ابيزا ولا كورسا

**emadspeed** · 13-01-2008 05:55 PM

السلام عليكم ورحمة الله

من فضلكم يا جماعة عايز مقارنة سريعة كده بين الابيزا ولا كورسا
الاتنين معروضين عليا ومش عارف اقرر اختار ايه انا شكل الابيزا بيعجبنى اكتر بس ناس ياما بترجح الاوبل كورسا
يا ريت يا جماعة تشاركونى رأيكم

13-01-2008 11:45 PM

انا كان عندى كورسا مو 97 معايا من 2001
بصراحه ممتاااااااااااااااااااااا زه
1200 cc
و 5 مخدع

لو الكورسا نفس المواصفات اوك
اتوكل على الله

لكن لو كورسا 1000 cc فبلاش
و اعتقد موديلات الكورسا بعد كده مش كويسه
و الله اعلم

**hazem_khidr** · 14-01-2008 04:31 AM

المشاركة الأصلية كتبت بواسطة alsindrella

انا كان عندى كورسا مو 97 معايا من 2001
بصراحه ممتاااااااااااااااااااااا زه
1200 cc
و 5 مخدع

لو الكورسا نفس المواصفات اوك
اتوكل على الله

لكن لو كورسا 1000 cc فبلاش
و اعتقد موديلات الكورسا بعد كده مش كويسه
و الله اعلم

بالضبط كلامك مضبوط
الكورسا من اول 98 بيسموها اوبل كارثه :) لان فيها حساسات و مشاكلها م بتخلص و غير كده 3 سلندر

**SEATLOVER** · 14-01-2008 11:33 PM

ياريت تحدد موديل السنة لكل نوع عشان تبقى المقارنة واضحة..موديل كام ,موتور اية , السعر المعروض أو المبلغ المتاح معاك ؟

**emadspeed** · 15-01-2008 02:54 AM

بجد انا بشكر كل اللى رد عليا واتمنى ان اى حد يقرا المضوع ما يبخلش عليا باى معلومة يعرفها انا الحقيقة معايا فى حدود 38 الف واللى معروض عليا بالنسبة للسيات موديل 94 اما بالنسبة للكورسا فاللى معروض عليا موديل 98 الحقيقة
وليا سؤال تانى بالنسبة للابيزا يا ترى اى موديل افضل فيها 94 ولا اللى بعد كده يعنى من الاخر الابيزا من 94 لحد 99 انهى احسن موديل فيها ويا ترى المبلغ اللى معايا ممكن يجيب ابيزا موديل اواخر التسعينات
اسف انى طولت عليكم بس انا متاكد ان ارائكم بجد هى اللى حتخلينى اقرر اختار ايه
ويا ترى لو فى اختيارات تانية احسن فى حدود السعر ده يا ريت تقولولى عليها مع العلم انى عايز عربية هاتش باك وبالنسبة للماتور مش حيفرق معايا كتير لانى سواقتى هادية ومش بقطع مسافات كتيرة بالعربية

وشكرا مرة تانية

**theking2690** · 15-01-2008 09:51 AM

بص انا رأيى انك تجيب الابيزا اولا لأنها ارخص فى قطع الغيار ثانيا موتور كويس وانا بصراحة ناس كتير اعرفهم معاهم ابيزا بيشكروا فيها جدا و بيتهيألى ان المبلغ اللى معاك ممكن يجيب ابيزا فى اواخر التسعينات بس خلى بالك ان ابيزا 94 1300cc اما اواخر التسعينات مش عارف من موديل كام بالظبط 1000cc و اتمنى انى اكون قدرت افيدك

**SEATLOVER** · 15-01-2008 06:27 PM

ارجح طبعاً الابيزا و بالنسبة لأحسن موديل فيها تحت سنة 2000 من وجهة نظرى هو موديل 99 لانة 1000cc و بيدى نفس h.p بتاع المواتير القديمة ذى ال 1300 cc مع فارق تكنولوجى اعلى و EFI و بعض الكماليات الاخرى ذى البور و السعر اللى معاك يجيبها او ممكن تحتاج 2 او تلاتة بالكتير كمان .. و أى معلومات تانية احنا معاك

**mohamed ibiza** · 15-01-2008 11:44 PM

ana r2ii ibiza al corsa 7elwa ah bs ibiza shkl a7sn w aws3 w technology a7sn

IBIIIIIIIIIIIIIIIIIIIIIIIIIZZZZZZZZZZZZZZZZZAAAAAA AAAAAAAAAAAAAAAAAAAA FOR EVER

**volcano12** · 16-01-2008 12:39 AM

متقارنش كتير مادام العربيه أوبل كورسا 98 ابيزا تكسب
أنا معايا العربيه ده و بقولك متجبهاش.... هات مو 95-97 أحسن!! كتير و هاتها 1200 مش 1000 حتى لو مافيهاش تكييف ابقى ركبه...
هاتها فتحة سقف و ازاز و مرايات كهربا, حتطلع ب 35-36 و ركبلها تكييف لو مافيهاش و تبقى زى الفل

ثبات رائع , شكل شبابى و حلو و ممكن تتظبت لو عايز و على فكره حجيتها ما بقتش غاليه ... فانوس ورا ب 65 و المرايا ب 65 برده حاجات كده معقوله
و غير كده عليها اقبال عشان لما تيجى تبيع خصوصا انك من اسكندريه!!

و شوف ايه اللى يعجبك, بالنسبه للابيزا معنديش فكره بصراحه
و عشان الاسعار قارن فى www.car100100.com

متنساش تكشف قبل ما تشترى

**Yarisawy** · 18-01-2008 07:03 PM

انا اشتريت عربية كورسا 1000 موديل 99 من سنه ونص

دى اول عربية اجيبها بصراحة لحد دلوقتى العربية كويسة و100% بس المشكلة ذى الناس ما بتقول مشكلتها فى الحساس ...وبالذات حساس الهوا "الماف" اللى غيرتوا مرتين لحد دلوقتى وبتضطر انى اجيبه تقليد من التوفيقيه ب 1200 جنيه لكن غير كده العربية بصراحة مفيهاش مشاكل كتيرة

وانا راى بأى حال حاول تجيب عربية موديل اواخر التسعينات متبقاش العربية بقالها 15 سنة ماشيه يعنى الراجل هايكون جايب اخرها

ونصيحه نصيحه اى عربيه منهم قبل ما تشتريها روح ارفعها فى التوكيل مش بنزينه والكشف مش غالى ......لو لقيت صاحب العربية كش من موضوع التوكيل اديلو استماره 6 على طول من غير تفكير