خد منى الخلاصة يا باشا ... نقول بسم الله الرحمن الرحيم
اولا لازم تكون في مكان مفتوح في الهواءالطلق او في العربية وكمان يكون السلايد بتاع الموبايل مفتوح .... واليك خطوات تشغيل الجي بي اس :
1- افتح برنامج الGPS Data
2-دوس على خيار Navigation
3-افتح Options وهختار Satellite status
حتلاقي ظهر عندك تلات او اربع خطوط بالعرض .. لما تلاقي الربع خطوط بالعرض بقوا لونهم ابيض وظهرت وراهم دايرة على شكل بوصلة تبقى يا معلم انت كده شبكت على أقمار الGPS
................................................
دوس على خيار Position حتلاقي احداثيات المكان اللي انت فيه وسرعتك لو ماشي مثلا بالعربية او حتى ماشي على رجليك , ممكن تخزن احداثيات المكان اللي انت فيه لما تفتح OPtions وتختار Save postion
...............................................
بالنسبة للخرائط , ممكن تنزل برنامج Maps locator وتشبك الموبايل لى الكمبيوتر وبعد تسطيب البرنامج اختار خريطة مصر ودوس دونلود على طول حتنزل على موبايلك .. برنامج سهل وبسيط جداً .
1- افتح برنامج Maps
2- حتلاقي خريطة ظهرت عندك على الشاشة وفيها اسم الشارع اللي انت فيه وبقيه الشوارع اللي حواليك برضه مكتوبه على الخريطة .
3- افتح Options واختار Drive to واختار مثلا الموقع اللي انت خزنته لما شغلت الجي بي اس الأول .
حتلاقي الجهاز بيكلمك (اه والله العظيم ) وبيقولك انعطف لليمين بعد 200 متر , تحرك للأمام 500 متر , اتجه اعلى الكوبري امامك (شغل عفاريت يابني ) لغايه ما توصل للمكان اللي انت مخزنة عندك .
يعني ممكن تخزن موقع بيتك مثلا ومن اي مكان في مصر ممكن ترف ازاي تروح لو تهت .
طبا في خيارات تانية كتييييير اوي بس دي الأساسيات .
اتمنى اكون عرفت اشرح بأسلوبي التعبان ده .
المفضلات