الحمد لله أن مشكلة حضرتك أتحلت ، خصوصا أنها كانت بره الضمان ، ولوني اعرف ان ضمان المساعديين بيبقى اطول من كده ، يعني المونرو ضمانها سنة مثلا .
رقم العضوية : 442
تاريخ التسجيل : 03May2007
المشاركات : 3,648
النوع : ذكر
الاقامة : Egypt
السيارة: 127 & 128
السيارة[2]: Logan 2010 FO
دراجة بخارية: none
الحالة :
رحت النهارده توكيل المقطم (وشكراً لبيشوى وحد تانى مش فاكر اسمه على وصف الطريق) .. علشان أعمل صيانة الـ 5000 آلاف كيلو ، وأنا عندى حاجتين اتنين فقط ملحوظين فقلت أركز عليهم علشان يتعملوا بدل ما أوسع المسائل وفى الآخر مافيش حاجة تتعمل ..
المشكلة الأولى : موضوع عضة المارشيدير الشهيرة ، ودى قلت طالما عرفوا حلها وعملوها مع بيشوى يبقى أكيد هيعملوها معايا (تركيب مجموعة البريك) ، وبقوا يعملوها أوتوماتيك مع أى حد يشتكى منها.
والمشكلة التانية : ودى مش مشكلة عامة وانما تخص عربيتى بس ، والحقيقة هى حاجة بسيطة (فى نظرى) بس قلت نشوفها برضه وهى ان فى المطبات القاسية باسمع صوت زى عود قصب بيتكسر كده، جاى من عند العجلة الأمامية شمال والحقيقة الصوت ساعات باسمعه وساعات مش باسمعه ، فقلت له عليه وتوقعت يكون تربيط عفشة أو بالكتير جلبة مقص واللا حاجة.
كنت هناك الساعة 10.30 صباحاً تقريباً واستقبلنى مدير الاستقبال م. محمد عبد الحى مقابلة كويسة جداً وأخد ملاحظاتى وعاين العربية وسجل ملاحظاته (عن الخدوش وخلافه) فى جهاز معاه ودخلوها الورشة ، وقال لى الاستلام هيكون الساعة اتنين ..
قعدت فى الاستراحة والوقت جرى والساعة بقت 3 ومافيش حس ولا خبر ، فرحت للمهندس محمد عبد الحى وسألته عن سبب التأخير ، فقال لى ان فيه مشكلة هتحتاج شغل أطول وهى ان صوت الخبطة الأمامية سببه ان المساعد الأمامى ضرب وجايب زيت ولازم يتغير ، وهيكلفنى 550 جنيه ، طبعاً اتصدمت ، فقلت له دى العربية فى الضمان ويادوب عاملة 5000 كيلو ، قال لى مفهوم بس ضمان المساعدين مدته 3 شهور فقط ، قلت له امال ضمان الـ 3 سنين ده يبقى على ايه لما المساعدين 3 شهور ، قال لى على الموتور والفتيس .. فاذبهليت أكتر وبقيت مش عارف أقول ايه لأنى حسيت ان الكلام بقى غريب ، فطلبت مقابلة حد من المهندسين وكنت متضايق خصوصاً وان الخبطة دى باسمعها من أول شهر من عمر العربية يعنى حتى لو ضمان المساعد 3 شهور فأكيد ان المساعد باظ بدرى جداً،
دخلت المكتب واتصل م. محمد بمهندس اسمه عمرو فتوح علشان ييجى يقابلنى ، وبعد خمس دقائق لقيته جه وقال لى انه اتكلم فى الموضوع ده مع مهندس اسمه عبد الظاهر وانهم متعاطفين معايا علشان العربية عاملة 5 آلاف فقط ، وقال لى ان فيه محاولات لحل المشكلة بدون غرامات ، وبعد شوية جاء لى مع مهندس اسمه ياسر وقال لى ان الموضوع اتحل وهيقدروا يغيروا المساعد فى الضمان والبركة فى المهندس ياسر فشكرته وقلت له ان العيب ده موجود بالفعل من أول شهر فقال لى انت كنت هتساعدنا أكتر لو كنت جبت العربية أول ما العيب ظهر ، فقلت له دى خبطة بسيطة ويمكن كنت نسيت أصلاً أقول لكم عليها ، فقلت نخليها فى أول صيانة خصوصاً وانى باجيلكم من سفر طويل وشكرته تانى ، والحقيقة ما يفوتنيش إنى أشكر مدير الاستقبال مهندس/ محمد عبد النبى لأنه كان الدينامو اللى ساهم باتصالاته فى سرعة الوصول إلى حل.
المهم رفعوا العربية على الرافعة اللى قدام الباب بره الورشة والفنى فك الكاوتش علشان يغير المساعد والمرة دى أنا كنت شايف الشغل لأنه قدام الباب على عكس لما كانت العربية فى الورشة ما كنتش شايف حاجة، واستلمت العربية قرب الساعة خمسة مساءاً.
وبالنسبة لنتائج الزيارة :
1- مشكلة الخبطة اتحلت بتغيير المساعد.
2- موضوع المارشيدير للأسف ما عملوش الحل اللى عملوه لبيشوى ، والعضة زى ما هي ، والأسوأ انهم رفعوا (علوا) دواسة المارشيدير بحيث انه يفصل بدرى ما تحتاجش تدوس للآخر ، والموضوع ده طبعاً ضايقنى جداً لأن الدواسة عليت وبعد ما كنت باحرك مشط رجلى علشان أدوس عليها ، أصبحت باضطر أرفع رجلى كلها علشان أجيبها من أولها وأدوس عليها ، ومش عارف هم عملوا كده ليه .. على أى حال لنا لقاء فى صيانة الـ 10.000 ان شاء الله.
3- مراجعة سوائل السيارة .. كنت تعبان وجبت آخرى عن الاستلام ومابيصيتش عليها ، بس أنا رايح أصلاً والسوائل مستوياتها طبيعية مش قلقان من الموضوع ده ، بس هابص عليها بكره ان شاء الله.
واللى نقدر نستفيده من الزيارة دى هو :
1- اعمل صيانتك فى مركز كبير على قد ما تقدر وما تستقربش .. لأنى أعتقد انى لو كنت رحت مكان غير المقطم كان ممكن يقفلوا معايا فى موضوع المساعد ، ده ان اكتشفوها من الأصل.
2- حكاية ان ضمان العربية 3 سنين ، دى جملة عامة ، وطلع ان فيه أجزاء ضمانها أقل من كده ، فضمان المساعد 3 شهور فقط ، ودى حاجة برضه تثير الاستغراب ، لأن المساعد المفروض انه من قطع الغيار المعمرة فازاى يكون ضمانه قليل كده؟
3- لو انت مستلم العربية جديد وحسيت بمشاكل أو خبط فى العفشة ، روح التوكيل على طول علشان تلحق لو حاجة عايزة تتغير قبل ما يفوت 3 شهور وتفاجأ ان الضمان خلص.
4- لما تروح تعمل صيانة ما تعتمدش على انهم هيعملوا اللازم وخلاص ، لكن قول اللى تقدر عليه ، ولو تعرف اسم حد من المهندسين هناك اسأل عليه بالاسم واشرح له المشكلة. يعنى أنا لما قلت عندى عضة فى المارشيدير وخلاص ، ماجابش نتيجة ، لكن أعتقد لو ماكسلتش وكنت سألت على المهندس اللى بيشوى قال لنا على اسمه وطلبت منه تركيب مجموعة البريك ، كان الوضع اختلف.
5- برضه لما تكون رايح تعمل صيانة خد معاك حاجة تتسلى فيها علشان الانتظار ممل جدااااااااااً.
The only alternative to coexistence is codestruction - Nehru
رقم العضوية : 51492
تاريخ التسجيل : 29Oct2009
المشاركات : 1,317
النوع : ذكر
الاقامة : Giza
السيارة: Hyundai Getz 2005
السيارة[2]: Renault Optima 97
دراجة بخارية: N/A
الحالة :
الحمد لله أن مشكلة حضرتك أتحلت ، خصوصا أنها كانت بره الضمان ، ولوني اعرف ان ضمان المساعديين بيبقى اطول من كده ، يعني المونرو ضمانها سنة مثلا .
فكر من جديدقال تعالى : ( قُلْ هَلْ نُنَبّئُكُم بِالأخْسَرِينَ أَعْمَالاً * الّذِينَ ضَلّ سَعْيُهُمْ فِي الْحَيَاةِ الدّنْيَا وَهُمْ يَحْسَبُونَ أَنّهُمْ يُحْسِنُونَ صُنْعاً )
رقم العضوية : 45138
تاريخ التسجيل : 19Aug2009
المشاركات : 3,416
النوع : ذكر
الاقامة : Cairo
السيارة: Logan 2010
السيارة[2]: Fait 128
دراجة بخارية: لا يوجد
الحالة :
الحمد لله أنها جت على كده
ومشكور يا باشا على نقل التجربه
الوا السياسة مهلكة بشكل عــــــــــــــام...و بحورها يا بني خشنة مش ريش نعام.
غوص فيها تلقي الغرقانين كلهــــــــــم. شايلين غنايم ...و الخفيف اللي عـــــام
رقم العضوية : 31493
تاريخ التسجيل : 29Jan2009
المشاركات : 2,040
النوع : ذكر
الاقامة : elmohandseen
السيارة: shahin
السيارة[2]: لوجان 1.6 F/O M/T 2010
دراجة بخارية: لايوجد
الحالة :
الف مبروك وعقبال صيانه المليون
رقم العضوية : 48075
تاريخ التسجيل : 28Sep2009
المشاركات : 144
النوع : ذكر
الاقامة : اسيوط
السيارة: لسة مش عارف
السيارة[2]: لوجان 2011
الحالة :
شكراً علي التقرير.
بس مش عارف أفرح علشان كانوا متعاونين معاك و شافوا حل للمساعد منغبر مايدفعوك؟؟؟ و لا أزعل علشان حكاية الضمان 3 سنين مش على العربية كلها؟؟؟ معملوش عضة الفتيس مع أن ليها حل و اتعمل مع بعض الأعضاء؟؟؟ رفع الدبرياش عالى أوي كده مع أن احلي حاجة اجمع عليها مالكي السيارة الراحة و النعومة بتاعة الدواسة ده بالذات؟؟؟؟؟؟؟؟؟
عموماً عقبال صيانة المليون
رقم العضوية : 47420
تاريخ التسجيل : 17Sep2009
المشاركات : 1,177
النوع : ذكر
الاقامة : dokii/musadaq
السيارة: rabna yesahel
السيارة[2]: renault logan 2010
دراجة بخارية: no
الحالة :
ماعملوش حاجه معايا برضه و كان الرد الطبيعي أو المحفوظ إنك مش بدوس دبرياج كويس طبعا الحل أنهم علوها مع إني خليت مهندس يجربها و سمع بعينه الرزعه و صوت تروس غريب كده راح قايلي بص دي موجوده في كل اللوجان و مالهاش حل- موضوع المارشيدير للأسف ما عملوش الحل اللى عملوه لبيشوى ، والعضة زى ما هي ، والأسوأ انهم رفعوا (علوا) دواسة المارشيدير بحيث انه يفصل بدرى ما تحتاجش تدوس للآخر ، والموضوع ده طبعاً ضايقنى جداً لأن الدواسة عليت وبعد ما كنت باحرك مشط رجلى علشان أدوس عليها ، أصبحت باضطر أرفع رجلى كلها علشان أجيبها من أولها وأدوس عليها ، ومش عارف هم عملوا كده ليه .. على أى حال لنا لقاء فى صيانة الـ 10.000 ان شاء الله.
الحل إنك تجيب أول قبل المارشيدير هو فعلا الموضوع ده نفع معايا بس برضه مافيش عربية زيرو محترمة فيها عضة فتيس
أول رئيس مدني لجمهورية مصر العربية
[sor2]http://img03.arabsh.com/uploads/image/2012/06/20/0e32444861f306.jpg[/sor2]
رقم العضوية : 20140
تاريخ التسجيل : 25Sep2008
المشاركات : 6,879
النوع : ذكر
الاقامة : Cairo
السيارة: مافيش عربيه تانيه!!
السيارة[2]: ميجان
دراجة بخارية: عجله شوبر
الحالة :
دخلت المكتب واتصل م. محمد بمهندس اسمه عمرو فتوح علشان ييجى يقابلنى ، وبعد خمس دقائق لقيته جه وقال لى انه اتكلم فى الموضوع ده مع مهندس اسمه عبد الظاهر وانهم متعاطفين معايا علشان العربية عاملة 5 آلاف فقط ، وقال لى ان فيه محاولات لحل المشكلة بدون غرامات ، وبعد شوية جاء لى مع مهندس اسمه ياسر وقال لى ان الموضوع اتحل وهيقدروا يغيروا المساعد فى الضمان والبركة فى المهندس ياسر فشكرته وقلت له ان العيب ده موجود بالفعل من أول شهر فقال لى انت كنت هتساعدنا أكتر لو كنت جبت العربية أول ما العيب ظهر ، فقلت له دى خبطة بسيطة ويمكن كنت نسيت أصلاً أقول لكم عليها ، فقلت نخليها فى أول صيانة خصوصاً وانى باجيلكم من سفر طويل وشكرته تانى ، والحقيقة ما يفوتنيش إنى أشكر مدير الاستقبال مهندس/ محمد عبد النبى لأنه كان الدينامو اللى ساهم باتصالاته فى سرعة الوصول إلى حل.
نفسى افهم الكلام ده!!
ازاى نشكر واحد عملك مشكله اصلا و محلاهاش من الاول طالما الحل موجود و ممكن
يعنى هما يجربوا الاول يدفعوك الفلوس ولما الحكايه ماتمششيش معاك يعملوا اتصالات عشان يغيروا مساعد بايظ لعربيه ماشيه 5000 كيلو!!
حاجه تنقط
مصر هتفضل غالية عليا
-------------------------------
الديك الحلبي هايفضل يدن لغاية ما يتدبح
رقم العضوية : 2316
تاريخ التسجيل : 25Sep2007
المشاركات : 16,640
النوع : ذكر
الاقامة : Nasr City - UAE
السيارة: Accent 2006
السيارة[2]: Megane II 2005/Megane II 2007
دراجة بخارية: لا يوجد
الحالة :
أولاً ألف مبروك على الأصلاح
هو طبيعى أن الضمان مش على كل العربية....بس جديدة عليا أن المساعد ضمانه 3 شهور بس دى.
عموماً موضوع المساعدين جايبة زيت دى موضوع شائك فى أى توكيل لأنهم على طول تفكيرهم بيروح لأن العميل لبس حفرة أو مطب محترمين خلو المساعد يضرب و ده طبعاً مش عيب صناعة ده عيب أستخدام.....و بالتالى بيبقى الموضوع فيه شد و جذب كتير.
يا بلادى يا بلادى.........أنا بحبك يا بلادى
رقم العضوية : 28383
تاريخ التسجيل : 24Dec2008
المشاركات : 702
النوع : ذكر
الاقامة : Cairo
السيارة: لوجى وبس
السيارة[2]: Logan 2010 FO
دراجة بخارية: لا
الحالة :
حكاية المساعد دى تضايق وبعدين احنا المفروض نعرف منين كل جزء عليه ضمان قد إيه مش المفروض الحاجات دى تتسلم مكتوبه مع استلام العربية
بالنسبة لعضة المرشدير كانت مدايقانى فى الأول بس اتعودت عليها
هى العضة دى بتحصل معايا لما بنقل بسرعة
انما لوبنقل براحة خالص بينقل عادى
المشكلة اللى مضايقانى فعلا التسقيط من النقلة التالتة للتانية حضرتك ما قلتلهمش عليها ؟
والف مبروك على الصيانة يا باشا عقبال صيانة ال 100 الف :)
(هناك من يحبون الجدل لمجرد الجدل و يجب أن أعترف أنني طيلة حياتي الطويلة لم أر شخصا يقتنع برأي شخص آخر بعد أي جدال أتمنى لو وجدت الشخص الذي يقول في تواضع معك حق ...لقد كنت مخطئا ) د. احمد خالد توفيق
رقم العضوية : 45138
تاريخ التسجيل : 19Aug2009
المشاركات : 3,416
النوع : ذكر
الاقامة : Cairo
السيارة: Logan 2010
السيارة[2]: Fait 128
دراجة بخارية: لا يوجد
الحالة :
الوا السياسة مهلكة بشكل عــــــــــــــام...و بحورها يا بني خشنة مش ريش نعام.
غوص فيها تلقي الغرقانين كلهــــــــــم. شايلين غنايم ...و الخفيف اللي عـــــام
المفضلات