الموضوع: سؤال عن مندوبى التحصيل

كنت عاوز اسال عن مندوبى التحصيل و عن طريقه عملهم
يعنى بيقبضوا كام و لا بياخدوا عموله و لو المرتب بتاعهم ثابت بيبتدى بكام و كده
يعنى مثلا هما بيقبضوا بالمشوار و لا مرتب ثابت و لا بياخدوا نسبه و كل ذلك
و المرتب الثابت بيكون كام

معلش هاتعبكوا معايا لان مطلوب منى العثور على مندوب تحصيل للشركه :)
و المفروض اكون مسئول عنه و عن طريقه شغله و كل حاجه ليه و انا بصراحه مش عارف ياريت تساعدونى

المشاركة الأصلية كتبت بواسطة rockana9112007

اعتقد ان العمولة بتختلف حسب كبر المبالغ
يعنى عندنا فى الشركة ال100 الف دى حاجة بسيطة مش كبيرة وممكن المندوب يحصل مليون او مليون ونصف فى المتوسط ف العمولة مش عارف كام فى الالف وكدة

بس حضرتك انتا هتقسم المرتب كالاتى
حوالى 500 جنية دة اساسى وملوش دعوة باى عمولة وطبعااا هتخصم منة تامينات
+ عمولة ودى تحدد نسبتها حسب المتوسط اللى المندوب هيحصلة كل شهر
يعنى لو المبالغ كبيرة النسبة هتبقى صغيرة لو المبالغ صغيرة النسبة هتكبر وكدة يعنى على الاقل يكون بيدخل لمندوب التحصيل مش اقل من 1000 جنية عمولة فى المتوسط عشان يقدر يشتغل ويستمر
بالنسبة للمواصلات بتكون بالاتفاق ولو بيملك فيسبا يكون افضلك مقابل انك تديلة مبلغ مقابل استهلاكها وبنزينها وطبعااا بدام ملكة هو هيحافظ عليهااا
وشكراااا

تعرف ان انا بدور علي بيت الشعر اللي انت كاتبه في توقيعك