ازاي اتأكد ان زيت الموتور زيت تخليقي او معدني
لما كنت في التوكيل باعمل الصيانة قلتلهم حطولي زيت عادي اللي هو موبيل اللي بحوالي 95 - 100 جنية
وانا باحاسب لقيتهم بيحاسبوني على موبيل 1 ابو 230 تقريبا ..... ولما قلتلهم الحساب غلط ... الراجل اتصل بالورشة وسألهم وقلوله انهم فعلا حطو زيت موبيل 1
انا اصلا كنت متردد احط ده ... ولا ده
وكنوع من التيسير قلت خلاص مش مهم .... يعني ح يرجعو الزيت من الموتور ازاي ؟؟
.....
لكن لما رجعت البيت .... وأكلت خرطتين تلاتة قرع عسل .... ونمت شوية ... وصحيت شربت على كافية والدنيا نعنشت
دماغي راحت لحته تانية
اساسا ممنوع دخول العملاء للورش .... وانا مش باشوف ايه اللي بيتحط اساسا ..... طب اعرف منين انهم حطو موبيل 1 ولا موبيل عادي .... ولا اصلا انهم غيرو الزيت من الاساس
...
ازاي اعرف الزيت اللي في الموتور ده موبيل 1 ولا موبيل مش 1 ياريت لو حد يعرف يجاوبني
العربية اوبترا والتوكيل منص الهرم .... وقرع العسل كان بالباشاميل والمكسرات :majd(2):