انا كمان شوفت الموضوع دا ... بس مش مقتنع بيه بصراحة .. ياريت حد من اصحاب الخبرة يفيدنا فى الموضع
ويقولنا ايه احسن طريقة نقدر نرفع بيها اداء العربية ونرجعها زى الاول زيروووو
عرض للطباعة
فيه حاجة جميلة جدا ممكن تتعمل انا شخصيا مجربها من زمان بعد ما تنزل الزيت المستعمل تحط 2 او 3 لتر زيت هيدروليك ودا زيت خفيف جدا بتاع المعدات التقيلة وتدور العربية على الزيت ده وانت واقف من غير ما تتحرك بالعربية لمدة 10 -15 دقيقة وتنزل الزيت ده وتحط الزيت بتاعك العادى انا بعمل الموضوع دا مرة كل اربع شهور فى عربيتى المرسيدس حاليا جرب هتشوف الفرق يا رب حد يستفيد من الموضوع ده
ازاي يجيلك قلب تحط زيت لزوجتة اقل بكتير من لزوجة العربية المطلوبة
طبعا هايزود الاحتكاك جوة العربية كدة ويخللي البساتم تاكل في جسم سبيكة الموتور
عايز تستعمل الفلش استعملة زي ما هو عالزيت القديم اوعي تحط زيت معدني لعربية بتستعمل تخليقي
بعد ماتنزل الفلش عايز تزود امان قوي لاي اثري فلاش هات علبة زيت ليتر ونزلها في الموتور من غير ما تدور تاخد بواقي الفلش وترميه او اي زيت بس برضه ماتدورش
وبعد كدة اقفل طبتك وحط الزيت بتاعك
تساؤل عن ازاله اثار الفلش
هل علبه الزيت المضافه لازم تكون من نفس النوع الذي سيستخدم ولا اي زيت جديد وخلاص
الفكره دي كانت عندي بس كنت ناوي احط يجي 2 لتر واشغل الموتور (لان الموتور اشتغل والفلش في الزيت القديم ) وانزلهم (فكري انه هيشيل كل الاثار للفلش وان لم يزيلها ف هيخفف نسبه تركيزة و مع تغييرة الزيت بدل ما هتكون كل 10 الاف او 5 الاف اول مره اخليها الفين او 2 الاف علشان اضمن انه نزل كله )
واحط الزيت بتاعي
استاذ مجدي حط اي نوع بس مناسب في اللزوجة ونزله وكدة تبقي شيلت اي اثر للفلش
موضوع جميل ومفيد
جاري التجربه.وهقولكم على الاخبار
بس بعد الموضوع ده اجرب احط السيراتيك ولا بلاش.عربيتي فيا صوت الكرنك عالي اي ان الكرنك خفيف زي مابيقولو الصنايعي
ما أنصحش نهائي باستخدام الفلش ولا أي إضافات...
الفلش له استخدام واحد... إنك تشيل الترسبات الطينية... وبكرر.. الترسبات "الطينية"
منتج الفلش أصلا معمول للناس اللي بتحط الزيت في العربية وتنسى تغيره.. أو بمعنى أصح مش شاغلة نفسها بصيانة العربية.. حتى في أبسط وأهم صياناتها زي الزيت.
المنتج ده زيه زي بقية منتجات الإضافات اللي في السوق.. كان ليها ضرورة كبيرة جدا في ظل تأخر تكنولوجيا الزيوت من حوالي 70 سنة...
والمعروف إن الزيوت بتاعت زمان فيها نسبة شوائب وشمع كبيرة.. ولو ما غيرتش الزيت بانتظام بتبدأ الشوائب والشمع ده يترسب ويعمل طبقات محترمة من الطين جوه الموتور بتمنع سريان الزيت الجديد..
غالبا بنشوف مناظر زي دي:
http://i181.photobucket.com/albums/x...r/IMG_2409.jpg
دي الحالة الوحيدة اللي تبقى فعلا محتاج تستخدم فيها الفلش..
وعلى فكرة.. في الحالات دي المفروض إن التنظيف يبقى من خلال ميكانيكي يشيل الترسبات دي يدويا... بس لإن تكلفة الشغل اليدوي في أمريكا كبيرة جدا.. فالمنتجات دي بتبقى هي الحل.
لو استخدمت الزيت الصح زي الكتالوج وغيرته في مواعيده زي الكتالوج مش هتحتاج لأي فلش ولا أي حاجة تانية خالص.
بالنسبة للإضافات على الزيت...
ممنوع...
كل كتالوجات السيارات بلا استثناء بتمنع استخدام أي إضافات على الزيت
الإضافات دي بردو منتج كان له لازمة زمان... دلوقتي الزيوت عليها كل الإضافات اللازمة.. ما دمت اخترت الزيت صح زي الكتالوج.
وكل الإضافات اللي في السوق دي المفروض تتحط على أنواع معينة من الزيوت مخصصة للسباقات... مش للاستخدام العادي بتاعنا.. لإن زيوت السباقات ماهياش مطابقة لأي مواصفة من هيئات الزيوت العالمية وينقصها إضافة بعض الإضافات لتأدية مهام معينة تختلف على حسب طبيعة السباق اللي العربية داخلاه.
الموضوع ده فيه تفاصيل أكتر:
http://www.nilemotors.net/Nile/492072-a.html
...