرار نقل بس لانه كده كان رحيم بيهم المفروض كان يبقي قرار اقاله لان الناس دي مش مراعيه ضميرها ومش محترمه لقمة عيشها
a.yakout
أنا موافق على الكلام ده و حتى لو فرضنا ان الوزير بيعمل كده و عاوز يورى الناس و التليفزيون انه بيعمل كده , ده مش مهم عندنا و لا يهمنا هو بيعمل كده علشان شو ولا مش شو و لا نيته ايه المهم ان اللى بيعمله صح و ان المدارس التانيه لما تشوف كده حتخاف و تلتزم و على الاقل لما يطلع كده فى التليفزيون بيعمل زيارات مفاجأة يبقى قدوره لغيره و يغيروا من سواء بيستعرض او لا المهم ان حال المدرسه دى اكيد حيتصلح ولو بنسبه , عقبال ما يعملوا زيارات مفاجأه للمصالح الحكوميه
انا فاكر لما قريت خبر تعينه من مصراوي كان الناس بتهاجمه من قبل ما يمسك و تقول هيخربها و يقعد على تلها و الكلام ده .. بس إظاهر انهم كانو غلط ..
انا شايف ان بالزياره دي اكيد اكيد المهملين هيتعدلوا لوحديهم لإن فعلا المثل اللي بيقول اضرب المربوط يخاف السايب حقيقي 100% : ))
ههههههههههههههههههههههههه ههههههههههههههههههههههههه ههههههههههههههههههههههه
مش قادر اقولك غير (مع احترامي الكامل ليك يا دكتور )
يخربيت سنينك موتتني من الضحك
ههههههههههههههههههههههههه ههههههههههههههههه
ههههههههههههههههههههههههه هههههههههههههههههه
واحب اضيف معلومه للاخوه الاعضاء
ان ابوه كان عكسه
يعني اي تجمع جوه فصل دراسي مكانش بيتكلم عليه
انما اي تجمع في اي مكان كانو بيتنفخوا
والله لو كان لسه موجود ما كنت فكرت اعمل مقابله للمنتدي
او اتجمع مع اكتر من نفرين منكم
ههههههههههههههههههههههههه ههههههههههههههههههههههههه ههههههههههه
حبيبي يا شنوري....معايا إنت على الخط.....بس خد بالك أنا عملت اللي عليا وقلتلك إيه اللي في الشارع اللي ورا شاليه المعمورة ساعة لما كنا بنوزع الهدية ...وإنت حر اعمل مقابلات براحتك
انا رأيي المتواضع ....
مش بس المدارس...
المصالح الحكومية
المرافق العامة
الشركات العام والخاص
المجالس النيابية
الاعلاااااااااااااااااااا ام
الداخلية والخارجية
الأنشطة الرياضية
الاطفال في مدارسهم
الناس في الشارع
............
95% من الشعب المصري ان لم يكن اكتر ....... عاوز يتربى من جديد
وانا كدة كمان مجامل علشان بلدي
حسبي الله ونعم الوكيل
كل اللى عمله كويس لكن هيستمر فى المتابعه ولا دى حركات الغربال الجديد افلح ان صدق
هذا الشبل من ذلك ال...........
دى مش اول مرة يعمل كدة ( زى ما هو قال فى الحياة اليوم)
بس المرادى الاعلام كان مصر انه يجى معاه ( على كلامه برضة)
ومع احترامى للجميع، يا ريت يا جماعة يبقى عندكم امل، بلاش النظرة الأنهزامية دى
بيتك ان مكنتش تخاف عليه وتراعه، محدش هيأمنك على بيته ويستقبلك فيه وهو راضى.
يا ريت كلامى ميكنش زعل حد :)
يا جماعة حرام يبقى الراجل عارف ان الميزانية المخصصة للمدرسة تقريباً شبه معدومة وييجى يقول دى زبالة مش مدرسة
والله حرام ...
بص
هوه ده اسلوبه زى مانت شايف و مش محتاج يتوصف
يعنى الراجل ده تقريبا كان بيضرب المؤقتين فى عين شمس
الراجل ده لما كان طالب فى عين شمس كان قارف الناس و هوه طالب
بس ملاقدرش تنكر الكوميديا اللى حصلت
طبعا هو عارف ان الموضوع ده فى كل حته و عارف انه كله غير ملتزم بس لازم يكون فيه حد ياخد الضربه الاولى (مش الجويه) عشان الكل يخاف و ده لازم هيجيب نتيجه ايجابيه بعد الاسلوب الفظ اللى اتعامل بيه و شكله متأثر بالمسرحيات و نفسه يخطب بس كراكتر مشجع انك تشوفه و منفر انك تتعامل معاه
المهم فده كله النتيجه
و على فكره هوه قال للصحفيين الصبح ييجوا هو قال انهم بلغوهم يحضروا و بيقول ان حتى السواق ماكانش عارف هيروح فين و المقصود كان الصحفيين يشوفوا الحاله دلوقتى عشان بعد كده يجيبهم يوريهم التطور هيحصل ازاى
طبعا اسلوب اطفالى شويه بس ادينا بنتفرج
باشا..الناس دي بتتربى على الغالي من صغرها..لو ركزت في دفعتك بس كنت حتلاقي مش أقل من واحد ينفع بعد كده يبقى بتاع كده (محدش يسألني يعني إيه)
عموما الحركة اللي اتعملت دي مجرد استعراض ليس إلا
الأول نعمل ميزانيات محترمة للمدارس
مرتبات محترمة للمدرسين والإداريين
مرتبات آدمية لعمال النظافة في المدارس
وبعد كده نحاسب ونشخط وننطر ونتكلم على المدرسة إذا كانت زبالة فعلا ولا لأ
وحاجة واقفة في زوري
وهي بتاعة إعراب (جاء الوزير اليوم إلى المدرسة)
مش عاوز أحلف إن هو نفسه ميعرفش إعرابها إيه وإن لو كان أي عيل قام قاله (جاء: فعل مضارع محذوف مبني على حذف حرف العلة وتقديره أتى)
كانت الحياة حتبقى جميلة وكان الواد ده ممكن يضموه للحزب الوطني أساسا
يا عزيزي كلنا في الهم شرق
وحياتك عندي لو لفيت شوية هتلاقي اسوا من كدة كمان
والله ممكن
الواحد يقوم يقص ضوافره دلوقت يمكن وزير التعليم العالي يتعدي من وزير التعليم الواطي ما هم الاتنين ............ ولا بلاش علشان الايقاف
من ذلك ال........... ايه
حدد تقصد من مين بالظبط ؟؟؟؟؟؟؟
يا باشا هو استعراض وخلاص
كان يقدر يعمل الحركة دي مع اعي مدرسة من المدارس اياها بتاعة ولاد الناس الكبار ؟
اذا كانت الجامعات مفيهاش ميزانيات وحمامات الطلبة في الجامعات يمكن اسوا من الحمامات اللى جابوها في الزيارة
تفتكر فتش على الصحفيين قبل ما يركبوا ولا سابهم من غير تفتيش ؟
مع احترامي لسيادتك اعرابك غلط والاعراب الصحيح هو:
جاء فعل ماضي مجرور بالكسرة غير الظزاهرة لانها اتكسفت من الوزير
الوزير فاعل سوء بكل العاملين بالتربية والتعليم و ده لا يمكن يبقي مكسور ولا منصوب ولا مرفوع علشان كدة معفي من العلامات
اليوم الخميس
الي حرف جر
المدرسة مفعول به هي واللى فيها من الوزير
يا صاحي انت يا ياقوت يا حامي حمي المنتدي
اعمله فيها وزير تعليم وانقله للمنتدي التانى