احلى سلام على احلى منتدى :verygood:
يا جماعة اي واحد مر بمرحلة فرش شقة من موبيليا و اجهزة كهربائية (غسالة , ثلاجة, بوتاجاز, ......... الخ ) وخلافه. يتفضل مشكورا و بقلنا ايه افضل الماركات و الاماكن
عرض للطباعة
احلى سلام على احلى منتدى :verygood:
يا جماعة اي واحد مر بمرحلة فرش شقة من موبيليا و اجهزة كهربائية (غسالة , ثلاجة, بوتاجاز, ......... الخ ) وخلافه. يتفضل مشكورا و بقلنا ايه افضل الماركات و الاماكن
كله دلوقتي صيني
ما بقتشي تكنولوجيا احتكاريه
يعني زمان كنت بحب اكل طبق الرز بلبن بره(خاصة بعد طبق الكشرى)
مراتي فضلت وراه لحد ما عرفت طريقته
وده اللي الصينين عملوه(مش الرز بلبن طبعا)
في البوتوجازات يبقي فريش
في الغسالات يبقي ايديال
في التلاجات يبقي الكتروستار
:E_braces[1]: صح عندك حق بس انا كنت اقصد الماركات بعيد عن بلد الصنع
ايوة هو ده اللي اقصده يا روميو :Ta_clap[1]:
هل من أراء اخرى يا شباب المنتدى :shyy:
بوتاجاز كريازي اللي هو 90 سم
تلاجه يبقي توشيبا نو فروست
غساله اريستون
سخان لو كهربا يبقي برضه لريستون
غسالة اطباق ويت ويل
طيب بالنسبة للسخان الغاز
حسب السعر اللي هاتجيب بيه
تقفيل المصري في مستوى سعر , المستورد في مستوى سعر تاني خالص , فلازم تحدد انت ناوي على ايه
انا لسه حاجز الحاجات دي قريب و سألت شوية قبلها
البوتاجاز اليونيفيرسال اللي بيتباع حاليا شعلته ضعيفة و فرنه ضعيف , ده اللي قالهولي اغلب معارفي
انا حجزت كريازي , اللي عندهم شكروا فيه
الايديال مش عارف بس هو ارخص منهم الاتنين
التلاجة انا حجزت الايديال زانوسي اللي قالوا انها تقفيل اوروبي , كان فيه توشيبا و الكتروستار و ال جي , مش عارف ايهم افضل بس انا ارتحت لدي , هي تعتبر سعريا متوسطة , و خاماتها و تقفيلها حسيت انهم كويسين
الغسالة , في رينج المصري , فيه ايديال زانوسي تقفيل مصري , و تقفيل اتحاد اوروبي بتزيد عنها في السعر حوالي 200 جنيه , التقفيل المصري شغالة عندنا في البيت و عند قرايبنا من غير مشاكل بس ما بقالهاش فترة كبيرة
غسالة ايديل زانوسي
بوتاجاز فريش
تلاجة توشيبا
تليفزيون سامسونج ال سي دي
مكواة مولينيكس
خلاط مولينكس
مكنسه مش فاكر بس ابعد عن ناشونال
انا سمعت ان الlg حد جربها؟
حسب السعر اللي انت عاوز تشتري به
يعني مثلا
الثلاجات
- توشيبا سعر متوسط + اعتمادية عاليه + توكيل محترم
- شارب اعلى شويه ونفس التوشيبا
- طبعا فريجيدير لو فلوسك كتير
ولكن بأمانة الغالي تمنه فيه بجد
البوتوجازات
- اريستون استاذ البتوجازات بجد ومتنساش الفرن هاته بمروحة كهرباء
- جليم جاز ولكن اقل من اريستون
- لاجيرمانيا تبع العربي بتاع توشيبا ماركة كويسه وتوكيل محترم
السخان
- من الأخر اريستون وانساه بجد حرارة عالية جدا + عمر افتراضي عالي
الغسالة
- ايديال زانوسي او زانوسي العبد من الاخر ونصيحة لو عرفت تجيبها 9 ك او 10 ك يبقى افضل هتريحك في البطاطين والحاجات التقيلة وهتريحك من المغاسل الخارجية
- اريستون طبعا برضه
دي الماركات اللي اقدر انصحك بها بدون اي خوف وبكل ثقة بإذن الله
وربنا يوفقك للخير ويكرمك ان شاء الله
السخان الاريستون ده غاز ولا كهربا ولا الاتنين حلوين؟
انا هقولك علي اللي عندي
البوتاجاز يونيفيرسال الشبح هما بيسموه كده
شفاط فوق البوتجاز يونيفيرسال اتنين مروحه
غساله ال جي بصراحه ممتازه
ثلاجه توشيبا 3 باب توكيل محترم جدا بس لو رجع بيا الزمن مكنتش اشترتها
سخان الومبيك ابولو شغال بس اريستون افضل طبعا
بكام الحاجات ديه بقا ان شاء الله
التلاجة توشيبا ال 12 قدم حوالي 1850 جنيه
البوتوجاز افضلهم فعلا كريازي الاستايل القديم وده اغلى شوية من الجديد 4 شعلة حوالي 1600
الغسالة يونيفرسال فوق اتوماتيك وتليها التوشيبا الفوق اتوماتيك ... افضل الف مرة من الغسالات الاتوماتيك التانية حوالي 1400
السخان انا مجربتش غير اوليمبك ومش شايفه فيه عيب
المكواة كان في نوع توشيبا يباني بخار والسلك بيدخل جوة زي المكنسة
ايه افضل نوع بوتاجاز يكون فيه مروحة في الفرن؟
من وجهة نظرى lg الافضل فى كل شىء.
عن تجربه انصحك باختيار الماركه علي اساس الجوده (في حدود امكانياتك) اولا, وثانيا سهوله الصيانه ووفره قطع الغيار الأصليه , لو جينا طبقنا ده علي اللي في السوق مثلا نلاقي الثلاجه (LG) ثلاجه محترمه جدا و مستورده بس ( Electronics ) و دي لا قدر الله لو عطلت هتتعبك جامد لان مش هتلاقي كتير يفهموا فيها ,و بالتالي هتكون توشيبا افضل اختيار من حيث الجوده و سهوله الصيانه ووفره قطع الغيار و هكذا...
ممكن اعرف الغسالة الفوق اوتوماتيك افضل من الاوتوماتيك من ناحية ايه بالظبط؟
غسالة ايديل زانوسي
بوتاجاز فريش
تلاجة توشيبا هو دايو
تليفزيون lg
مكواة مولينيكس
خلاط مولينكس او براون
هات أي ثلاجة من توشيبا....
الغسالة ...عندك سامسونج وLG بس هات لو الامكانيات تسمح الديركت دريف Direct Drive ويا حبذا لو كان فيها برنامج Silver Wash
البوتجازات ...لو الكترو ستار حسنوا نفسهم هات منهم..هي مكوناتهم ايطالي بس تقفيلهم مش قوي...بعد كدة شوف اي شيء تاني ..وبلاش يونيفرسال...
سخانات الغاز بتاعة فريش ممتازة وعملية...بلاش يونيفرسال...وحدة الكونترول بتاعتهم ضايعة..
التلفزيونات ...اي حاجة ساسمونج...فعلا جودتهم عالية جدااا وتقترب من السوني والباناسونيك ..مع فارق السعر طبعا..
واخيرا ربنا يوفقك ويباركلك ويتم عليك بخير....
شكلكو كلكو سافرتوا :F_eyeb1[1]:
الأريستون كهرباء
انا مشوفتش منه غاز
لو عاوز غاز فيه بوش الماني او باناسونيك ياباني او ايفو تقريبا ايطالي
كله موجود في نص البلد
المكوى براون لا يعلا عليها بجد
البوتجاز ابو مروحة في الفرن عندك نوعين
عندك الأريستون وده غالي معدي 5 الاف
وعندك النوع لاجيرمانيا تبع العربي اللي سبق وقولتلك عليه في المشاركة الأولى وده سعره بــ 4750 تقريبا وايطالي
فيها مزايا كتير
فيها 5 مستويات للمية دي لل 7كيلو بس مش موجود في مصر غير ال 5 كيلو وال 10 كيلو واعتقد ال 10 كيلو فيها مستويات اكتر بس مش متأكدة .. الغسالة بتحدد مستوى المياة اتومايك على حسب كمية الغسيل او ممكن تحددها يدوي
ودي بتفيد جدا لو كمية الغسيل قليلة حتى لو هتغسل غيار واحد وتُغنيك عن غسالة البيبي
تستخدم المسحوق العادي وده اوفر
نظافتها افضل لان فيها زي مروحة في قاع الحلة يعني نظافتها زي الغسالات العادية
تقدر تفتح الباب في اي وقت لو نسيت حاجة عايز تضيفها او لو رجعت في كلامك وعايز تخرج حاجة
تقدر تحدد عدد مرات الشطف وتقدر تحدد مدة العصر
فيها اوبشن للنقع
وزنها خفيف
عيبها ان مفيهاش سخان للمية
وانا عندي التوشيبا عملت لها خلاط منفصل لان خارج منها خرطوم واحد
اما اليونيفرسال دلوقت بقت افضل عشان فيها خرطومين ميه واحد سخن وواحد بارد ولو اني مش شايفاها تفرق كتير عن الخلاط
لو عندك صرف قديم للغسالة الاتوماتيك اللي فتحتها من قدام هتضطر تغير مستوى الصرف لان لازم الارتفاع ميزيدش عن 30 سم ... عندي السباك عملها بسهولة وفن
انا افتكرت انا كنت مشاركة في موضوع قديم لسبعاوي بيسأل عن الغسالة برضو جيبته عشان لو ناسية حاجة
حسب خبرتى كل بلد وفيها اجهزة متفوقة عن الاخرى وبالنسبة لمصر فى الغالب lg الان هى الافضل فى معظم الاجهزة بلا منازع وعن تجربة وكلها تكنولوجيا جديدة خد عندك التلاجة الجديدة بتاعتها انا اشتريتها من سنة صحيح غالية شوية بس ايه حكاية اكتشفت انه ما كانش عندى تلاجة قبل كدة وكفاية تكنولوجيا تبريد الابواب والتمثيل الضوئى اللى بيحافظ على الخضار طازة اكتر من اسبوع وsilent mode وحاجات تانية موش فاكرها ب5600 جنيه ولو لقيتها ب 10000 جنيه دلوقت والله تستاهل
lcd من ال جى فى كارفور كارثة وامكانيات رائعة hd والبلازما منها احلى من السونى وبتشتغل 12000 ساعة
وعندك الغسالة بقى مصيبة القرن ال 20 وبالذات لو جبت 14 كجم بالمجفف صحيح ب 7000 جنيه بس والله تمنها فيها وفيها اوبشن عجيبة جدا من اختراع ال جى
انصحك انزل لف وشوف بنفسك وقارن واسال التاس اللى فاهمة فى شارع عبد العزيز
اسمع كلامى وهتدعيلى لانى خسرت ورميت اجهزة كتير لغاية ما وصلت لهذه النتيجة
بالعكس دا الباب التالت أجمل حاجه فى التلاجه
احنا مبسوطين منه جدا لانه قسم التلاجه لتلات اجزاء
الفريزر للحاجات الل عايزه تتجمد
الجزء الاوسط وده مخصوص للاكل المطبوخ او الحاجه الل عايزنه تسقع شويه
الدرج وده للخضار والفاكهه لانه مش بيسقع اوى زي الجزء الاوسط ولكن مجرد انه بيطلع هوا بارد حبه
انا بصراحه شايف انه ميزه مش عيب لانه :
1- نظم التلاجه يعني لو عايز خضار او فاكهه بكون عارف انهم فى الدرج تحت بدل ما اقعد ادور فى التلاجه كلها
2- واسع جدا وبيشيل حاجات كتير اوي
3- عملي جدا لانه على مجرى يعني لو انفتح وانقفل كل يوم 100 مره مش هيحصله حاجه لانه زي الدرج عكس باب التلاجه الل بيكون متشال من نقطتين بس وبكده بيطول من عمر التلاجه لانه قلل فتح وقفل باب التلاجه المتكرر
الصرف عندي كان للاتوماتيك التانية والسيراميك متركب وكل حاجة
الرجل فتح فتحة تانية تحت لحد ما وصل لماسورة الصرف وعملها حتة ماسورة برة الحيطة يركب فيها خرطوم صرف الغسالة بفن ونظافة بصراحة
والفتحة القديمة نشر الماسورة البارزة من الحيطة وقفلها باسمنت ابيض وكل ده بفن وعموما كل ده جاي تحت الحوض مش باين منه حاجة
انا بقول هي عجباني وبفكر فيها فعلا وعايزة اشوف بيعة للكريازي
بس برضو بقول جزء الخضار كبير زيادة
انا اعتقد كمان جزء الخضار ممكن فصله من الكهرباء لوحده بس مش متأكدة