حاجه غريبه جدا العربيه زيرو ويحصل كده
متابع باهتمام
عرض للطباعة
حاجه غريبه جدا العربيه زيرو ويحصل كده
متابع باهتمام
متابع وربنا يسهل ويطلعوا كويسين
إن شاء الله خير وترجع أحسن من الأول
بس طمنا
انشاء الله خير وطمنا
ربنا يخليكم يا جماعة علي اهتمامكم بس هو دة المتوقع من اعضاء محترمين زيكم وان شاء الموضوع دة محصلش تاني مع اي حد .انا قولت اية في الاول اني اتفقت مع الشخص الي رد علي ان الموضوع لو طلع عيب صناعة هما هيشيلو كل حاجة حتي الونش الي هيجي طنطا يشيل العربية لحد اسكندرية.
1-الونش وصل الساعة 6:30 صباح الخميس زي ما اتفقنا بس طلع بتاع شركةخاصة التوكيل متعقد معها ودية حاجة انا استغربتلها بس ما علينا.
2-وصلنا التوكيل حوالي الساعة 8:45 اول ما دخلت مبدئيا معندهمش اي فكرة عن العربية او انها جاية او فيها اية.
3-المهندسين شافوا العربية وحدو العطل علي انة واير زي ما قولت هم في المكالمة وطلبو مني دفتر الضمان ورخصة العربيةومضيت علي الضمان وبدا يشغلو فيها مخدتش منهم نص ساعة وكانو مخلصين العربيةومدفعتش ولا مليم في تصليح عيب الصناعة دة.
4- نجي بقي للمشكلة الي قعدت فيها من 9 ال1 الضهر انا قولتان متفق مع الموظف بتاع الكول سنتر علي تحميل الونش علي الشركة في حالة عيب الصناعة بقولهم كدة ولقيت رد فعل غري كانهم اول مرة يسمعوا الكلام دة من عندة عيب صناعة يمنع العربية انه تمشي وجايبها بونش من مكانهافي الاول قالوا احنا لاغينا التعقد مع شركة الاوناش دية قولتهم ازي وهو التوكيل الي محوليني عليهم مش انا الي كلمتهم مباشروبعدين قاعدو شوية وقالوا لا احنا ملغنيش التعقد احنا لغينا الخدمة دية قولتهم طيب ازي الموظف دة ما يونش عارف حاجة زي كدة لان دة هو اللي الناس بتتصل بيةلما يحصل معهم حاجة زي الحاجة السخيفة دية (اللي متحصلش في 128)وبتبقي الناس محتاجة حد فاهم عشان يساعدهم وخصوصا باليل علي الطرق.
5-بعدية بدء صوتي يعلي لاني حسيت انه متخابطين ومش عارفين يقولو ايةوفي ناس اتعصبت عليهم رغم انهم ملهمش ذنب زي مهندسين الورشة(خالدوشريف)ومع ذلك صراحة كانومتعونين ومحترمين جدا.
6-بعدية قالو ان الكول سنتر شركة منفصلة وهما اللي يتحسبوا علي الكلام دة لان سياسية الشركة الحالية ان الضمان مش بيغطي تكلفة النقل قولتهم انا عميل عندكم انتم ودية شركة انتم واثقين فيها ومتعقدين معهم يبقو تبلغهم بالتجديدات اول باول او تتاكدو حتي انهم عارفين الاساسيات وتتحملمو اخطاهم لانهم امتداد ليكم . اتصلو بالكول سنتر قلهلهم لا الموظف مقلش كدة قولتهم بسيطة المكالمات بتبقي متسجلة اسمعوة واحكموا قالو لا هو مقلهش صراحة وبعتو المكالمات علي فرع العامرية قال علشان انا اسمعة قولتهم انا عارف انا قولت اية كويس اسمعهوة انتم (كل دة وسواق الوش مستني مش عارف مين اللي هيحسبة وصاحب الشركة عمال يزن علية) وقعدت اكتر من ساعة ونص علي اساس انهم في الكول سنتر هيتصلو بية مفيش حد كلمني ولا اتناقش معي في حاجة ودية كانت منتهي قلة الذوق منهم بس كانت في ناس متعونا معي برضة في العامرية زي م محمد عادل مدير الورشة ومدير الحسابات رغم انة ملهوش علاقة مباشرة المهم حسيت انهم وخدين قرار بان هو كدة وقالةي سياسية الشركة انها تنقل من محيط التوكيلات الرئيسية بتعتهم مش مكان بعيد زي طنطا .
7- المهم انا ما اقتنعتش بالكلام دة و قولت لهم انا عاوز اكلم حد يجيب من الاخر عشان مش هدفع حاجة المهم كلمت م عمرو ابوالفتوح مدير خدمة العملاء في رينو مصر كلها وحكيت الماساة من اولها لاخرها قلي ان نفسي اساعدك بس سياسة الشركة حكمني قولتة بس انا كدة ادبست في 400 جنية بسب موظف عندكم لانة لو كان قلي لنها علي كان هيبقي قودمي اختيارات تانية اجيب بيها العربية مش مضطر ادفع 400 جنية لكن كدة مفيشعندي اختيار قلي للا سف مش هقدر احمل فاتورة الونش علي الضمان قولتة انا كونت متوقع اكتر من كدة من توكيل رينو من حضرتك بس علي العموم حضرتك تقدر تعوضهلي وادلي نمرتة وقلي لما تروح تعمل اي حاي في التوكيل كلمني وفكرني بالموضوع واحنا هنعملك تخفيض لحد من عوضهملك وخلص الموضوع علي كدة وميشيت.
8- المهم هل انا كدة حقي وصلني ولالأ ولا انا اصلا مليش حق وهي دية سياسة الشركة فعلا من زمان ولا انا ضيعت حقي وبالتالي حقوقكم بعد كدة لان كلنا معرضين لنفس الموقف.
9- انا شايف اننا علي فرض ان دية سياسة الشركة الام مش لازم نسكت ازي عربية عيب الصناعة هو اللي مخلية متمشيش انقلها علي حسابي اي كان المكان الي جاية منة ياريت الاعضاء الي عندهم فكرة عن كفاية الشكوي لرينو فرنسا يشاركو معنا.
عيب صناعة يبقى الصانع المفروض يتحمل كافة المشاكل المترتبة على هذا العيب سواء كانت عطلة أو حادثة أو تكلفة مادية.
ربنا يعوضك ، وانت عملت اللى عليك واحنا دايماً الطرف الأضعف.
مبدئيا حمد الله على سلامتك و سلامة العربية
بالنسبة لموضوع الونش و كدة فأنا مش موافق و مش راضي على اللي حصل ده لأكثر من سبب
1- ان مش انت اللي بوظت العربية و اضطريت تنقلها للتوكيل فده عيب صناعة 100% و هما اعترفوا بكدة بدليل انهم مدفعوكش حاجة في الصيانة و بالتالي كان ممكن لاقدر الله انها تكون في حاجة كبيرة تؤدي الى خسائر مادية اكبر او لا قدر الله خسائر في اي حاجة تانية و ده واجب عليهم انهم ينقلوا العربية علشان انت مش مسئول عن عيوب الصناعة و بالتالي غير مسئول عن ما يترتب عليها يعني لو عيب الصناعة ده أثر على حاجة تانية كانو هيبقوا ملزمين انهم يصلحوا عيب الصناعة و اللي باظ بسبب العيب ده
2- انهم كان ممكن يبعتولك مهندس بعربيتهم يصلحلك القصة دي و انت في الشارع في 10 دقائق بردوا و بدون اي تكلفة و ساعتها اكيد ماكانوش هايحسبوك على بنزين العربية و شاي السواق
3- الحمد لله انك كنت في طريق كويس و الدنيا كانت امان لكن نفترض بردوا السئ ان كان ممكن يجرالك اي حاجة لا قدر الله اثناء الانتظار و بردو ده ماكنش هيبقى ذنبك ان العربية عطلت بيك فجأة
4- اما قصة انهم يعوضوك في خصومات في الصيانات بعد كدة دي المفروض كانت تحصل لأن المفروض اني باخد العربية معمول عليها check كامل قبل تسليمها للعميل بس اكيد العربية هتطلع 100% مفيهاش اخطاء دي صعبة فبالتالي يبقى تعويضك في تقديم خدمة محترمة بدون تحميلك اي شئ مع اعتذار محترم للي حصل ده
بالنسبة للcall center فده انا حاسس انو مهزلة توكيل رينو الناس مش updated خالص و بيدوا احيانا معلومات غلط و ادي دي كمان اللي حصل مع حضرتك
انا رأيي انك تبعت تفاصيل المهزلة دي لرينو فرنسا لأن دي انا مش لأقيلها اسم غير عدم تقديم خدمة جيدة
مين اللى قال ان توكيل رينو محترم
ده بياع الفجل احسن منه
حمد الله على سلامة حضرتك أولا
حضرتك ما كنتش دفعت و لا مليم للونش ، لإن ببساطة - كلمة أبرك من عشرة - حضرتك بكل ذوق و هدوء تقول للسواق أو صاحب الونش : إللي إتصل بيك و قال لك على مكاني هو إللي
يحاسبك ، و في كل حال بعد إنتهاء تصليح العربية بتاخد ورقة من الحسابات لخروج العربية من التوكيل يعني محدش له عند حضرتك حاجة .
لو حصل فعلا و بياع الفجل تفوق عليا بذكائه في بيعة فجل تبقى المشكلة مش في بياع الفجل .
بالمناسبة المهندس عمرو أبو الفتوح (من أسبوعين بالضبط) كان عندي مشكلة بسبب العمالة في فرع المقطم (المركز الرئيسي) و برضه عشان حدود صلاحياته قال لي رد مماثل للرد في
المشكلة المطروحة ، فلما صعدت الموضوع (و بدون الدخول في تفاصيل لعدم الخروج عن الموضوع) و بالمناقشة مع المهندس المختص توصلت لحل مناسب و هو خصم 10 % على جميع
أعمال الصيانات و الأعطال بالمصنعيات حتى ال 100 ألف كم (عداد عربيتي 45 ألف كم) و إن إنقضت فترة الضمان .