ممكن اعرف من وحوش رينو ايه هى الى اسكترا وتغيرها بكام وكمان سير الكاتيه خارج التوكيل وتغيره بكام مستنى ردودكم ضرورى وشكرا
عرض للطباعة
ممكن اعرف من وحوش رينو ايه هى الى اسكترا وتغيرها بكام وكمان سير الكاتيه خارج التوكيل وتغيره بكام مستنى ردودكم ضرورى وشكرا
أيعار قطع الغيار وتلفونات موزيعيها موجودة فى موضوعات هنا http://www.nilemotors.net/Nile/24062-ii.html
مشكور جدا بس انا مش لاقى اى حاجه عن الاسكترا وسعرها وايه هى الاسكترا
الأسكترا هى علبة الدركسيون
سعرها فى التوكيل تقريباً 2500 جنيه
برة التوكيل هتلاقيها فى حدود 1300 على ما أتذكر
مشكورجدا طب هو ايه الى بيبوظ علبة الدركسيون لو عربيه ماشيه 58 الف كيلو ويا ترى بيتغير علبة الدركسيون كامله وشكرا
كانت ب 9 الاف ج زماااان والحمد لله على كده
اللى يبوظها كتر المشى فى أماكن مكسرة و بدون تهدئة السرعة أو عيب صناعة.
و بتتغير كاملة بس اتأكد أنها علبة الدركسيون اللى بايظة
يعنى ممكن تقولنا ايه اللى بيحصل و احنا نحاول نساعدك
اعتقد يا دكتور أن اللى كان ب 9 ده كان عمود الدركسيون مش العلبة.....و سبب غلوه أنه فيه الباور الكهرباء و كمان ال lock mechanism بتاع الدركسيون
و أعتقد دلوقتى رخص عن كده..تقريباً ب 5 ألاف و شوية فى التوكيل....مش متأكد بالظبط
مشكورين جدا هى اعربيه لما بتيجى تعوج شمال او يمين وانت واقف حتى بتحس بخبطه كده كمان التكيف عطلان انا بشترى العربيه وفيها شوية حجات ياريت تساعدونى فيها هى ميجان 2005 بانوراما فيها اتكيف بيقلى عايز مش عارف مقاومه او حاجه زى كده انا مفهمتهاش بيقى تعملها 200 جنيه وكمان فيها الخبطه ال فى ادركسيون دى والكاسيت بيطلب الكود فا مش شغال قالى الكود بتجيبو من التوكي كمان المرايات الضم بيقلى على ما اظن الفيوز او كده مش شغاله فا ايه رايكم فى الحجات دى وتتكلف كام الحجات دى وشكرا
دى شكلها فى الضياااااع
دور على عربيه تانيه عشان متتعبش فى الصيانات
ام لو مصمم على العربيه فروح اكشف عليها كشف كامل فى التوكيل لان واضح ان صاحب العربيه مكنش بيعمل للعربيه صيانه من اساسه
لا هى العربيه كويسه جدا هى فيها بس الحجات دى ماشيه حاجه وخمسين الف وعربيه كويسه هى بس التكيف و الدركسيون فا ياريت اعرف منك الحجات دى ايه نظامها وشكرا والعربيه 2005 بانوراما بحال كويسه تعملها كام
بالنسبة للخبطة دى مش لازم تبقى إسكترا، الإسكترا مش بتبان وإنتا واقف. الإسكترا بتعمل بوش فى الدركسيون يعنى بيلف جزء دون دوران نفس الجزء فى العجل أو بتعوم مع السرعة أو بتخبط مع المشى مش و أنتا واقف.
غالبا اللى عند حضرتك بطاحات لو كان فيه خبط شمال و يمين عند المساعدين أو و هو غالبا ده ظنى إن اللى عند حضرتك كان عيب فى الموديلات 2005 و أوائل 2006 و هو أن الدركسيون لما تجيبه للأخر يخبط فى معدن وكأنه دليل أنه وصل للأخر و علاجه سهل جدا عند التوكيل و هو وضع سيلكون على مسمار فى نهاية عامود الدركسيون وبتنتهى مشكلة الصوت.
بالنسبة لكود الكاسيت هتلاقيه مكتوب فى كتالوج العربية و أتمنى يكون موجود فيها لأن لو مش موجود ده بيدل أن صاحب السياره كان مهمل فيها. سؤال برده أحب أسألوا لحضرتك الكود بتاع الكاسيت بيروح لما نفك البطارية طيب ليه البطارية إتفكت هل صاحب السيارة غير البطارية قريب جدا؟؟!! لأنه مش ممكن يكون ماشى بيها مده من غير كود الكاسيت.
على ما أعتقد المرايات الضم لا يوجد لها فيوز بدليل تحذير الوكيل من عدم العبث بهم خوفا من تخريب الكمبيوتر و الضفيرة فأعتقد إن اللى عند حضرتك إما مفتاح الضم أو المرايات نفسها و أحذر حيث إن ثمن المراية الواحدة 2500 جنيه.
نصيحة كما قال لك الأعضاء من قبل روح للتوكيل لو كانت العربية عجباك و إدفع 500 جنيه فحص شامل و أهرف كل حاجة عن العربية قبل الشراء لأن الميجان لو ملعوب فيها بره بتكون مشاكلها كتيره جدا و مكلفة جدا.
و ربنا يوفقك فى الشراء.
مشكور جدا على طب هو الموديل ده البانوراما يعمل كام وكمان اتكيف قالى فى مشكله كده مش عارف مقاومه او كده والكد لو مش موجود الكتالوج مبيكنش مكتوب فى العربيه وشكرا
موديل 2005 تقريبا بيبقى من 65 ل 70 ألف حسب الحالة و الكيلو متر.
بالنسبة لموضوع التكييف لم أسمع قبل كده عن مقاومة بتبوظ فى التكييف (ده كلام حد بيبيع) و بعدين لو هى مقاومة (ثمن المقاومة 10 قروش) سهلة كده ليه مغيرهاش صاحب العربية؟؟!!
خد بالك علشان فى بعض الموديلات فيهم مشاكل فى كمبريسور التكييف و ده ثمنه 6 ألاف جنيه.
بالنسبة لكود الكاسيت هو موجود فقط فى كتالوج السيارة و لو الكتالوج مش موجود لا سبيل إنك تعرف الكود إلا من التوكيل عن طريق الكمبيوتر.
مشكور جدا وانا موضوع التكيف ده حقولو هو يعملوويدينى العربيه سليمه وباذن الله خير وهى ماشيه 58 الف وحالتها كويسه بس حضرتك قلقتنى فى موضوع التكيف
بس حضرتك موضوع ماشية كام ده مش مقياس لنظافة العربية حضرتك شوفت دفتر الصيانات بتاعها على الأقل فى 3 سنين اللى هما بتوع الضمان و بيكون ختم التوكيل موجود و هل عمل الصيانات اللى بعد الضمان فى التوكيل و لا لأ؟؟
خد بالك إن التكييف ساقع و سخن و عليك تجربة الدورتين و هل بيأثر على العربية (رجرجة أو سحب للكهرباء -ضعف الكشافات العالية مثلا لو شغلت التكييف- أى صوت غريب)
جرب الكاسيت خصوصا الcd و جرب فتحة السقف و شوف بتفتح و تقفل بسهولة و لا لأ و هل فى أى صوت تزييق و هى ماشية فى المجرى بتاعها و هل بتصل للأخر و لا لأ؟
جرب مساعدين الشنطة
جرب مساعدين العربية الأربعة عن طريق الضغط على أطراف العربية الأربعة ثم تركها مرة واحدة إذا طلعت بشويش يبقى كويسيين أما لو طلعت بسرعة و نزلت تانى تبقى بايظة.
خد بالك جنوط موديل 2005 كانت بتتعوج من المطبات الجامدة فتأكد من عدم وجود لحامات بها أو تعوييج و يا ريت تجربها على سرعة عالية علشان تكشفلك عيوب كتير بعفشة العربية.
فى حاجات كتير لازم تتفحص مش قادر أحصرهالك دلوقتى لكنى مازلت بنصحك بكشف التوكيل.
ربنا يوفقك إن شاء الله.
ما المشكله انى عربنت من غير ما اكشف فا مبنفعش ارجع اقوله اكشف هو الموضوع الوحيد هو الى اقدر اتكلم معاه موضوع التكيف فا ياريت لو تقدر تنصحنى باى حاجه فتحة السقف شغاله كويب بتفتح وتقفل بس بتفتح للاخر ازاى اصلها حته صغيره الى جوه ولما بتفتح من بره برده مش حته كبيره قوى وكمان ياريت تقدر تقولى ايه الى ممكن يبوظ فى التكيف غير الكمبروسور والحجات دى ايه الحاجه البسيطه الى تبوظ فى التكيف وبجد تعتبتك معايا ومشكور جدا
مفيش تعب و لا حاجة بس أصل الميجان بالذات بتبقى صعبة لو ملعوب فيها أو اللى كان سايقها مهمل و مش فاهم فيها و بيصلحها عند أى ميكانيكى تحت البيت.
بالنسبة للتكييف هو شغال و المروحة شغالة و الشاشة شغالة و مفيش تسقيع و لا فيه مشكلة تانية علشان أقدر أساعدك.
هل التسخين شغال و لا برده لأ ؟
لاحظ ال rpm لما تدوس زرار التكييف هل فيه تغيير ولا لأ ؟
منتظر إجاباتك...
على فكرة موضوع الكشف بعد دفع العربون ميزعلش إنت مش بتشترى سندوتش معجبكش مش مشكلة مش هتشتريه تانى دى عربية بكذا ألف و المفروض هتقعد بيها شوية و المفروض تعرف كل اللى فيها قبل الشراء و ديه حاجة متزعلش.
موضوع التكيف انا شغلته بس مكنش فى حاجه بتطلع من فتحات التكيف بس الشاشه بتاعت التكيف كانت شغاله وكنت بنقص وعلى درجة الحرارة بس مكنش فى حاجه وكمان انا مخدش بالى من rpm فا ياربت تشرحلى موضوع اrpm ومجربتش اسخن برده وكمان موضوع لكشف انا و كشفت اكشف فى بنزينه وكده ولا اكشف فى مركز صيانه لرينو ولا فى التوكيل بس هو شكله مكنش بيصين فى التوكي
الزميل العزيز من الواضح أن العربية دى فيها إنه...
الميجان لو معملتلهاش صيانة فى التوكيل بتتبهدل بيها بعد كده
واحد بايع عربية عامله 58000 كيلو موديل 2005 لازم حالة العربية تبقى فورة و الصيانة فى التوكيل و الكتالوجات فى مكانها و على الأقل صيانات ال3 سنين بتوع الضمان معمولة كلها مع فواتيرها.
طيب فكرت تبص على الإستبن شكله إيه....
على فكرة سهل جدا عداد الكيلو متر يتلعب فيه مش ده أبدا المقياس.
إنت عندك مرايات لوحدهم ب 5000 جنيه و التكييف ممكن يخش فى الشىء الفلانى ده غير بأه مفاجات الميجان الجميلة لو إنك مصلحها بره التوكيل و دم قلبك اللى ممكن تصرفوا عليها.
أصلا موديل 2005 كان أكتر موديل فيه مشاكل و حكاية مقاومة التكييف و فيوز المرايات و كود الكاسيت كلها علامات مطمنش خالص!!!!!!!!!!!!
لو العربية دى حاسس إنها لقطه خدها التوكيل و التوكيل فقط و أطلب فحص شامل ب 500 جنيه و أسأل عن تكاليف صيانة التكييف و المرايات و شلهم من تمن الشراء و ده حقك... المفروض يسلمك عربية سليمة أو يخصم تمن الإصلاحات.
نصييييييييحححححة أخيرة متشتريش ميجان ملعوب فيها بره التوكيل... كهربتها كتير و شغلها بالكمبيوتر و الفتاوى بره التوكيل بتودى فى داهية.
و ربنا يوفقك لما فيه الخير.
مشكور جدا وانا ححاول اكشف عليها بس مش عارف اقولو ايه ححاول معاه هو قالى خد ارفعها فى اى حته اخويا عم ناصح والعربيه ضيفه ولسه جديده فحشوف كده تانى معاه وحبقى اقولك عى الاخبار وهل فى عربيات بيبقى ادواخل لونها فارق عن الخوارج شويه
لا هو انا سالت قالولى فى عربيات زيرو بتبقى نازله الون ادواخل بتعها فارق عن الخوراج بتبقى نزله كده وكمان انا اسمع اميجان صعب انك تلعب فى عداد الكيلو متر
سألت ناس و لا سألت مهندس السمكرة و الدهان فى التوكيل تفرق كتير.....
كل العدادات الديجيتال بيتلعب فيها زيها زي العادى بيعملولها حاجة إسمها فلاشينج فبيطلع أى رقم عشوائى على العداد و بيقعد يحاول كذا مرة لغاية لما رقم كويس يطلعله بيوقف على كده..
على العموم عن طريق كمبيوتر التوكيل بيقدر يعرف العربية عاملة كام بالضبط.....
اسهل حاجة فى الدنيا انك تلعبفى عداد الكيلومتر
بيتغير باى عداد استيراد فى اقل من5 دقايق
سؤال اخير عشان انا قلقت جدا فى واحد انهارده كان معاه ميجان 2005 ستيب ترونيك بيقل فيها عيب فى الفتيس وعمله فى التوكيل ورجعت باظت بع شهرين وكمان فيها عيب فى التكيف بيبوظ علطول فا ياترى الكلام ه حقيقى فى الميجان 2005 فا ياريت اعرف منكم فعلا فيها عيوب ولا ده حاله فرديه ومشكورين جدا على الاهتمام
أنا كمان مع حضرتك... العربية دى شكلها مقلوبة و رشة جوه و بره و رايحه فى داهية.
أنا لم أسمع فى حياتى عن سيارة دواخلها فارقه عن خوارجها لا فى الميجان و لا فى أى سيارة أخرى إلا إلى عمله حادثه موت.
يعنى حضرتك هما بيرشوا جوا لون و بعدين يرشوا بره لون تانى (حاجة ما تخشش العقل طبعا).
بص من الأخر خد الراجل صاحب العربية معاك فى الكشف فى التوكيل و لو طلعت العربية معكوك فيها و إنتا واقف قول له هات فلوس العربون و سيبك من العربية دى خالص.
العربيات النظيفة بيبان عليها و بصراحة العربية دى مقلقة جدا.
مشكورين جدا وانا رايح بكره بس هو لون الدواخل مش فارق عن الخوارج هو مدى على بنفسجى بس العربيه كانت متوسخه اوى من بره اكنها بقلها سنه متغسلتش فا اون كان فارق من جوه لكن هى كصاج كويسه نا كل خوفى بس من شغل اعفشه والكهرباء ولميكانيكا السعر هو كان بيتكلم فى 70 بس انا نزلت الفين عشان الشغل الى فيها بس بس كنت عايز اتاكد من حاجه موديلات 2005 و 2004 اسمع فيهم عيوب فا ياريت اعرف ايه اعيب والناس عناله تقلقنى من الفتيس
العيب الى كان فى الفتيس بيتعمل بسوفت وير وهو عبارة عن نتشه فى الفتيس بس مسمعتش أنه بيرجع تانى
( بس بصراحة العربية الى معاك ديه مقلقه جامد أكشف فى التوكيل كشف دقيق لان حاجتها مش رخيصة لو طلعت بايظة فكك منه علطول )
العربية ديه على الحاجات اللى بتقولها غالية اوى ب 68000جنيه السعر ده يجيبلك 2006 نضيفة جداً بس مش بانوراما لكن فول أوبشن سيبك منها أنا كنت فاكرك هاتقول 63000 او 65000 بالكثير لأن من الواضح ان فيها تصليحات
وكمان العداد بتاع السرعة ممكن يتلعب فيه بسهولة فماتاخدش بقراءة العداد خالص خد عربية بالحالة والعربيات ديه لازم تكشف عليها فى التوكيل والله الموفق
للأمانة أنا قريبى باع 2005 عاملة 100000 كيلو بس كلهم سفر مش جوه البلد و العربية بانوراما حالتها زى الفل و كل الصيانات فى التوكيل و لايوجد بها أى إصلاحات و باعها فى التوكيل و مستعجل علشان جاله عقد عمل فى الخليج باعها ب 65000 ألف.
أعتقد برده إن 2006 أغلى من كده شوية بتبقى كسره ال70000 لوالحاله معقوله....متنساش إن الميجان النظيف سعره شادد دلوقتى و عليه طلب.
طبعا أنا مش خبير لكن ده مجرد سمع من اللى حواليه.
الميجان 2005 النضيفة مش هتقل عن 68 ألف
و ال 2006 مش هتقل عن 75 الف
بتكلم على الحاجات النضيفة اللى معمول صيانتها فى التوكيل و مش عاملة حوادث
انا جبت العربيه العربيه جميله جدا حالة الصاج زيرومن بره ومن جوه زيرو انا مرحتش التوكيل رفعت وهى دىالغلطه بس الى معملتهاشلكن غير كده اعربيه جميه جدا حالتها من اداخل والخارج زيرو رحت فرنش موتورزاشوف البارات هومكشفش عليها بس قالى بنغير اسكاترا كامله لانننا قبل كده عملنا البارات اعدة فترهورجعت تانى فا انا بصراحه حسيت انهم مش عارفين حاجه و مفيش مهندس معاهم ولا اى حاجه فاكنت عايز اعرف الكلام ده ايه فعلا صح وكمان اناناوى اروحاعملها صيانه اظبط الكهربة واحطها على الكمبيوتر عشان فى رجرجه خفيفه فى الماتورفاكنت عايز اعرفانا لورحت كشفت عليها على الكمبيوتر اعملها فين وبكام بس لكن غير كده العربيه ممتازه
ايه يا وحوش كنت عايز اعرف منكم اعمل الحجات دى فين ولو فى حد عارف اى مهندش فى اى مركز صيانه انا سمعت انى فى صقر قريش كلهم بتوع ميجان بس فا كنت عايز اظبط العربيه فا ياريت لو حد يقلى اظبطها فين
لا طبعا لو العلبة سليمة بيغيروا البارات بس أرخص بكتير
بالنسبة للكمبيوتر لو قريب من التوكيل أنصحك بيه مكنش شوف الميكانيكيون جنب السندباد
بالنسية للعفشة فى مركز عند صقر قريش فعلا من الأتوستراد بس مش فاكر أسمه
فى عضو هنا غير العفشة كاملة من قريب عند واحد تبع حببنا مومو بص على ده
http://www.nilemotors.net/Nile/102597-a.html