طب فيه عندى فكرة مجنونة شوية ... لو كلنا "و اقصد بذلك ملاك الخليجى" بعتنا ايميلات لشركة كيا ... و اشتكينا من الوكيل إنه بيفرق فى المعاملة و السعر بين الخليجى و الوكيل .... أكيد أكيد شركة كيا كالعادة هتشدهم من ودنهم و يخلوهم ميفرقوش فى المعاملة
عرض للطباعة
طب فيه عندى فكرة مجنونة شوية ... لو كلنا "و اقصد بذلك ملاك الخليجى" بعتنا ايميلات لشركة كيا ... و اشتكينا من الوكيل إنه بيفرق فى المعاملة و السعر بين الخليجى و الوكيل .... أكيد أكيد شركة كيا كالعادة هتشدهم من ودنهم و يخلوهم ميفرقوش فى المعاملة
هو لسه في حد مصدق ان العربية المصري أحسن من الخليجي
هو في حد ممكن يثبت أن في فرق أساسا !!!!
حد شاف بعينه !!!!
ولا هو كلام بتوع المبيعات الفشلة علشان يضحكوا على الناس اللي مالهاش في العربية وخلاص
هو الوكيل المصري يقدر يطلب مواصفات خاصة !!!!
هو بيسحب كام عربية أساسا
هو عنده مواصفات معتمدة لبلده !!!
وكل يوم تسمع طقم جديد
إشي 95
إشي خدمة شاقة
إشي فتيس غير و علبة دركسيون ماعرفش ايه
يا اخواننا صحصحو شوية
عربيات الوكلاء مش عربيات وحشة ولا مضروبة طبعا
بس ما تفرقش عن الخليجي في الأساسيات فتلة
ولو فرقت .....يبقى الفرق لصالح الخليجي
يعنى انتوا مقتنعين ان العريبه يتنزل واحد فى كل حته فى العالم
يعنى نفس الخامات و الاسياسات
فظبعا الكلام ده مش صح فى بلاد عندهم الكالميات بتاعتنا اسياسات يعنى زى الesp والايرباج اللى عربيه كيا مينفعش تخش السوق الاوروبى من غيره
السوق العالمى متقسم بالشركات لمناطق يعنى فيه الشرق الاوسط ودى مواصفتهم كذا
وفيه اوروبا ودى مواصفتهم كذا وامريكا وافريقيا
يعنى اقرب مثال شوفته عن الدايو المصرى والامريكى استيراد مش هقولك فرق الخامات المستخدمه والايرباج و الموتور ايه
وهثبت لك اكتر ليه العربيه لما بتجى مصر بيقى عليه ورقه السريل ومكتوب egypt على الازاز الملزوقه
ليه العربيه الخليجى مكتوب عليها مطابقه لموصفات القياسيه السعوديه
طبعا لو الفرق فى الكماليات بس مكانوا مصنفوش العربيات لبلد المنشاه والكماليات بتبقى واضحه بالعين اقدر افرق بينهم بمجرد النظر
لكن اللى انا مقتنع فيه ان العريبات بتتغير كتير من بلد لبلد فى الخامات والمواد المصنعه معرفش ده موجود فى الكيا السيراتو او لا بس هو موجود عالميا
انا اعتقد ان موتور السيراتو والكارنز والسول واحد
ساعتها نبعت إيميل تانى نشتكى فيه من غلو الأسعار بتاع الصيانة عن نفس الفئة فى الماركات التانية و نبقى ادينالهم القاضية و يبقى عدانا العيب و قزح و طار كمان
ناوى أعملها بس كنوع من المحاربة لإستغلال الوكيل و جشعه ... و إن فيه مليون شركة تانية تتمنى إنها تاخد وكالة كيا
و بعدين عيب أوى لما وكيل شركة كيا العالمية يقول إن الصيانة بقت زحمة و إننا هنعمل صيانة لعربياتنا الأول و بعد كدة نفضى للخليجى ... هم بيكسبوا شوية الهم لاحسد ... مهم مستفينهم على قلبهم و لا مؤاخذة ... ميعملوا مراكز صيانة كمان أو يشوفوا حد يشاركهم فى وكالة الماركة لو هم مش قدها .. إنما لأ إزاى ... إحنا بس اللى نعمل صيانة و لعربياتنا و الباقيين فى داهية دول يهود... و يوم ما هنفكر نعملهم صيانة يبقى نسفحهم ... :_Alshmokh08[1]:
يا جماعة ان مدير مشتريات فى شركة بترول و كنت من سنتين عملت مناقصة لعربيات تويوتا كورولا و برادو مطلوبة للشركة و رسيت المناقصة على شركة بتستورد عربيات تويوتا من الخليج و فعلا اشترينا العربيات و لما بعتنا العربيات علشان يتعملها صيانة فى التوكيل كانت المفاجئة ان اجزاء كثيرة من العربية مختلفة عن اللى موجودة فى التوكيل زى تيل الفرامل مثلا و المفاجئة الاكبر لما فانوس خلفى اكسر و ودينا العربية للوكيل علشان يغيرها اكتشفنا ان حتى الفوانيس مختلفة مش من شكلها الخارجى و لكن الخليجى فيشتها اللى فى قعدتها و اللى راكبة فى العربية مختلفة عن اللى بيستوردها الوكيل فأضطرينا نطلبها من الشركة اللى احنا اشترينا منها العربيات علشان تجبهالنا من مكان ما استورد العربيات
انا حكيتلكم الحكاية دى بس علشان تعرفوا ان فعلا العربيات الخليجى فى بعض الشركات بتبقى مختلفة عن اللى بيجبها الوكيل لكن مش معنى كلامى انكم تستسلموا لازم تفضلوا ورا الوكيل لغاية ما يوفر قطع غيار لعربياتكم و يعملها الصيانة اللازمة
3 غلط...!!!!!!!!!!!! خير بس..؟؟؟ ايه اللي مزعلك علشان افهمك
ان كلامك للأسف هو اللي (( غلط... غلط ... غلط )) 3 غلط :fdsa:
بس باقي الشرح سليم.... لكن انت بردو فاهم الموضوع غلط يا باشا...
هو في البدايه بس, سعادتك تعرف المستورد اللي بيجيب خليجي بيجيبها ازاي..؟؟؟؟
سعادتك تعرف هي بتبقى متسجله باسم مين اصلا كيد أولى للعربيه من بلدها في الخليج؟؟؟
لو ماتعرفش قوللي علشان افهمك بس, و بالهداوه, و بدون انفعال غير مبرر لو سمحت
و هكرر كلامي تاني و ثالث و عاشر... مافيش فرق بين المصري و الخليجي غير كماليات
و مصر مالهاش مواصفات قياسيه أصلا, و لسه بيدرسوا الموضوع ده علشان يطبق السنين القادمه
تقبل تحياتي يا باشا...