لأ الفكرة مش كدة
الفكرة انهم بيحاولوا مع رينو فرنسا انهم يغيروا الجزء ده فى الضمان
مش فكرت انهم عايزين يدفعوه فلوس وعشان كدة الموضوع أخد وقت:satelite:
عرض للطباعة
لا شكر على واجب
ومبروك الصيانة وتغير المساعد
على فكرة المهندس اللى قلتلك عليه انته قابلتة وكلمتة :36_1_1[1]: هوه مهندس ياسر ولو نازل فى اى يوم القاهرة احجز وعدى على التوكيل واعمل البريك متستناش لل 10000 ومعلوماتى عن المساعد انهم 20 الف كيلو ومعرفش وقت قد إيه بس غريب قوى 3 شهور دول
أنا عندى تحت البيت مودرن موتورز بتوع نيسان والمهندسين معرفة بحكم الجيرة ، فسألتهم النهارده فى الموضوع ده ، قالوا ان ضمان المساعد عندهم فعلاً 20 ألف كيلو ، بس دى بتفرق من شركة لشركة ، ولما حكيت لهم عن اللى حصل معايا ، قالوا طبعاً لازم يتغير فى الضمان لأن مهما كان فـ 5000 دى قليلة جداً على ضمان أى مساعد.
بس ضمان المساعد بتاعنا فعلاً 3 شهور لأنى وأنا قاعد فى المكتب كان فيه واحدة إدارية اسمها مدام فاطمة ، المهندس علشان يأكد كلامه سألها قدامى عن ضمان مساعد اللوجان ، فردت على طول وقالت له 3 شهور ..
على أى حال حتى لو كان الموضوع لازم يحصل اوتوماتيك من غير اتصالات ولا غيره ، فأنا برضه لازم اشكرهم لأن احنا عارفين اللى بيحصل فى توكيلات تانية كلمة ضمان فيها مجرد حبر على ورق أو ضمان مع إيقاف التنفيذ لعدم توفر قطع الغيار.
وان شاء الله هاحاول اعمل مشوار المارشيدير قبل صيانة الـ 10 ، على الأقل علشان يرجعوا الدواسة زى ما كانت ، لأن العضة ماكانتش مضايقانى بقدر ما ارتفاع الدواسة مضايقنى دلوقتى.
وفعلاً اللى يفكر فى الأمر يلاقى ان موضع ضمان المساعد شائك لأن ممكن مطبين جامدين يجيبوا أجدع مساعد ويكون لسه راكب امبارح ، بس الحمد لله ربنا ستر والموضوع ما شوكنيش :)
استدراك : مدير الاستقبال اسمه م. محمد عبد النبى مش محمد عبد الحى.
هو الموضوع بيجى اكتر بالاحساس بالسرعه والتجربه بس ممكن مبدايا تمشى على عداد السرعه (اقل من 20 كيلو زى ما زيزو قالك )
بس الكلام ده بعد التأكد أن الموضوع مش عيب فى العربيه وناتج عن خطأ قياده عشان اعتقد أن سنتين فتره كويسه تخلينا غالبا نستبعد خطأ القياده
زى ما فى البديه ممكن الواحد ينقل اعتمادا على عداد ال rpm لكن بعد شويه بيبقى الموضوع مش محتاج الا احساسك بالعربيه
عقبال صيانه المليون كيلو1- ليه يكون الحل عند مهندس واحد فقط دون الاخرين
بس عندي سؤال
عضه الفتيس مدام لها حل اكيد زي ما الكل بيقول
2- مدام المشكله دي عامه ليه التوكيل بيعملها لبعض الاشخاص والاخرين لا
3- الدفعات الجديده اللي بتنزل برضه نازله بنفس العيب وده يطرح سؤال هل احنا اللي عرفنا الحل والمصنع والمجمع معرفوش!!!!!!!
ولومعرفوش فين تقارير المتابعه والعربيه كملت سنه4- مساعد يضرب قبل 5000 كم ويقول ضمان 3 شهور ده لو صيني يديني ضمان اكتر.
5- داخل اصلح عضه الفتيس يعلي دواسه الفتيس طب ليه والعميل مطلبش كده !!!!!!!!
إجابة رقم 1 : مافيش ، وأشاركك السؤال
إجابة رقم 2: مافيش ، وأشاركك السؤال
إجابة رقم 3: ماعرفش، وأشاركك السؤال
إجابة رقم 4: أشاركك الاستغراب بشدة
إجابة رقم 5: علشان هم بيفتكروا ان الشكوى سببها ان العميل مش بيدوس على الدبرياج كويس فالفتيس بيعاكس ، فبيرفعوا الدواسة علشان الدبرياج يفصل بدرى ويسهل النقلات.
مبرووك على الصيانة يا زيزو... وعقبال المليون على خير
(( اللى بيحصل دة يفقد الثقة يوم من بعد يوم ))