نا اخترت الكورى طبعا
اقتباس:
تم التصويت للكوري لأنه فنيا وصل لدرجة من التقدم تجعله عالمي أما التركي فهو مجرد أعادة انتاج أو تجميع لسيارات أوروبية
كلامك سليم جدا
اقتباس:
فى السنوات الأخيرة اقتربت المنتجات الكورية عموما - وخصوصا السيارات - من جودة مثيلتها من المنتجات اليابانية
كلامك برده سليم و لو شفت سعر الكورى هو هو سعر اليابانى بالظبط فى الدول المحترمة اللى مش بتقول يابانى و كلام كدا بتشترى العربية الافضل منهم مش علشان يابانى لا , بتشوف الاحسن و الاقوى و الاجود صنعا و تشتريه.
اقتباس:
أحمد باشا اسمحلي اشرح وجهة نظري..... التركي ما هو إلا تجميع لعربيات تانية بس بسعر أقل.... يعني إلي ميقدرش يدفع ١٢٥ ألف في رينو كليو فرنساوي يدفع ٧٥ و يجبها تركي
طبعا مش هي هي بس اسمك في الاخر راكب أوروبي و ده ليه رونقه
مين قال ان الكليو كان تمنها هيبقى 125؟ كان هيبقى قريب من ال 75 قول مثلا 90 أعتقد بس مستحيل يوصل 125 , عموما التقفيل التركى السىء بيفرق برده , انا عندى واحد صاحبى عنده كليو و عمل حادثة جامدة اوى (رشا فى عربية من قدام واقفة على جنب على كوبرى اكتوبر ) و العربية ادغدغت و الايرباج متلعطش.
اقتباس:
كوريا الدولة الخامسة بعد اليابان و امريكا و الصين و المانيا ؟؟؟؟؟؟؟
مع الأخذ في الإعتبار حجمها الصغير بالنسبة للدول دي ،،
تركيا في المركز ال 17
وده طبعا مركز هايل بالنسبة لدولة مجمعة للسيارات و دليل إنها اصبحت مركز تصنيع و تجميع للشرق الأوسط و اوروبا للشركات الكبري و من بينها الشركات الكورية ( مع العلم إن هيونداي فتحت مصنعها الأوروبي الجديد في جمهورية التشيك )،،
لولا إني مش عايز اخش في مجالات اخري غير صناعة السيارات كنت جبت معلومات كتير اوي عن فرق التقدم الصناعي و التكنولوجي و الإقتصادي بين الدولتين ،، عشان الناس اللي بتقول تجميعها احسن
أنا بس عايز أفهم يعني أيه عربية تركي ؟؟
ما هيا يا رينو يا فيات يا هيونداي ؟؟؟؟
يعني اللي هيشتري كورولا الجديدة هيشتريها عشان هيا جنوب افريقي ؟؟؟
و لا هيشتريها عشان هيا ( تويوتا كورولا )
كلام ممتاااااز
اقتباس:
يا جماعة بالعقل دا بلد بينتج و دا بلد بيجمع، و كفاية تبص تلاقي إن KIA و Hyundai هم من أكثر السيارات إنتشارا في الشرق الأوسط و خصوصا مصر بعد العملاقان اليابانيان تويوتا و ميتسوبيشي.
اللي بيتكلم عن عربية زي الشاهين و بيقارنها بالفيرنا فياريت يعرف إنه بيتكلم عن عربية واحدة!!!! و في نفس الوقت أنا شايف الفيرنا أفضل و بمراحل كبيرة "شكل-أداء-موتور-تحمّل-"
دور على كدا على أي ماركة سيارة تركية في أوروبا أو حتى في الشرق الأوسط و تكون منتشرة؟
حاجة أخيرة...لو التقفيل المصري كان كويس كنا هنعمل مقارنة ما بين كوريا و مصر في مجال السيارات
أنا قاعد بصقف دلوقتى
أنا رايى اساسا التقفيل التركى وحش اوى بدليل العربيات التركى اللى بتنزل مصر , كمان السؤال دا مينفعش يتسال فى مصر علشان العربيات الهيونداى الجامدة مش بتنزل مصر (مفيش غير الالنترا و السوناتا) اما الفيراكروز و السانتافيه و الازيرا و الجانيسيس مثلا مبينزلوش , فارتبط اسم هيونداى فى مصر بالسيارات الرخيصة ذات جودة متوسطة.
و دليل ان التركى اسوا من الكورى ان غبور استرخص و استورد الماتريكس التركى (مش متاكد فيه ماتريكس 100% كورى و لا لأ).
التقفيل التركى السىء واضح اوى فى العربيات الرينو و دا سبب كثرة مشاكلها و الاشاعات اللى بتطلع عليها و فعلا المقارنة مش سليمة لان تركيا بيقفل العربيات بس انما كوريا بتصنع من الالف الى الياء حتى المواتير و بصراحة فى السنين الاخيرة جودة السيارات الكورى زادت اوى و سعرها بره مصر نفس سعر اليابانى بالظبطططط (يعنى الكورولا نفس سعر الالنترا نفس سعر اللانسر الجديدة ) و (السوناتا نفس سعر الاكورد و نفس سعر الكامرى)